सरकारी अस्पतालको ड्युटी समयमा नै नीजि क्लिनिकमा फेला परे चिकित्सक

आनन्द पोखरेल

चितवन । भरतपुर अस्पतालका दन्त चिकित्सक सरकारी अस्पतालको ड्युटी समयमा नै नीजि डेन्टल क्लिनिकमा फेला परेका छन् ।

अस्पताल आएका दाँतका दुई जना बिरामीलाई भरतपुर अस्पतालकै दन्त चिकित्सक विश्व सुवेदीले आफ्नो नीजि क्लिनिकमा लगेर उपचार गराएका हुन् । उनले भरतपुर अस्पतालबाट आफ्नो स्माइल डेन्टलमा लगेर उपचार गराएका भेटिएको हो ।

भरतपुर अस्पतालका अनुसार चिकित्सकहरु दिउँसो २ बजेसम्म अनिवार्य रुपमा अस्पतालमै बसेर उपचार गर्नुपर्ने हुन्छ । डा. सुवेदी भने दिउँसो १ बजे नै नीजि डेन्टलमा गएर बिरामी उपचार गरेका हुन् । डा. सुवेदीले निजीमा सुविधा हुन्छ भनेर आफ्नो डेन्टलमा बोलाएको भरतपुर–९ शरदपुरका दाँतका बिरामी चन्द्रकुमार उपाध्यायले बताए ।

भरतपुर अस्पतालमा दाँतको उपचार गर्न चार हजार पाँच सय रुपैयाँ लाग्छ आफुले त्यो भन्दा पनि सस्तो उपचार गरिदिने भन्दै आफूलाई निजी क्लिनिकमा लगेको उपाध्यायले बताए । डा. सुवेदीेले उपाध्यायलाई चार हजार रुपैंयामा नै उपचार गरिदिने भनि आफ्नो निजी डेन्टलमा लगेको बुझिएको छ ।

अस्पतालमा हाजिरै नगरी छिटो र सस्तो मुल्यमा दाँतको उपचार हुन्छ भनि नापी कार्यालय अगाडि रहेको स्माईल डेण्टल एण्ड ओरल हेल्थ केयर सेन्टर प्रालिमा उपचारका लागि लगेको पाइएको हो । अस्पताल समयमा निजी डेन्टल जान नपाउने भएपनि अनुमति लिएर एकछिनका लागि मात्रै आएको डा.सुवेदीले बताए ।
भरतपुर अस्पतालका डाक्टरहरु नीजि क्लिनिकमा काम गर्ने गरेको गुनासोको आधारमा छड्के चेकजाँचमा जाँदा आधा घण्टाका लागि मात्रै निजी डेन्टल आएको भन्दै सुवेदीले डेन्टल आएको एकैछिन भएको दाबी गरे ।

भरतपुर अस्पतालको इतिहासमा अहिलेसम्म त्यसरी अस्पताल समयमा आएका बिरामीहरु निजी अस्पताल वा मेडिकल कलेजहरुमा लगेको नभेटिएको अस्पतालका प्रमुख मेडिकल सुपरिटेन्डेन्ट डाक्टर रुद्रप्रसाद मरासिनीले बताए । ड्युटीको समयमा बिहान १० बजेदेखि दिउँसो २ बजेसम्म कुनै पनि चिकित्सकले बाहिर गएर बिरामी हेर्न नपाउने भन्दै मरासिनीले त्यस्ता चिकित्सकलाई कारबाही गर्ने प्रतिवद्धता जनाए ।

अस्प्ताल समयमा निजी क्लिनिकमा गएर काम गरेको बारे दन्त चिकित्सक डा.सुवेदीलाई तत्काल स्पष्टिकरण सोधिने र चित्त बुझ्दो जवाफ नआए स्वास्थ्य सेवा नियमावली अनुसार कारबाही गर्ने मरासिनीले बताए ।

अस्पताल ड्युटीको समयमा नै नीजि डेन्टल गएको प्रमाण भएकाले त्यसलाई नै आधार मानेर कारबाही गरिने भरतपुर अस्पताल डेन्टल विभागकी विभागीय प्रमुख डा. सोनी सुबेदीले बताइन् । अस्पतालमा पहिलो पटक यस्तो त्रुटि भएको भन्दै उनले आगामी दिनहरुमा त्यसो हुन नदिने प्रतिवद्धता समेत व्यक्त गरेकी छिन् ।

भरतपुर अस्पतालमा चिकित्सक हुँदा हुँदै पनि निजी डेन्टलमा जान लागेका बिरामीहरुको फलो गरेपछि डा. सुबेदीको रहस्य खुलेको हो । अस्पतालकै चिकित्सकले नीजि डेन्टल बोलाएको भनि बिरामीहरुले प्रतिक्रिया दिएपछि अनुसन्धान गरिएको उपभोक्ता अधिकार संरक्षण मञ्च चितवनका उपाध्यक्ष विष्णु भुषालले वताए ।

Janata Tv

प्रतिक्रिया दिनुहोस्
विशेष

काठमाडौं । प्रधानमन्त्री केपी शर्मा ओलीले जनताको अपेक्षा अनुसार काम गर्ने प्रतिवद्धता व्यक्त गर्नु भएको छ । प्रधानमन्त्री ओलीले जनताले…

सरोज थापा डोल्पा ।  हिमाली जिल्लामा डाेल्पामा यार्सागुम्बा संकलन  गर्नेहरूकाे घुइचाे लागेकाे छ । जिल्लाका विभिन्न लेकमा यतिखेर संकलकहरूकाे लर्काे…

कन्चनपुर । प्रत्येक वर्ष एक उत्कृष्ट गन्तव्यको प्रवर्दनगर्दै आएको सोसाईटी अफ ट्राभल एण्ड टूर अपरेटर्स नेपाल (सोट्टो–नेपाल) ले यसवर्ष सुन्दर…

 काठमाडौँ । प्रधानमन्त्री केपी शर्मा ओली र नेपालको राजकीय भ्रमणमा रहनुभएका भारतका प्रधानमन्त्री नरेन्द्र मोदीबीचको भेटवार्ता सम्पन्न भएको छ ।…

काठमाडौँ । उपराष्ट्रपति नन्दबहादुर पुनसँग नेपालको राजकीय भ्रमणमा रहनुभएका भारतका प्रधानमन्त्री नरेन्द्र मोदीले आज साँझ शिष्टाचार भेट गर्नुभएको छ ।…

प्रमोदकुमार साह जनकपुर । दोस्रो पटक नेपाल भ्रमणमा आउनु भएका भारतीय प्रधानमन्त्री नरेन्द्र मोदीको शुक्रबार ऐतिहासिक, धार्मिक तथा साँकृतिक नगरी…