‘मधेसमा जनता मरिरहँदा मन्त्री भनेर कसरी काठमाडौँमा बसिरहूँ ?’

महोत्तरी । ‘तराईमा शीतलहरले जनजीवन कठ्यांग्रिँदा मन्त्रीको काठमाडौँमा के काम ?’ चिसोबाट प्रभावित मधेसका जनतालाई न्यानो कपडासहित सामग्री बाँड्दै विनाविभागीय मन्त्री गिरिराजमणि पोखरेलले भने, ‘देख्दा शीतलहरले मरेको भनिए पनि मान्छे गरिबीले मरेका हुन् ।’

अत्यधिक बढेको चिसोले जनजीवन प्रभावित भएपछि महोत्तरी पुगेका मन्त्री पोखरेलले यसवर्ष चिसोबाट बच्न मधेसका जनतालाई अनुरोध गरे । ‘तातो कुरा खानुस्, न्यानोमा बस्नुस्,’ गौशालामा आयोजित कार्यक्रममा पोखरेलले भने, ‘आफ्नो स्वास्थ्य ख्याल गर्दै साँझबिहान चिसोबाट बच्नुस् ।’

गौशाला नगरपालिका अन्र्तगतका विभिन्न वडामा शीतलहरबाट प्रभावित अतिविपन्न परिवारलाई मन्त्री पोखरेलले न्यानो कपडा, कम्बल, म्याट, ब्यालङ्केट बाँडे । शीतलहरबाट प्रभावित दलित, विपन्न वर्गका परिवारलाई बर्दिबास र गौशालाको संयोजनमा राहत वितरण गरिएको हो । ‘वामपन्थीहरु सधैँ जनताका सुखदुःखमा छन्,’ पोखरेलले भने, ‘अहिले शीतलहरबाट बचौँ, अर्को वर्ष गरिबीको रेखामुनिका नागरिकको आयस्तर माथि उठ्ने गरी उत्पादन क्षेत्रमा योजना बनाएर काम गरौँला, अनि जाडोमा पनि लड्ने शक्ति सञ्चय गरौँला ।’ मन्त्री पोखरेलले आफ्ना नागरिक जाडोले मरिरहँदा काठमाडौँ बस्न नसकेर मधेस झरेको बताए । तस्बिरः सुनील खड्का 

Janata Tv

प्रतिक्रिया दिनुहोस्
विशेष

मितिः २०७५ असोज ३१ गते बुधबार बिहान ५ः०० स्टेसन आइडी ५ः०२ राष्ट्रिय गान ५ः३० तीर्थ पर्यटन प्रस्तोताः नारायण भण्डारी ६ः००…

–नारायण भण्डारी नेपाली समाजमा हर्ष उल्लासपूर्वक मनाइने शारदीय महापर्व बडा दशैंको आठौं दिन आश्विनशुक्ल अष्टमी तिथिमा प्रचण्डघोर कृष्णशक्ति स्वरुपा भवानी…

विद्यानन्द राम राजविराज । प्रहरीले चाडपर्वलाई लक्षित सप्तरीमा ११ बुँदे विशेष सुरक्षा योजनाका साथ काम गरिरहेको छ । जिल्लाका सार्वजनिक…

आश्विन शुक्लपक्षको बडा दशैँमा देशका विभिन्न देवीमन्दिर, शक्तिपीठ र कोटघरहरुमा आद्यशक्ति देवी दुर्गा भवानीको पूजाआजा गरिन्छ । सनातन संस्कृतिमा आदिमाता…

काठमाडौं। दशैँ मनाउन २१ लाख ५४ हजार २६ यात्रु काठमाडौं उपत्यकाबाट बाहिरिएका छन् । ट्राफिक प्रहरी महाशाखाका अनुसार सोमबार बेलुकासम्म…

–नारायण भण्डारी नेपाली समाजमा बडो उल्लासपूर्वक मनाइने महान् पर्व बडा दशैंको सातौं दिन आश्विनशुक्ल सप्तमी तिथिमा ज्ञानशक्ति स्वरुपा माता सरस्वतीकोे…