अख्तियारद्वारा वैदेशिक रोजगार विभागका महानिर्देशक पक्राउ

काठमाडौँ । अख्तियार दुरुपयोग अनुसन्धान आयोगको टोलीले वैदेशिक रोजगार विभागका महानिर्देशक विश्वराज पाण्डेलाई बुधबार पक्राउ गरेको छ ।

पाण्डेलाई अख्तियारको टोलीले मित्रपार्क चाबहिलस्थित अपार्टमेन्टबाटै पक्राउ गरेर हिरासतमा लिएको हो । मंगलबार राति काठमाडौँको नयाँबानेश्वरबाट १० लाख रुपैयाँ घुससहित एकजना अधिकृत र एकजना नायव सुब्बा पक्राउ परेको प्रकरणमा महानिर्देशक पाण्डे पनि मुछिएका हुन् ।

मंगलबार राति नयाँबानेश्वरस्थित इन्द्रेणी फुडल्यान्डबाट वैदेशिक रोजगार विभागका अधिकृत कीर्तिबल्लभ पौडेल र विभागकै नायव सुब्बा खडकबहादुर केसीलार्इ अख्तियारको टोलीले १० लाख घुससहित पक्राउ गरेको थियो ।

एकजना म्यान पावर व्यवसायीको ठगी मुद्दा मिलाइदिन भन्दै दुवैजनाले घुस मागेका थिए । १५ दिनअघिबाट उनीहरुले ती म्यान पावर व्यवसायीसाँग १५ लाख रुपैयाँबाट बार्गेनिङ थालेका थिए ।

अख्तियारबाट नाम गोप्य राखिएका ती म्यान पावर व्यवसायीले आफ्नो गल्तीबिना नै घुस मागिएको भन्दै अख्तियारमा उजुरी दिएका थिए । उनले उजुरी दिएपछि अख्तियारले दुवैजनालाई घुससहित समातेको हो ।

पक्राउ परेका दुवैजनालाई घुस लिएको नोटको मुचुल्का उठाएर थप अनुसन्धानका लागि अख्तियारको केन्द्रीय कार्यालय टंगाल लगिँदैछ ।

यो पनि पढ्नुस्

घुस लिँदालिँदै यसरी पक्राउ परे वैदेशिक रोजगारका हाकिम (फोटो फिचर)

 

Janata Tv

प्रतिक्रिया दिनुहोस्
विशेष

–खेम बम पछिल्लो समय नेपाली राजनीतिमा मार्सी चामलको खुबै चर्चा छ । यसको पृष्ठभूमीमा छन्– नेकपाका अध्यक्षद्वय केपी शर्मा ओली…

– राधिका जोशी सुनिँदै, बोलिँदै अनि लेखिँदै आयो, ‘स्वास्थ्य संस्था मन्दिर अनि र डाक्टर भगवान ।’ जसरी हामी मन्दिरमा फूलअक्षता…

–प्रतिमा चौधरी कसैले तपाईंको इमानदारिता, साँचोपन, बुद्धिमत्ता वा राम्रो पक्षबारेमा थाहा पाउन सक्दैनन्, जबसम्म तपाईं आफ्नो कामद्वारा उदाहरण प्रस्तुत गर्नु…

–रामकुमार/पुष्पा/शिव काठमाडौं । रेशम चौधरी अर्थात् २०७४ मा भएको संघीय निर्वाचनमा कैलाली क्षेत्र नम्बर १ बाट निर्वाचित सांसद । तत्कालीन…

काठमाडौं । विदेश जानकै लागि नक्कली विवाह गरेको घटना त हामीले प्रशस्तै सुने देखेका छौँ, तर अब घटना यस्ता पनि…

कृषिमा व्यावसायीकरण, विशिष्टीकरण तथा औद्योगिकरणका माध्यमबाट बेमौसमी तरकारी तथा फलफुल ठूलो परिमाणमा छिमेकी देश भारत, बङ्गलादेश लगायत खाडी मुलुकहरू, थाइल्याण्ड…