बल्ल रंगशाला र फिल्म हल पुग्न पाए महिला

मुस्लिम राष्ट्रहरुमा महिलाप्रतिका नीति अझै अनुदार नै छन् । यस्तै अनुदार देशका रुपमा रहेको साउदी अरेबियामा पनि फुटबल खेलमा सहभागिता, सवारी साधन चलाउन पाउने र चलचित्र भवनमा गएर चलचित्र हेर्न पाउनेजस्ता महिलाका लागि गरिएका अग्रगामी परिवर्तनबाट यहाँका महिलामा उत्साह थपिएको पाइएको छ । उनीहरुमा अधिकारका लागि आफ्नो पहल पनि आवश्यक छ भन्ने कुराको महसुस पनि भएको छ ।

–मोहिनी मिश्र रिसाल

साउदी अरेबियामा महिलाले फुटबल खेल हेर्न रङगशाला प्रवेश गर्न पाउने समाचारले यो महिनाको सुरुवातमा लगभग अन्तरराष्ट्रियस्तरमा नै ठूलो प्राथमिकता पायो । साउदी अरेबिया र गल्फमात्र होइन कि विश्वका अन्य देशहरुले यस समाचारलाई ठूलो महत्वका साथ दिए ।

विश्वका कयौँ देशका महिला राष्ट्रपति, प्रधानमन्त्रीलगायत देशको शासन सञ्चालनमा पुगेका छन् । तर पनि साउदी अरेबियामा बल्ल महिलाले यस्तो अधिकार प्राप्त गर्दैछन् भने समाचारले प्राथमिकता नपाउने कुरा पनि भएन । साउदी अरेबियाको सरकारले सन् २०१५ को डिसेम्बर १२ मा भएको नगरपालिकाको निर्वाचनमा पहिलो पटक महिलालाई मतदान गर्ने अनुमति दिएको समाचारले पनि यस्तै चर्चा पाएको थियो । त्यस समयमा महिलाले आफ्नो यो मताधिकारलाई एउटा ठूलो पर्वका रुपमा नै मनाएका थिए ।

यसअघि पनि साउदी अरबको ट्राफिक कार्यालयले महिलालाई पनि ट्रक र मोटरसाइकल चलाउन पाउने व्यवस्था गरेको समाचारले अन्तरराष्ट्रिय सञ्चारमा स्थान पाएको थियो । ती सञ्चारमाध्यम साउदी अरबले महिलालाई ठूलो न्याय गरेको भान हुनेगरी समाचार छाप्न बाध्य भएका थिए । यो पनि तत्काल लागू नभई औपचारिकरुपमा भने यस वर्षको मध्यबाट मात्र लागू हुने बताएको थियो । महिलालाई ट्रक र मोटरसाइकल चलाउन पाउने व्यवस्था गत डिसेम्बर १६ मा गरेको थियो ।

साउदी अरबका राजा सल्मान बिन अब्दुलाजिज अल साउदले गत सेक्टेम्बरमा महिलालाई चालक बन्न पाउने व्यवस्था गर्न निर्देशन दिएका थिए । यी देशमा मानव अधिकारको विषयमा महिला र पुरुष समान रहेका र उनीहरुले पनि अकिकार पाउनुपर्ने बताउने गरिएकै हुन्छ । तर व्यवहारमा भने त्यस्तो थिएन ।

करिब दुई हप्ताअघि जेद्दाहामा भएको फूटबल खेल प्रतियोगीतामा साउदी अरबका महिलाहरु पहिलो पटक सहभागी भएर नयाँ इतिहास रचेका टिप्पणी गरियो । यसअघि साउदी अरबमा रङगशालामा नै गएर फुटबल प्रतियोगिता हेर्न वा खेल्न महिलाहरुलाई प्रतिबन्ध गरिएको थियो । अब आफ्ना परिवारजनसँग फुटबल प्रतियोगिता हेर्न वा प्रतियोगितामा सहभागी हुन पनि सरकारले खुल्ला गरेको बडो गर्वसाथ खुलासा गरेको थियो । साउदी अरबको सरकारले किङ्ग अब्दुल्लाह स्पोटर्स सिटी रंगशालामा गएर खेल हेर्न महिलाहरुलाई पनि खुल्ला गरेको सूचना हालै प्रकाशित गरेको हो ।

