Arna Beer

रुकुम पश्चिममा ६६ र पूर्वमा ६५ प्रतिशत मत खस्यो

अमरराज पुन

रुकुम । पहिलो चरणमा आइतबार सम्पन्न प्रतिनिधि र प्रदेशसभा निर्वाचनका क्रममा पश्चिम रुकुममा ६६.२१ र पूर्वमा ६५ प्रतिशत मत खसेको छ ।

पश्चिम रुकुमका १ सय ११ मतदान केन्द्रको अन्तिम मत परिणाम अनुसार ६६ प्रतिशत मत खसेको जिल्ला निर्वाचन कार्यालय पश्चिम रुकुमले जनाएको छ ।

रुकुम पुर्वमा भने जिल्लाका ४२ तदान केन्द्रबाट ६६ प्रतिशत मत खसेको जिल्ला निर्वाचन अधिकारी राजेश प्रशाद पोखरेलले बताए । ६ स्थानीय तह रहेको पश्चिम रुकुममा ८४ हजार ८२ मतदाता रहेका थिए ।

तर, यसपटकको निर्वाचनमा भने यसअघि सम्पन्न स्थानीय तहको निर्वाचनको भन्दा केही कम मत खसेको बताइएको छ । यस्तै पूर्वी रुकुममा २७ हजार ९ सय २८ मतदाता रहेका थिए । पूर्वी रुकुममा पनि स्थानीय तहको भन्दा केही कम मत खसेको छ ।

मतदान सकिएलगत्तै पूर्वी रुकुमको सदरमुकाम नजिक रहेका मतदान केन्द्रबाट आजै मतपेटिका संकलन गरिने बताईएको छ । जिल्लाका अति दुर्गम ठाउँमा रहेका सिस्ने, पेल्मा, रन्मा र मैकोट मतदान केन्द्रका मतपेटिका सोमबार बिहान हेलिक्पटर मार्फत ल्याइने भएको छ ।

बाँकी अरु मतदान केन्द्रबाट भने सुरक्षाको दृष्टिकोणलाई मध्यनजर गरी भोलिदेखि नै मतपेटिका संकलन गरिने पूर्वी रुकुमका प्रमुख जिल्ला अधिकारी भूपेन्द्र सापकोटाले बताए ।

सापकोटाका अनुसार पूर्वी रुकुममा आज सम्पन्न निर्वाचनमा कुनै अप्रिय घटना नभई शान्तिपुर्ण वातावरणमा निर्वाचन सम्पन्न भएको बताईएको छ । यस्तै पश्चिम रुकुममा पनि निर्वाचन सम्पन्न भएलगत्तै विभिन्न मतदान केन्द्रबाट मतपेटिका संकलन गर्ने काम भईरहेको पश्चिम रुकुमका प्रमुख जिल्ला अधिकारी वंशीकुमार आचार्यले जानकारी दिए ।

यसैबीच पश्चिम रुकुमको वाँफिकोट गाउँपालिकाको काँडामा रहेको रत्न माध्यमिक विद्यालयको क मतदान केन्द्रको प्रत्यक्षतर्फ प्रतिनिधिसभाको मतपेटिकामा एसिड हालिएपछि फेरी अर्को चरणमा यहाँ मतदान हुने भएको छ । प्रदेश र समानुपातिक तर्फको मतदान भने सकिएको छ ।

यस्तै आठबीसकोट नगरपालिका वडा नम्बर ११ को गत्तसैनामा रहेको ख मतदान केन्द्रको समानुपातिक मतपेटिकामा पनि एसिड हालिएपछि त्यहाँ पनि अर्को चरणमा निर्वाचन हुने भएको छ ।

तर, प्रत्यक्षतर्फ प्रतिनिधि र प्रदेशसभाको मतदान भने पुरा भएको छ । जिल्लाको दुई फरक मतदान केन्द्रको मतपेटिकामा एसिड राख्नेलाई भने प्रहरीले नियन्त्रणमा लिईसकेको छ । अन्य बाँकी सबै मतदान केन्द्रमा भने शान्तिपुर्ण वातावरणमा निर्वाचन सम्पन्न भएको छ ।

Janata Television

Janata Tv

प्रतिक्रिया दिनुहोस्
विशेष

काठमाडौं नेकपा माओवादी केन्द्रका अध्यक्ष पुष्पकमल दाहाल‘ले सरकार विस्तार हुन अझै दुई दिन लाग्ने बताएका छन । “एमालेले मन्त्रीमण्डलमा पठाउने व्यक्ति…

काठमाडौं । प्रधानमन्त्री केपी शर्मा ओलीले शिक्षा क्षेत्रमा नीतिगत सुधारको खाँचो रहेको बताएका छन् । काठमाडौंमा आयोजित ‘नेपालको संघीय संरचनामा…

काठमाडौं । नेकपा माओवादी केन्द्रका अध्यक्ष पुष्पकमल दाहालले बामपन्थी गठबन्धनको नेतृत्वमा दुई तिहाई बहुमतसहितको सरकार बन्ने दावी गरेका छन् ।…

नुवाकोट । पञ्चकन्या गाउँपालिका–५ का नौले भनिने सानुवीरे तामाङ जन्मनु भन्दा तीनवर्ष अघि नुवाकोट जिल्ला अदालतबाट चोरी मुद्दामा दोषी ठहर…

काठमाडौं । प्रधानमन्त्री केपी शर्मा ओलीलाई बालुवाटारमा जन्मदिन मनाउने अवसर जुरेको छ । शुक्रबार सरकारी निवास बालुवाटारमा मन्त्रीपरिषद् बैठक लगत्तै…

काठमाडौं । केन्द्रीय सरकारमा मन्त्रालयको टुंगो लागेको छ ।  केन्द्रमा के कति मन्त्रालय राख्ने सम्बन्धमा वाम दलबीच अन्ततः १७ मन्त्रालयमा…