सञ्जयको शरणमा विमलेन्द्र निधि, राजेन्द्र महतोलार्इ रघुवीरको साथ

धनुषा । धनुषा क्षेत्र नम्बर ३ मा नेपाली कांग्रेसका प्रभावशाली नेता बिमलेन्द्र निधि र राजपाका नेता राजेन्द्र महतोबीच कडा प्रतिस्पर्धा देखिएको छ ।

वाम गठबन्धनका तर्फबाट माओवादी केन्द्रका रामसिंह यादवको उम्मेदवारी परे पनि तुलनात्मक रुपमा कमजोर उम्मेदवारका रुपमा आंकलन गरिएको छ ।

धनुषा ३ बाट विमलेन्द्र निधि लगातार दुईपटक जित्न सफल भएका छन् । एकपटक धनुषा ४ बाट उनी विजय भएका थिए । धनुषा ४ मा कृष्णप्रताप मल्लसँग पराजित भएपछि उनले क्षेत्र परिवर्तन गरेका थिए ।

विकास बेच्दै निधि

निधि धनुषाबाट सबैभन्दा बढीपटक मन्त्री भएका नेता हुन् । पछिल्लोपटक सडक निर्माणमा उनले निकै प्रशंसा बटुलेका छन् । त्यस क्षेत्रमा विकास पुरुषका रुपमा उनलाई स्थानीयवासीले प्रचारप्रसार गरिरहेका छन । तर प्रत्येक वर्ष उनको जितको मार्जिन घट्दै जानु पनि चिन्ताको विषय बनेको छ ।

पहिलो संविधानसभाको चुनावमा एमाले नेता हरिदेव मण्डलसँग करिब दुई हजारको मतान्तरले विजय भएका निधि २०७० सालको दोस्रो संविधानसभा चुनावमा एमालेकी जुली महासेठसँग एक हजार ४९३ मतको मतान्तरले विजयी भएका थिए ।

यसपालिको चुनावमा वामपन्थी गठबन्धनले कमजोर उम्मेदवारलाई उठाएको मतदाता बताउँछन् । रामसिंह यादव सो क्षेत्रका लागि नयाँ अनुहार मात्रै होइन, जनताको प्रत्यक्ष राजनीतिमा समेत नौलो अनुहार मानिन्छन् ।

स्रोतका अनुसार रघुवीर महासेठ र राजेन्द्र महतोबीच गठबन्धन देखिएको छ । महासेठले नेता महतोलाई सहयोग गर्ने आन्तरिक तयारी भइरहेको बताइएको छ । महतो सर्लाहीमा जित्न सक्ने अवस्था नदेखिएपछि धनुषा आएका अन्य दलले आरोप लगाएका छन् ।

लालकिशोरको अलोकप्रियता महतोलार्इ भारी

महतोलाई जनकपुर उपमहानगरपालिकाका प्रमुख लालकिशोर साहको अलोकप्रियताले पनि समस्या गरिरहेको छ । हाल जेलमा रहेका सञ्जय साहका नजिकका व्यक्तिले पनि निधिको पक्षमा भोट मागिरहेकाले विजय हात पार्न धेरै नै कसरत गर्नुपर्ने हुनसक्छ ।

महतो धनुषामा पहिलोपटक चुनाव लड्न आए पनि सर्लाहीबाट दुईपटक सांसद भइसकेका हुन् । उनी दुईपटक त्यही जिल्लाबाट पराजित भएका थिए ।

दोस्रो संविधानसभा चुनावमा पराजित भएपछि महतो जिल्ला छोड्ने मानसिकता बनाएका थिए । कयौँपटक उनी पनि मन्त्री भइसकेका छन् ।

