नाबालक छोराको जीवन बचाइदिन गुहार माग्दै बिरामी आमा

रोजेन्द्र जोशी

डेटी । लामो समयदेखि एचआईभीबाट संक्रमित डोटीको पुर्वीचौकी गाँउपालिका–६ गाँजरी बासकोट निवासी चनरी भण्डारी छोराको जीवन बचाउन गुहार माग्दै गाँउ–गाँउ धाउन बाध्य भएकी छन् ।

भारतमा चौकीदारीको काम गर्ने उनका पतिको एचआईभीका कारण दुई वर्ष अघि मृत्यु भइसकेको छ । नौ सन्तानलाई जन्म दिएकी ४० वर्षीया चनरीका ५ सन्तानको विभिन्न कारणले मृत्यु भइसकेको छ ।

एक छोरीको विवाह भइसकेको छ । अहिले घरमा उनीसँग साना दुई नानी तथा ३ वर्षीय छोरा कर्णमात्रै छन् । पिशाव नलीमा समस्या भए कर्ण गम्भीर बिरामी परेका छन् । उनको उपचारका लागि करिब ५ लाख खर्च हुने जानकारी स्वास्थ्यकर्मीले दिएपछि उनी छोराको जीवनरक्षाका लागि सहयोग माग्दै हिँडिरहेकी छन् ।

यो पनि पढ्नुस्ः एमाले उम्मेदवार प्रेम आले भन्छन्ः मतदातालाई पैसा बाँडेको छैन

३ वर्षीय कर्णसहित उनीसँग रहेका दुवै छोरीहरुमा एचआईभी छैन । पतिसँगको शारीरिक सम्बन्धबाट उनलाई एचआईभी संक्रमण भएको हो । एचआईभी संक्रमण भएको थाहा पाएपछि स्वास्थ्यकर्मीको सल्लाह अनुसार उनले लामो समयदेखि एआरटी औषधिको खाँदै आएकी छन् ।

नेता आलेमगरले पैसा दिँदै गरेको चनरीको फोटो समेत भइरल भएपछि उनलाई रकम दिन इच्छुक रहेका मानिसहरु निर्वाचन आचारसंहिता भन्दै रकम दिन अनकनाइरहेको उनले बताएकी छन् ।

आर्थिक अवस्था दयनीय रहेकी भण्डारीको आम्दानीको एक मात्र श्रोता ज्यामी पेशा हो । ज्यामी काम पाएका दिनमा उनको घरमा चुल्हो बल्छ, नत्र कयौँ रात उनले छोराछोरीसँगै खाली पेट सुत्नु परेको छ ।

जिल्ला स्वास्थ्य कार्यालय डोटी र पुर्वीचौकी गाँउपालिकाले सहयोग गरिदिन दिएको सिफारिस हातमा च्याप्दै ३ वर्षीया छोरालाई पिठ्युमा बोकेर उनी सदरमुकामका पसलमा धाइरहेकी छन् । छोराको जीवन बचाउन बिलौना गर्दै आर्थिक संकलनमा जुटेकी भण्डारीले अहिलेसम्म करिब ५० हजार रुपैयाँ जुटाएकी छन् ।

डोटीबाट प्रतिनिधिसभाको निर्वाचनका लागि वाम गठबन्धनबाट उम्मेदवारी दिएका प्रेम आलेमगरले भोटका लागि पैसा बाँडे भन्ने समाचार सामाजिक सञ्जाल र अनलाइनमाआएपछि उनी दुःखी छिन् ।

नेता आलेमगरले पैसा दिँदै गरेको चनरीको फोटो समेत भइरल भएपछि उनलाई रकम दिन इच्छुक रहेका मानिसहरु निर्वाचन आचारसंहिता भन्दै रकम दिन अनकनाइरहेको उनले बताएकी छन् ।

गत कात्तिक २१ गते ‘मतका लागि पैसा बाँड्दै उम्मेदवार’ शीर्षकको समाचार भाइरल भएका बेला उनकै फोटो समावेश थियो । त्यो फोटोमा यिनै महिलाले हातमा सिफारिस पत्र र पैसा समातिराखेकी थिइन् । उनलाई सहयोग गर्न चहानेहरुले पुर्वीचौकी गाँउपालिकाको कार्यालयमा सम्पर्क गर्न सकिनेछ ।

नाबालक छोराको उपचारका लागि चनरा भण्डारीलार्इ सहयोग गर्दै डोटीबाट वाम गठबन्धनका उम्मेदवार प्रेम आले मगर

Janata Tv

प्रतिक्रिया दिनुहोस्
विशेष

कान्ति न्यौपाने काठमाडौं । विगतमा विभिन्न राजाले बिशेष कार्यक्रममा पहिरिने गरेको श्रीपेज अब खम्बाले लगाएको छ । राजहाँसको प्वाख र…

काठमाडौं । लोक तथा दोहोरी गायक शंकर क्षेत्री नेपालगञ्जका हुन् । यस्तै, लोक तथा दोहोरी गायिका बबिता बानियाँ जेरी गोरखाकी…

काठमाडौं । शीर्ष नेता तथा मन्त्रीहरूले राजधानी काठमाडौंमा नै दशैं मनाउने भएका छन्। सत्तारूढ दलका अध्यक्षसमेत रहनुभएका प्रधानमन्त्री केपी ओली…

काठमाडौं । हनुमानढोका दरबारस्थित दशैँघरमा गोरखाबाट भित्र्याइने फूलपाती लिन धादिङको छत्रे देउरालीतर्फ जाने टोली तयार गरिएको छ । गोरखाबाट ल्याएको…

–नारायण भण्डारी नेपाली समाजमा भव्यताका साथ मनाइंने महान् पर्व बडा दशैंको छैटौं दिन आश्विनशुक्लषष्ठी तिथिमा शक्ति स्वरुपा भवानी माता कात्यायनीको…

मितिः २०७५ असोज २९ गते सोमबार बिहान ५ः०० स्टेसन आइडी ५ः०२ राष्ट्रिय गित ५ः२५ मालश्री धुन ५ः३० तीर्थ पर्यटन प्रस्तोताः…