मुआब्जाको मनपरी मूल्य निर्धारणः सर्वसाधारण र नेताका जमिनको छुट्टाछुट्टै मुल्य

प्रेम बुढा
बर्दिया । गुलरिया नगरपालिका स्थित बालापुरका मिन प्रसाद चौधरी मधुवन नगरपालिकाको एक बैंकमा सुरक्षागार्डको रुपमा कार्यरत छन् ।

दैनिक भण्डै १४ किलोमिटर साइकलमा ओहोरदोहोर गर्ने उनी बालापुरमा बर्षेनी बबई नदिले घर डुबान हुने समस्याले हैरान थिए । नखाईनलाई गरेर बचाएको पैसाले घर बनाउन मधुवन नगरपालिकाको वडा नं. ६ मा गत वर्ष ६ धुर जग्गा किने ।

जग्गा किन्दा देखि पास गर्दासम्म साढे ४ लाख खर्च भएको उनी बताउँछन् । तर सानोश्रीबाट ताराताल बेसलाईन हँुदै गुलरीया नगरपालिकाको सिंचाई सुविधा नपुगेको खेतियोग्य जमिनमा पानी लैजान नहर जाने भयो । नहरले चौधरीको ६ मध्ये ५ धुर जमिन कटानमा पर्ने भयो । तर उनको ब्लकमा अहिले तोकिएको मूल्यको १२ लाख कठ्ठाको दरले ३ लाख पाउने भए । ‘बचेको १ धुरमा न खेति हुन्छ न घर बन्छ’ मलिन अनुहारमा चौधरीले भने, ‘किनेको जति पैसा पनि आउने भएन, निद्रा लाग्दैन,त्यो १ धुर मैले के गर्ने?’ ।

आफ्नो खेत नजिकैबाट पानी बग्ने भएपछि खुशी भएका जग्गा धनीहरु एउटै कित्ता भएका र सगै जोडिएका जग्गाको मूल्यमा १६ लाखको अन्तर भएपछि तोकिएको मुआब्जा रकमले तनावमा परेका छन् ।

विभिन्न ब्लकमा विभाजनगरी स्थानिय जनप्रतिनिधीहरुको सिफारिसका आधारमा क्षति भएको जग्गाको मूल्य निर्धारण गरिएको भनिएपनि एउटै स्थानको जमिनको दरभाउमा व्यापक भिन्नता भएपछि स्थानियहरु सन्तुष्ट बन्न सकेका छैनन । ‘ नेताको जग्गाको एउटा मूल्य सर्वसाधारण जनताको जग्गाको अर्काे मूल्य तोकिएको छ’ पिडित एक स्थानियले भने, एउटै स्थानमा कुलो पारीकोे जमिनलाई ३४ लाख छ कुलो वारीको सर्वसाधारण जनताको जमिनको मूल्य २७ लाख कसरी हुन्छ ?’ । एउटै कित्ता परेको जमिनको मूल्य २ थरी भएको नागरिकको गुनासो छ । गुँरास स्कुलको विगतमा एकै कित्ता भएको जग्गाको एउटाको २८ लाख रुपैयाँ छ, आर्काेको १२ लाख छ ।

जग्गाको उचित दरभाउ तोक्न वडा अध्यक्ष देखि नगर प्रमुखसम्मले पक्षपात गरेको पिडित मानबहादुर बस्नेतले दाबी गरे । उनले भने, ‘प्रमुख जिल्ला अधिकारीलाई सोधे जनप्रतिनिधीहरुले पठाएकोलाई मैले स्वीकृत गरेको हुँ भन्छन, वडा अध्यक्षलाई सोधे मलाई केहि थाहा छैन जबरजस्ती हस्ताक्षर गर्न लगाए भन्छन,मेयरलाई सोधें भैहाल्यो भन्दै टार्न खोज्छन’ ।

पावर र पहुँचमा भएका व्यक्तिहरुले गुलरीया र मधुवन नगरपालिकाका मेयरहरुको सहयोगमा आफनो जमिनको मुआब्जा रकम बढाएर रातारात निर्णय पठाएको स्थानियको बुझाई छ । मधुवन नगरपालिकाका मेयर कृष्ण के.सीले मुआब्जाको विषयमा दिनरात लडिरहेको भन्दै धेरैले सोचे भन्दा राम्रो मुआब्जा रकम पाएको बताए । उनले भने, ‘केही व्यक्तिहरुको छुटपुट भएको हुन सक्ला तर जग्गा भएको स्थान र मोहोडा तथा क्षतिलाई हेरेर सिफारिस पठाइएको हो ।’

जिल्ला प्रशासनले सिफारिस पठाइसकेकोले गृह मन्त्रालयमा अबको हप्ता दिन भित्र पुनरावलोकनका लागि निवेदन दिए मात्र मुआब्जा वितरण रोकिने बताइएको छ । यता बबई सिंचाइ आयोजना बैदीका प्रमुख रमेशबन्दु अर्यालले थोरै जमिन भएकाहरुको नहरले ओगट्ने जमिनको बढी मूल्य सिफारिस गरिएको तथा धेरै जमिन भएकाहरुलाई कम मूल्य सिफारिस गरिएको बताए । बर्दिया क्षेत्र नं. २ ‘क’ बाट प्रदेश सभा सदस्य कुलप्रसाद पोखरेलले समान ठाउँको जमिनको समान दरभाउ हुनुपर्ने बताए ।

उनले भने, ‘दरभाउले सबैको चित्त नबुझेको भए पुन समायोजन हुनुपर्छ ।’

Janata Tv

प्रतिक्रिया दिनुहोस्
विशेष

मितिः २०७५ कात्तिक १ गते विहीबार बिहान ५ः०० स्टेसन आइडी ५ः०२ राष्ट्रिय गान ५ः३० तीर्थ पर्यटन प्रस्तोताः नारायण भण्डारी ६ः००…

–नारायण भण्डारी नेपाली समाजमा भव्यताका साथ मनाइंने महान् पर्व बडा दशैंको नवौं दिन आश्विनशुक्ल नवमी तिथिमा देवी भवानी महागौरीको पूजाआराधना…

काठमाडौंं । महाअष्टमीका दिन बुधबार मुलुकभरका शक्तिपीठ र देवीस्थानमा श्रद्धालु भक्तजनहरूको भीड लागेको छ । शक्तिका प्रतीक महाकाली, महालक्ष्मी, महासरस्वती…

प्रत्येक वर्षजस्तै यस वर्ष पनि दशैंं सबैको घरआगनमा आइसकेको छ । दशैं नेपालको सवैभन्दा लामो समय सम्म मनाइने चाड हो…

मितिः २०७५ असोज ३१ गते बुधबार बिहान ५ः०० स्टेसन आइडी ५ः०२ राष्ट्रिय गान ५ः३० तीर्थ पर्यटन प्रस्तोताः नारायण भण्डारी ६ः००…

–नारायण भण्डारी नेपाली समाजमा हर्ष उल्लासपूर्वक मनाइने शारदीय महापर्व बडा दशैंको आठौं दिन आश्विनशुक्ल अष्टमी तिथिमा प्रचण्डघोर कृष्णशक्ति स्वरुपा भवानी…