उपत्यकामा अपराधको जालो, १ सय ६० जना ‘डन’को नालीबेली

काठमाडौं । काठमाडौं उपत्यकामा ३ जिल्ला छन् काठमाडौं,ललितपूर र भक्तपुर । झण्डै ५० लाख जनसंख्याका रहेको उपत्यकामा अपराधीको जालो पनि त्यत्तीकै छ ।

अपराध र अपराधीको केन्द्र उपत्यकामा पहिलोजस्तो चोकचोकमा गुण्डाराज त छैन तर गुण्डा अर्थात डनहरुको दबदबा भने कायम छ । नेपालको राजधानी काठमाडौँ उपत्यकाको पार्किङमा मात्रै गुण्डाराज छैन, ठेक्कापट्टा, होटल व्यवसाय लगायतका क्षेत्र गुण्डाको धम्की र हप्ता असुलीबाट आजित छन् ।

व्यवसायीहरू गुण्डालाई हप्ता बुझाउँछन तर बाहिर बोल्नै डराउँछन् । काठमाडौँको बौद्ध, गौशाला, महाराजगञ्ज, बानेश्वर, ठमेल, ठमेल, न्युरोड, बालाजु, कमलपोखरी र दरबामार्गमा सबैभन्दा धेरै गुण्डाराज रहेको छ । भत्तपूर र ललितपुर क्षेत्रमा पनि गुण्डाहरु छन् । प्रहरी स्रोतबाट प्राप्त जानकारी अनुसार काठमाडौँ जिल्लामा मात्र विभिन्न श्रेणीका १ सय ६० जना गुण्डाहरू सक्रिय छन् । प्रहरीले क, ख र ग वर्गमा गुण्डाहरूलाई वर्गीकरण गरेको छ । उनीहरु मध्ये केही पक्राउ पनि परेका छन् ।

काठमाडौँमा क्रियाशील गुण्डाहरूले कुनै न कुनै क्षेत्रलाई आफ्नो आधारभूमि बनाएर हप्ता असुली, विकासका टेन्डर कब्जा गर्ने तथा व्यवसायीलाई धम्क्याउने कार्य गर्दै आएका छन् । साना हतियारबाट सु–सज्जित भएका गुण्डाहरू विभिन्न दलका नेता र कतिपय सुरक्षा निकायकै अधिकारीको संरक्षणमा आपराधिक गतिविधिमा संलग्न छन् ।

जनतास्रोतलाई प्राप्त सूचीमा उपत्यकामा क्रियाशील सबैभन्दा धेरै गुण्डा कांग्रेस निकट छन् । दोस्रो नम्बरमा नेकपा (एमाले)को आडमा गुण्डागर्दी गर्नेहरू छन् भने त्यसपछि माओवादी केन्द्र, राप्रपा र नेमकिपाको आडमा गुण्डागर्दी गर्नेहरू छन् ।

काठमाडौँ, भक्तपुर र ललितपुरमा क्रियाशील गुण्डाको संख्या १ सय ६० छ । गुण्डाहरूले विभिन्न टोल तथा क्षेत्रहरूलाई आफ्नो बेस बनाएर गुण्डागर्दी गरिरहेका छन् । जनता टेलिभिजनलाई प्राप्त रिपोर्टअनुसार उपत्यकामा सक्रिय १३२ गुण्डामध्ये ‘क’ वर्गका १२ जना, ‘ख’ वर्गका २९ जना र ‘ग’ वर्गका ४९ जना रहेका छन् । घ वर्गका भने ७० जना गुण्डाहरु छन् । यीमध्ये केही पक्राउ समेत परेका छन् । यी सबैमाथी मुद्दा भने चलेको होइन,प्रहरीले सम्भावित खतरा देख्दै निगरानीमा राखिरहेको हो ।

यसै सम्बन्धि तयार पारिएको एक सामाग्री-

भिडियोमा क्लिक गर्नुहोस्ः–

Janata Tv

प्रतिक्रिया दिनुहोस्
विशेष

भिम चौधरी कैलाली । कैलालीको जोशीपुर गाउँपालिका–१ का व्यापारी ३७ वर्षीय रामप्रसाद जैशीको हत्यामा संलग्न तीन जनालाई प्रहरीले पक्राउ गरेको…

काठमाडौं । सर्वोच्च अदालतका वरिष्ठतम् न्यायाधीश दिपकराज जोशीलाई सत्तारुढ दलले महाअभियोग लगाउने तयारी गरेको छ । नेकपा निकट स्रोतले दिएको जानकारी…

काठमाडौं । आफ्नै छात्रालाई लगातार यौन प्रस्ताव राख्दै नमाने परीक्षामा फेल गराइदिन्छु भन्ने प्राध्यापक पक्राउ परेका छन् । कलंकीस्थित हिमालय…

काठमाडौं । यती एयरलाइन्सले नयाँ विमान थपेको छ । यतीले नवौँ विमानका रुपमा ATR -72- 500 को तेस्रो विमान त्रिभुवन…

वनमा धेरै ठूलो अजिंगर बस्दथ्यो । ऊ निकै अभिमानी र अत्यन्तै क्रुर थियो । जब ऊ आफ्नो बासस्थानबाट निस्कन्थ्यो, सबै…

काठमाडौं । प्रहरीको व्यापक खोजीमा रहेका डा. सिके राउतले सामाजिक सञ्जाल मार्फत् आफ्नो अभिव्यक्ति सार्वजनिक गरेका छन् । नेपालको संविधान…