कविताः रुदाने र ‘थाहा’

–जागृत रायमाझी

पागलले रुदानेलाई
पागल नै देख्छ
पागल जस्तै
लवाइखवाइ र बोली रुदानेको

जोगीले रुदानेलाई
जोगी नै जान्छ
गेरुबस्त्र पहिरिने
पारा रुदानेको

पूजारीले ‘पण्डित’ मान्लान्
गुण्डाहरुले ‘डन’ ठान्लान्
‘ठिस’हरुले बहुरुपी
ढोङगी पनि भन्लान्
पञ्चेले पञ्चे नै ठाने,
बहुदलेले बहुदले नै माने
जस्तो आफू तेस्तै च्यापु भए रुदाने

बडो अजीब !
आज सबका आदर्श रुदाने !
भ्रष्ट धने धनबहादुर पनि
टाँस्छ तस्बिर रुदानेको
जीवनभर पर भाग्ने पनि
भन्छ ‘रुप्चन्द्र’
सिध्याउने षडयन्त्रकारी पनि
जप्छ ‘जसरु’
समाजबाट सुदूर हुने पनि
सोच्छ ‘स्वरुपे’
गफास्टकका लागि किम्बदन्ती
भए ‘रुपे’
आफ्ना आफ्ना स्वार्थका बहाना
बने ‘रुदाने’

कोही सूचनाको हकमा
‘थाहा’ कैद गर्दैछन्
गगन्चुम्बी दरबारको
‘थाहा’ भरेङ मान्दैछन्
उर्जा नहुनेहरु
‘थाहा’ शुन्यबाद ठान्दैछन्
शब्दबिहीनहरु
‘थाहा’ औजार हान्दैछन्

जे होस् …..
किसान, कुल्ली
र कुस्तिबाज त थिए नै रुदाने
शिक्षक, साधक, सन्यासी पनि भए
यायावर र बिन्दास पनि अवश्य हुन
खगोल, पर्यटन
र बनस्पती पनि छोए

तर मुख्य त….
अनुभव, अनुभूति र साक्षात्कार
पाएका दार्शनिक हुन ‘स्वरुपे’
जनहित निम्ति राजनीति भन्ने
छाप्रेहरुका नेता हुन ‘जसरु’
आयुभरी क्रान्तिकारी चट्याङ छर्ने
आदर्श योद्दा हुन ‘रुदाने’ !

‘थाहा’ रुदाने हुन्
रुदाने ‘थाहा’ हुन् !

(मकवानपुरका दार्शनिक कम्युनिष्ट नेता रुपचन्द्र विष्ट, आफूलाई रुदाने, जसरु, स्वरुपेको उपमा दिन्छन् । थाहा आन्दोलनका प्रणेता रुपचन्द्र विष्टको पुस २६ जन्मदिन हो, मकवानपुर दामन पालुङबाटै विद्यार्थी राजनीति हुँदै कम्युनिष्ट राजनीतिमा होमिएका युवा नेता जागृत रायमाझीको शब्दमा रुदाने र थाहा ।)

प्रतिक्रिया दिनुहोस्
विशेष

काठमाडौँ । भारतीय सञ्चारमाध्यम आजतकले नेपालमा छाउपडी व्यवस्था रहेको र महिनावारी हुँदा महिला घरनिकाला हुने गरेको समाचार दिएको छ ।…

काठमाडौँ । मोदनाथ प्रश्रित, वरिष्ठ साहित्यकार । समाज परिवर्तनका लागि निरन्तर लेखिरहेका व्यक्तित्व । जसको कृति ‘मानव’ले २०२३ सालमै पायो…

काठमाडौँ । हेटौँडा काठमाडौँ सुरुङ मार्गमा वैदेशिक लगानी ल्याइदिने भन्दै नेपाल पूर्वाधार विकास कम्पनीसँग नजिकिएका सुरज सुब्बा नेपालमा छैनन् ।…

बर्दिया । भेरी अञ्चल अस्पतालका स्वास्थ्यकर्मीको लापरबाहीले बर्दिया बढैयाताल गाउँपालिका–३ सोरहवाकी २२ वर्षीया रुमा थारूको दुवै मिर्गौलाले काम गर्न छाडेको…

काठमाडौँ । नारायणगढ–मुग्लिन सडकखण्डमा दिउँसो ६ घण्टा यातायात सञ्चालनमा रोक लगाइने भएको छ । सडक विस्तारका लागि माघ १३ गतेदेखि…

काठमाडौँ । नेपाल विज्ञापन संघका अध्यक्ष रविन्द्रकुमार रिजाल शशीले स्थायी सरकार नभएकाले सञ्चार क्षेत्रमा भएका निर्णय कार्यान्वयन हुन नसकेको बताएका…