बाहिर निस्कनै सकेनन्

दुवै नेताले जित आफ्नो पक्षमा पार्न आफ्नो क्षेत्र बाहेक अन्य कुनै क्षेत्रमा जान सकेका छैनन् । महतो प्रतिस्पर्धी नहुँदा निधिलाई त्यति गाह्रो थिएन तर उहाँको उम्मेदवारीले कडा प्रतिस्पर्धा हुने आँकलन सबैले गरिरहेका छन् ।

धनुषा ३ मा मुस्लिम मतदाताको पनि महत्वपूर्ण भूमिका हुने भएकाले त्यो मत तान्न पनि दुवै नेताको जोडतोड छ ।

स्रोतका अनुसार रघुवीर महासेठ र राजेन्द्र महतोबीच गठबन्धन भएको र महासेठले नेता महतोलाई सहयोग गर्ने आन्तरिक तयारी भइरहेको चर्चामा आएको छ ।

यस्तो छ स्थानीय तहको मत

स्थानीय तहको चुनावमा धनुषा निर्वाचन क्षेत्र नम्बरमा ३ मा पाँच लाख ८८ हजार ८७२ मतमध्ये ३ को ‘क’ मा ३३ हजार ६६१, ३ को ‘ख’ मा २५ हजार ३११ मत खसेको थियो ।

उपमहानर प्रमुख र गाउँपालिका अध्यक्षमा राजपालाई ‘क’ मा ४३ सय ८० र ख मा ८७ सय ९२ गरी १३ हजार १७२ मत प्राप्त भएको थियो भने नेपाली कांग्रेसलाई ‘क’ मा १० हजार ९२८, ‘ख’ मा सात हजार तीन सय ८ मत गरी १८ हजार १३१ मत आएको थियो ।

यसैगरी एमालेको ‘क’ मा नौ हजार ९५९, ‘ख’ मा दुई हजार ६८४ गरी १२ हजार ६४३, संघीय समाजवादी फोरमको ‘क’ मा तीन हजार ११०, ‘ख’ मा ९९८ गरी चार हजार १०८, माओवादी केन्द्रलाई ‘क’ मा एक हजार ६६१, ख मा ७८१ गरी दुई हजार ४४२ मत प्राप्त भएको थियो ।

Janata Tv

प्रतिक्रिया दिनुहोस्
विशेष

नारायण भण्डारी/ स्थलगत अवलोकनबाट फर्केर काठमाडाैं । सिद्धार्थ राजमार्गको सिद्धबाबा सडकखण्डमा खस्ने पहिरोका कारण गण्डकी तथा धौलागिरिक्षेत्रकै जनजीवन प्रभावित भएको छ…

काठमाडौं । प्रधानमन्त्री केपी शर्मा ओलीले जनताको अपेक्षा अनुसार काम गर्ने प्रतिवद्धता व्यक्त गर्नु भएको छ । प्रधानमन्त्री ओलीले जनताले…

सरोज थापा डोल्पा ।  हिमाली जिल्लामा डाेल्पामा यार्सागुम्बा संकलन  गर्नेहरूकाे घुइचाे लागेकाे छ । जिल्लाका विभिन्न लेकमा यतिखेर संकलकहरूकाे लर्काे…

कन्चनपुर । प्रत्येक वर्ष एक उत्कृष्ट गन्तव्यको प्रवर्दनगर्दै आएको सोसाईटी अफ ट्राभल एण्ड टूर अपरेटर्स नेपाल (सोट्टो–नेपाल) ले यसवर्ष सुन्दर…

 काठमाडौँ । प्रधानमन्त्री केपी शर्मा ओली र नेपालको राजकीय भ्रमणमा रहनुभएका भारतका प्रधानमन्त्री नरेन्द्र मोदीबीचको भेटवार्ता सम्पन्न भएको छ ।…

काठमाडौँ । उपराष्ट्रपति नन्दबहादुर पुनसँग नेपालको राजकीय भ्रमणमा रहनुभएका भारतका प्रधानमन्त्री नरेन्द्र मोदीले आज साँझ शिष्टाचार भेट गर्नुभएको छ ।…