‘प्रदेश ३ काे मुख्यमन्त्रीमा अष्टलक्ष्मीको विकल्प छैन’

तीर्थ न्याैपाने

काठमाडौं । नेकपा एमालेका पाेलिटव्यूराे सदस्य अरुण नेपालले प्रदेश नम्बर ३ को मुख्यमन्त्री पार्टी उपाध्यक्ष अष्टलक्ष्मी शाक्यलाई नै बनाउनुपर्ने बताएका छन् ।

‘हरेक दृष्ट्रिले ३ नम्बर प्रदेशको मुख्यमन्त्रीमा अष्टलक्ष्मीको विकल्प छैन’ सिन्धुपाल्चोक क्षेत्र नम्बर १, ख का प्रदेशसभा सदस्य नेपालले सोमबार जनता समाचारसँग भने, ‘मुलुकको ७ वटा प्रदेश मध्ये, यही एउटा प्रदेशमा मात्र महिला मुख्यमन्त्री हुने स्थिति देखिएको छ । महिला सहभागिताको आवाज उठिरहेको बेला मुख्यमन्त्रीहरु पनि समावेशी हुनुप¥यो नि । जनसंख्या अनुसार ३ नम्बर प्रदेशमा तामाङ वा नेवार मुख्यमन्त्री बनाउनुपर्ने हुन्छ । त्यसकारण यहाँ अष्टल्ष्मी नै उपयुक्त हो ।’

काठमाडौ क्षेत्र नम्बर ८ को ख बाट प्रदेशसभा सदस्य बनेकी शाक्य एमालेको ३ नम्बर प्रदेश संयोजक हुन् । निर्वाचनअघि बसेको प्रदेश समिति बैठकले मुख्यमन्त्री शाक्यलाई बनाउने निर्णय गरेको थियो । एमालेको ३ नम्बर प्रदेश समितिमा शाक्यको साथै नेता नेपाल, पशुपति चौलागाई, काशीनाथ अधिकारी, सानुकुमार श्रेष्ठ र केदार न्यौपााने छन् ।

माओवादी केन्द्रसँगको भागबण्डामा प्रदेश नम्बर ३ को मुख्यमन्त्री एमालेलाई परेको छ । मुख्यमन्त्रीमा शाक्य, नेपाल, चौलागाई र राजेन्द्र पाण्डेको चर्चा छ । चर्चामा रहेका मध्ये पाण्डे बाहेक अरु सबैले शाक्यलाई समर्थन गर्ने संभावना देखिएको छ ।

राजनीतिमा लामो समयदेखि क्रियाशील शाक्यलाई एमालेले २०६५ सालमा उपराष्ट्रपति उम्मेदवार बनाएको थियो ।

Janata Tv

प्रतिक्रिया दिनुहोस्
विशेष

काठमाडौं ।  प्रधानमन्त्री केपी ओलीले दशैंको टीका बुबाको हातबाट लगाउनु भएको छ । प्रधानमन्त्री ओलीले बिहान नौ बजेर ५१ मिनेटको…

काठमाडौं । राष्ट्रपति विद्यादेवी भण्डारीले मूलसाइतको टीका मूल पुजारी देवराज अर्याल र पुरोहित हेमचन्द्र ढकालबाट ग्रहण गर्नुभएको छ ।  राष्ट्रपतिले…

चितवन । इच्छाकामना गाउँपालिका–६ जलवीरेस्थित नारायणगण मुग्लिन सडकखण्डमा आज बिहान बस दुर्घटना हुँदा तीन जनाको घटनास्थलमै मृत्यु भएको छ भने…

काठमाडौं । आज आश्विन शुक्ल दशमी अर्थात् नेपालीहरुको महान् चाड विजयादशमी देशभर हर्षोल्लासपूर्वक मनाइँदैछ । दशैँघरमा प्रतिपदाको दिनदेखि गरिएको पूजाआराधना…

काठमाडौं । प्रधानमन्त्री केपी ओलीले राष्ट्र निर्माणको ऐतिहासिक अवसरमा सत्तापक्ष र प्रतिपक्षमा विभाजित नभइ देश विकासको महाअभियानमा सहभागी हुन सबैलाई…

मितिः २०७५ कात्तिक २ गते शुक्रबार बिहान ५ः०० राष्ट्रिय गान ५ः२५ मालश्री धुन ५ः३० तीर्थ पर्यटन प्रस्तोताः नारायण भण्डारी ६ः००…