अन्तर्राष्ट्रिय मिडियाले सन्दीपलाई अष्ट्रेलियाली क्रिकेटर सेन वार्नसँग तुलना गरेका थिए (भिडियोसहित)

काठमाडौं । सन्दीप लामिछाने,नेपाली क्रिकेटको चर्चित नाम । नेपाली राष्ट्रिय टोलीको जर्सीमा मैदान उत्रिने सन्दीप अब पहिलोपटक भारतमा इन्डियन प्रिमियर लिग (आइपिएल) क्रिकेट प्रतियोगितामा देखिनेछन ।

भारतको चर्चित प्रतियोगिता आईपीएलमा सन्दीप अब दिल्ली डेयर डेभिल्सका लागि खेल्नेछन् । आइतबार भएको अक्सनमा दिल्लीले १७ वर्षीय लेग स्पीनर सन्दीपलाई २० लाख भारतीय रुपैयाँमा किनेको हो । सन्दीपले आईसीसी वर्ल्ड क्रिकेट लिग च्याम्पियनसिप को १६ अप्रिल २०१६ को नामिबिया विरुद्धको खेलबाट लिस्ट ए क्रिकेट सुरुवात गरेका थिए ।

यसअघि उनी नेपालको अन्डर १९ क्रिकेट टिममा परेका थिए । उनले एकपटक १९ वर्षमुनीको टोलीका कप्तानी समेत सम्हाली सकेका छन् । सेप्टेम्बर २०१६ मा उनलाई अष्ट्रेलिया का पूर्व कप्तान माइकल क्लार्कले सिड्नी स्थित वेस्टर्न सबअर्व डिस्ट्रिक्ट क्रिकेट क्लबमा खेल्नका लागि बोलाएका थिए ।

त्यसपछि सन्दीप अन्तराष्ट्रिय मिडियामा पनि छाए । दुई वर्षअघि उन्नाइस वर्षमुनीको विश्वकप क्रिकेटमा आयरल्याण्डविरुद्ध ह्याट्रिक गरेपछि लेग स्पिनर सन्दीप लामिछानेको चर्चा विश्वव्यापी बन्यो । एशोसिएट टोलीबाट सम्भावना बोकेका खेलाडीका रुपमा अन्तराष्ट्रिय मिडियाले सन्दीपलाई अष्ट्रेलियाली महान क्रिकेटर सेन वार्नसँग तुलना गरेर समाचार नै लेखे ।

त्यसयता राष्ट्रिय टिमबाट शानदार प्रदर्शन गर्दै आएका १७ वर्षीय लामिछानेको करिअरमा अर्को कोशेढुंगा बन्न पुगेको छ, आइपीएल ।

भिडियो हेर्नुहोस्ः

Janata Tv

प्रतिक्रिया दिनुहोस्
विशेष

–खेम बम पछिल्लो समय नेपाली राजनीतिमा मार्सी चामलको खुबै चर्चा छ । यसको पृष्ठभूमीमा छन्– नेकपाका अध्यक्षद्वय केपी शर्मा ओली…

– राधिका जोशी सुनिँदै, बोलिँदै अनि लेखिँदै आयो, ‘स्वास्थ्य संस्था मन्दिर अनि र डाक्टर भगवान ।’ जसरी हामी मन्दिरमा फूलअक्षता…

–प्रतिमा चौधरी कसैले तपाईंको इमानदारिता, साँचोपन, बुद्धिमत्ता वा राम्रो पक्षबारेमा थाहा पाउन सक्दैनन्, जबसम्म तपाईं आफ्नो कामद्वारा उदाहरण प्रस्तुत गर्नु…

–रामकुमार/पुष्पा/शिव काठमाडौं । रेशम चौधरी अर्थात् २०७४ मा भएको संघीय निर्वाचनमा कैलाली क्षेत्र नम्बर १ बाट निर्वाचित सांसद । तत्कालीन…

काठमाडौं । विदेश जानकै लागि नक्कली विवाह गरेको घटना त हामीले प्रशस्तै सुने देखेका छौँ, तर अब घटना यस्ता पनि…

कृषिमा व्यावसायीकरण, विशिष्टीकरण तथा औद्योगिकरणका माध्यमबाट बेमौसमी तरकारी तथा फलफुल ठूलो परिमाणमा छिमेकी देश भारत, बङ्गलादेश लगायत खाडी मुलुकहरू, थाइल्याण्ड…