वसन्त उत्सवले झकिझकाउ छ शियान

नारायण भण्डारी / शियान(चीन)

पहिला साँस्कृतिक क्रान्ति गरेका चीनका बासिन्दा अहिले भने आफ्नै संस्कृतिमा रमाउन थालेका छन् । नयाँ वर्षको स्वागतमा चिनियाँहरुले अहिले वसन्त उत्सव गरिरहेका छन् । वर्ष फेरिएसँगै चीनको साँस्कृतिक नगरी शियान वसन्त उत्सवको सजावटले झकिझकाउ भएको छ ।

नेपालमा ग्याल्पो ल्होसार मनाउने समयमै चीनमा नयाँ वर्ष शुरु हुन्छ । चीनमा पनि नयाँ ल्हो अनुसार कुकुर वर्ष आरम्भ हुँदैछ । यस अवसरमा घर,होटल बजार र शहरका गल्ली सजाइएको छ ।

आरुको फूलमुन्तिर वर्षको प्रतीक राखेर चिनिया जनताले धनधान्य र असर्फीसहित समृद्धिको कामना गरी नयाँ वर्षको स्वागत गरेका छन् । वसन्तका फूल,पानीको फोहरा, संगीतको धुनका साथ रङ्गीन बत्ती बालेर उनीहरुले वसन्त उत्सव मनाएका छन् ।

 

पृथ्वीको उत्तरी ध्रुवमा जाडो घटेर न्यानो बढ्न थालेपछि चिनियाहरु वसन्त आगमनको पर्व मनाउँछन् । अयन परिवर्तन भई सूर्य उत्तरायण भएपछि मनाइने नयाँ वर्ष विश्वभर नै उत्साहका साथ मनाउने चलन छ । चिनिया नयाँ वर्ष चन्द्रगणना अनुसार पर्ने हुँदा इश्वीको नयाँ वर्ष जनवरी १ तारिखको शुभकामना पनि यसै अवसरमा आदानप्रदान गरिन्छ ।

 

 

वसन्त उत्सवका सजावटमा मुख्य गरी रातो रंङकै अधिकता देखिन्छ । चिनिया संस्कृतिमा पनि नेपालीमा जस्तै यस रंङलाई श्रीवृद्धि, समृद्धि र शुभको संकेत मानिन्छ । समृद्धिले नै संस्कृति जन्माउँछ र संस्कृति सभ्यताको प्रतीक पनि हो । चिनिया जनताले अहिले समृद्धि प्राप्त गरेका छन् र स्वसंस्कृतिमा रमाउन थालेका छन् ।

 

समृद्धिको वृक्षमा फुल्ने संस्कृतिको फूल सबैका लागि प्यारो हुन्छ । कारणवश मानिस यसबाट पर पुगे पनि फेरि साँस्कृतिक फूलकै फूलबारीमा फर्कन्छ ।

Janata Tv

प्रतिक्रिया दिनुहोस्
विशेष

नारायण भण्डारी/ स्थलगत अवलोकनबाट फर्केर काठमाडाैं । सिद्धार्थ राजमार्गको सिद्धबाबा सडकखण्डमा खस्ने पहिरोका कारण गण्डकी तथा धौलागिरिक्षेत्रकै जनजीवन प्रभावित भएको छ…

काठमाडौं । प्रधानमन्त्री केपी शर्मा ओलीले जनताको अपेक्षा अनुसार काम गर्ने प्रतिवद्धता व्यक्त गर्नु भएको छ । प्रधानमन्त्री ओलीले जनताले…

सरोज थापा डोल्पा ।  हिमाली जिल्लामा डाेल्पामा यार्सागुम्बा संकलन  गर्नेहरूकाे घुइचाे लागेकाे छ । जिल्लाका विभिन्न लेकमा यतिखेर संकलकहरूकाे लर्काे…

कन्चनपुर । प्रत्येक वर्ष एक उत्कृष्ट गन्तव्यको प्रवर्दनगर्दै आएको सोसाईटी अफ ट्राभल एण्ड टूर अपरेटर्स नेपाल (सोट्टो–नेपाल) ले यसवर्ष सुन्दर…

 काठमाडौँ । प्रधानमन्त्री केपी शर्मा ओली र नेपालको राजकीय भ्रमणमा रहनुभएका भारतका प्रधानमन्त्री नरेन्द्र मोदीबीचको भेटवार्ता सम्पन्न भएको छ ।…

काठमाडौँ । उपराष्ट्रपति नन्दबहादुर पुनसँग नेपालको राजकीय भ्रमणमा रहनुभएका भारतका प्रधानमन्त्री नरेन्द्र मोदीले आज साँझ शिष्टाचार भेट गर्नुभएको छ ।…