यस रङगशालामा महिला दर्शकहरुका लागि छुट्टा छुट्टै प्रवेशद्धार, शौचालय, पार्किङस्थल लगायतको व्यवस्था गरिएको छ । यसवर्षको मध्यबाट साउदी सरकारले महिलाहरुलाई सवारी साधन चलाउन र चलचित्र हलहरुमा गएर चलचित्र हेर्न पाईने व्यवस्था पनि गर्ने निर्णय गरेको छ ।

प्रतियोगितामा खाडी राष्ट्रका महिलाले नयाँ स्वतन्त्रताको पहिलो पटक फाईदा उठाएको विज्ञहरुको भनाइ रहेको छ । महिला फुटबल प्रतियोगीता हेर्नपाउने, सवारी चलाउन पाउने, चलचित्र हलमा गएर चलचित्र हेर्नपाउने जस्ता कुरा वास्तवमा भन्ने हो भने अहिलेको युगमा अन्तरराष्ट्रिय जगतमा नै समाचार बन्ने विषय भने होइन । तर साउदी अरब सम्भवतः कतिपय विषयमा महिलाका लागि विश्वमै धेरै अनुदार मुलुक मानिन्छ । त्यसका कारण पनि यो समाचारले प्राथमिकता पाएको हो ।

यस्तो अनुदार देशमा महिलाप्रति यी सरकारी निर्णय पक्कै पनि चर्चा गर्न लायक र विश्वमा नै समाचार त बन्ने नै भयो । यसअघि साउदीमा महिलालाई कुनै पनि सवारी साधन चलाउन नपाइने व्यवस्था थियो । मुस्लिम देश साउदीमा महिलाले कालो बुर्का लगाउने र अनुहार तथा शरीर छोप्नु पर्ने सांस्कृतिक प्रचलनका कारण सवारी साधन चालक बन्न पनि नदिने गरिएको थियो । यद्यपी महिलाले पनि पुरुषसरह सवारी चालक बन्न पाउनुपर्ने माग गर्दै साउदी अरबमा अधिकारवादीहरुले लामो समयदेखि दबाब दिँदै आएका थिए ।

जर्मनी, बेलायत, भारत, पाकिस्तान, नेपाल, दक्षिण कोरिया, बङ्गलादेश म्यानमारलगायतका देशरुका महिला देशको उच्च नेतृत्व तहमा नै पुगेका छन् । जर्मन चान्सलर एन्जेला मार्केल चौथो पटक पनि निर्वाचन जित्न सफल भई चान्सलर बन्न सफल भएकी छिन् । युरोपियन युनियनबाट बेलायत अलग्गिने जनमतपछि सत्तामा आएकी बेलायतका प्रधानमन्त्री टेरेसा मे बेलायतको सत्ताको बागडोर सम्हाल्न सफल भएकी छिन् । अमेरिकामा पनि सन् २०१६ मा शक्तिशाली महिलाको सूचीमा रहनुभएकी अमेरिकी पूर्व विदेशमन्त्री हिलारी रोधम क्लिन्टन सन् २०१६ को नोभेम्बरमा अमेरिकाको ४५औँ राष्ट्रपति पदको उम्मेदवार बनिन् । लगभग जितको नजिक नै पुगिन् ।

त्यसैगरी साहित्यतर्फ पनि महिलाहरुको उच्च स्थान देखिन्छ, सुनिन्छ । बेलारुसकी पत्रकार तथा लेखिका एसभेट्लाना अलेस्किभीचलाई सन् २०१५ को साहित्यका लागि नोवेल पुरस्कार प्रदान गरिएको थियो । नेपालमा समेत एकजना महिला नेत्री विद्यादेवी भण्डारी नेपालको पहिलो महिला राष्ट्रपतिका रुपमा निर्वाचित भइन् । त्यस्तै प्रधानन्यायाधीश, सभामुखजस्ता महत्वपूर्ण स्थानमा नेपालका महिला पुगिसकेका छन् ।

