शरद गौचन हत्या प्रकरणः नुवाकोटका राजीव स्याङ्तान ‘सुटर’

मदन ढुंगाना

काठमाडौँ । एक महिना भन्दा लामो अनुसन्धानपछि प्रहरीले नेपाल निर्माण व्यवसायी महासंघका अध्यक्ष शरद गौचनको हत्यामा संलग्न पाँचजना युवालाई प्रहरीले सार्वजनिक गरेको छ ।

नयाँबानेश्वरको शान्तिनगरस्थित ओम शान्तिचोकमा घर नजिकै गोली हानी हत्या गरिएको प्रकरणमा प्रहरी नेपाल र भारतकासहित पाँच युवालाई सार्वजनिक गरेको हो ।

प्रहरीका अनुसार गुण्डा नाइकेहरु समिरमानसिंह बस्नेत र मनोज पुनको संलग्नमा गौचनको हत्या भएको तथ्य खुलेको छ ।
गौचनको हत्यामा दुई गुन्डा समूहको प्रष्ट संलग्न देखिएपनि उनलाई गोली हान्ने युवा भने नुवाकोटका रहेको महानगरीय प्रहरी आयुक्तको कार्यालयका प्रमुख एआईजी जयबहादुर चन्दले जानकारी दिएका छन् ।

प्रहरीका अनुसार गौचनमाथि नुवाकोटका २१ वर्षीय सुटर राजीव स्याङ्तानले गोली हानेका थिए । स्याङ्तानले हानेको तीन गोली गौचनको मुटु र फोक्सो छेड्दै गएको थियो ।

गौचनमाथि गोली राजीवले गोली हानेपछि हतियारको व्यवस्थापनको काम भने अर्कै युवाले गरेको खुलेको छ ।

राजीवसम्म हतियार ल्याइपुर्याउने काम पर्साको कालिकामाई गाउँपालिका–१ का ३५ वर्षीय शिवजी महतो र भारतको बिहार राज्यस्थित बेतिया जिल्लका २४ वर्षीय मुकेश पाण्डेले गरेको प्रहरीको अनुसन्धानबाट पत्ता लागेको छ ।

त्यसैगरी गौचनको हत्यापछि भाग्न प्रयोग भएको मोटरसाइकलको व्यवस्थापन मुकेश पाण्डे र पर्साको ठोरी गाउँपालिका ५ का १८ वर्षीय सन्तोष गुरुङले गरेको पनि पत्ता लागेको छ ।

घटनाका अर्का अभियुक्त काठमाडौँको नागार्जुन गरपालिका ४ का २२ वर्षीय प्रकाश बुढाथोकीलाई प्रहरीले घटनाका सहयोगीकारुपमा सार्वजनिक गरेको छ ।

दुर्इ गुन्डा नाइकेसहित अन्य फरार

गौचनको हत्यामा संलग्न फरार अभियुक्तहरुको पनि प्रहरीले नाम सार्वजनिक गरेको छ । फरार रहेकाहरुमा समिरमानसिंह बस्नेत, मनोज पुन, लोप्साङ, बोका भन्ने गंगा लिङ्देन (लिम्बू), श्यामबहादुर गुम्बे, काले दाइ भन्ने अम्बरबहादुर राना, रोशन बुढाथोकी र अजय थापा रहेका छन् ।

Janata Tv

प्रतिक्रिया दिनुहोस्
विशेष

कान्ति न्यौपाने काठमाडौं । विगतमा विभिन्न राजाले बिशेष कार्यक्रममा पहिरिने गरेको श्रीपेज अब खम्बाले लगाएको छ । राजहाँसको प्वाख र…

काठमाडौं । लोक तथा दोहोरी गायक शंकर क्षेत्री नेपालगञ्जका हुन् । यस्तै, लोक तथा दोहोरी गायिका बबिता बानियाँ जेरी गोरखाकी…

काठमाडौं । शीर्ष नेता तथा मन्त्रीहरूले राजधानी काठमाडौंमा नै दशैं मनाउने भएका छन्। सत्तारूढ दलका अध्यक्षसमेत रहनुभएका प्रधानमन्त्री केपी ओली…

काठमाडौं । हनुमानढोका दरबारस्थित दशैँघरमा गोरखाबाट भित्र्याइने फूलपाती लिन धादिङको छत्रे देउरालीतर्फ जाने टोली तयार गरिएको छ । गोरखाबाट ल्याएको…

–नारायण भण्डारी नेपाली समाजमा भव्यताका साथ मनाइंने महान् पर्व बडा दशैंको छैटौं दिन आश्विनशुक्लषष्ठी तिथिमा शक्ति स्वरुपा भवानी माता कात्यायनीको…

मितिः २०७५ असोज २९ गते सोमबार बिहान ५ः०० स्टेसन आइडी ५ः०२ राष्ट्रिय गित ५ः२५ मालश्री धुन ५ः३० तीर्थ पर्यटन प्रस्तोताः…