आर्थिक, सामाजिक एवम् राजनीतिकरुपमा समेत महिलापछि परिरहेको नेपालजस्तो तेस्रो विश्वको देशमा समेत एकजना महिला देशको प्रमुख र पहिलो पदाधिकारीका रुपमा निर्वाचित हुनुलाई संसारका कतिपय देशका सञ्चारमाध्यमले उदाहरणका रुपमा आफ्ना समाचारका विषयवस्तुमा पारेका थिए । महिलाको यस्तो प्रगतिको चर्चापछि साउदी अरेबियामा यस्ता ससाना कुरा पनि गर्वगर्न लायक भनी प्रचार गर्दा त्यहाँका महिलाको अवस्था झल्किन्छ नै । यद्यपि दक्षिण एसियाली राष्ट्रहरुमा महिला र पुरुषलाई समान व्यवहारको जतिसुकै नारा लगाइए पनि भनिएजस्तो महिला सशक्त भने छैनन् ।

मुस्लिम राष्ट्रहरुमा महिलाप्रतिका नीति अझै अनुदार नै छन् । यस्तै अनुदार देशका रुपमा रहेको साउदी अरेबियामा पनि फुटबल खेलमा सहभागिता, सवारी साधन चलाउन पाउने र चलचित्र भवनमा गएर चलचित्र हेर्न पाउनेजस्ता महिलाका लागि गरिएका अग्रगामी परिवर्तनबाट यहाँका महिलामा उत्साह थपिएको पाइएको छ । उनीहरुमा अधिकारका लागि आफ्नो पहल पनि आवश्यक छ भन्ने कुराको महसुस पनि भएको छ । रासस

किङ फेहाद कल्चर सेन्टर रियादमा अक्टोबरमा भएको सर्ट मुभि प्रतिस्पर्धा २ मा सहभागी मुस्लिम महिला । तस्बिरः एएफपी ।

आर्थिक, सामाजिक एवम् राजनीतिकरुपमा समेत महिलापछि परिरहेको नेपालजस्तो तेस्रो विश्वको देशमा समेत एकजना महिला देशको प्रमुख र पहिलो पदाधिकारीका रुपमा निर्वाचित हुनुलाई संसारका कतिपय देशका सञ्चारमाध्यमले उदाहरणका रुपमा आफ्ना समाचारका विषयवस्तुमा पारेका थिए । महिलाको यस्तो प्रगतिको चर्चापछि साउदी अरेबियामा यस्ता ससाना कुरा पनि गर्वगर्न लायक भनी प्रचार गर्दा त्यहाँका महिलाको अवस्था झल्किन्छ नै । यद्यपि दक्षिण एसियाली राष्ट्रहरुमा महिला र पुरुषलाई समान व्यवहारको जतिसुकै नारा लगाइए पनि भनिएजस्तो महिला सशक्त भने छैनन् ।

Janata Tv

प्रतिक्रिया दिनुहोस्
विशेष

मितिः २०७५ कात्तिक १ गते विहीबार बिहान ५ः०० स्टेसन आइडी ५ः०२ राष्ट्रिय गान ५ः३० तीर्थ पर्यटन प्रस्तोताः नारायण भण्डारी ६ः००…

–नारायण भण्डारी नेपाली समाजमा भव्यताका साथ मनाइंने महान् पर्व बडा दशैंको नवौं दिन आश्विनशुक्ल नवमी तिथिमा देवी भवानी महागौरीको पूजाआराधना…

काठमाडौंं । महाअष्टमीका दिन बुधबार मुलुकभरका शक्तिपीठ र देवीस्थानमा श्रद्धालु भक्तजनहरूको भीड लागेको छ । शक्तिका प्रतीक महाकाली, महालक्ष्मी, महासरस्वती…

प्रत्येक वर्षजस्तै यस वर्ष पनि दशैंं सबैको घरआगनमा आइसकेको छ । दशैं नेपालको सवैभन्दा लामो समय सम्म मनाइने चाड हो…

मितिः २०७५ असोज ३१ गते बुधबार बिहान ५ः०० स्टेसन आइडी ५ः०२ राष्ट्रिय गान ५ः३० तीर्थ पर्यटन प्रस्तोताः नारायण भण्डारी ६ः००…

–नारायण भण्डारी नेपाली समाजमा हर्ष उल्लासपूर्वक मनाइने शारदीय महापर्व बडा दशैंको आठौं दिन आश्विनशुक्ल अष्टमी तिथिमा प्रचण्डघोर कृष्णशक्ति स्वरुपा भवानी…