आईसीसी विश्व क्रिकेट लिग डिभिजन २ मा नेपालले केन्यालाई हरायो

काठमाडौं । नामिबियामा भइरहेको आइसीसी विश्व क्रिकेट लिग डिभिजन २ अन्तरगत सोमबार भएको खेलमा नेपालले केन्यालाई पराजित गर्न सफल भएको छ ।

१७८ रनको चुनौती पछ्याएको नेपालले ४९।५ ओभरमा ७ विकेट गुमाउँदै केन्याले दिएको लक्ष्य भेटाएको हो । नेपाललाई जिताउने क्रममा सोमपाल कामीले अन्तिम बलमा रन बटुले ।

आरके पौडेलले ८५ बलमा सर्वाधिक ४७ रन बनाएर नेपाललाई जिताउन मद्धत गरे । कप्तान पारस खड्काले ४४ बलमा ४२ रनसहित उत्साह भरे । अरिफ शेखले ८२ बलमा ४२ रन लिए ।

सोमबारको जितसँगै नेपालले डिभिजन वान मा पर्ने सम्भावना बढाएको छ । नेपालले प्रतियोगिताको अन्तिम खेल क्यानाडासँग खेल्दैछ ।

शरद भेशवाकरले ५७ बलमा १९ रन जोड् सफल भए । केन्याका इबी रिंगेराले ३ विकेट लिएर खेललाई प्रतिस्पर्धायुक्त बनाउका थिए । नेपालका सन्दीप लामिछानेले केन्याका ५ विकेट झारेर जितको संभवना देखाएका थिए ।

केन्याले नेपाललाई निरन्तर चुनौति दिएको थियो । केन्याका ओपनर करिमले १०० बलमा ४२ रन बनाएका थिए । अर्का ओपनर ४६ बलमा ४१ रन लिएका थिए । ओब्युयाले ६१ बलमा २७ रन बनाउँदा नटआउट रहेका ओडियाम्बोले ५७ बलमा २४ रन लिएका थिए । अन्तिममा न्गोचेले १५ बलमा २३ रन बनाएका थिए ।

नेपालका १७ वर्षीय स्पिनर सन्दीपले पाँच विकेट लिने क्रममा उत्कृष्ट ब्याटिङ गरिरहेका ओबान्डालाई १६।६ ओभरमा पहिलो विकेटका रुपमा पेभेलियनको बाटो देखाए । ४६ बलमा ४१ रन बनाएको अवस्थामा सन्दीपले ओबान्डालाई आउट गर्दै नेपाललाई पहिलो सफलता दिलाएका थिए ।

त्यसैगरी सन्दीपले खेल १८।४ ओभरमा पुगेको अवस्थामा डिएम गोन्डारियालाई पनि पेभेलियनको बाटो देखाए । उनले ५ बलमा ४ रन बनाएको अवस्थामा गोन्डारियालाई आउट गर्न सफल भए ।

सन्दीपले ३३।१ र २ ओभरमा केन्याका लगातार दुई विकेट झार्न सफल भएका छन् । उनले ३३ ओभरमा पहिलो बलिङ गर्दै पाँचौ क्रममा आएका केन्याका कप्तान आरआर पटेललाई कप्तान पारस खड्कामार्फत क्याच आउट गराउन सफल भए ।

दोस्रो बलमा पनि उनले छैटौँ क्रममा क्रिजमा आएका आरएन पटेललाई एलबीडब्लु धरापमा पार्दै शून्य रनमा पेभेलियन फर्काइदिए ।

केन्याले पुरै ५ ओभर खेलेको अवस्थामा नेपालका लागि अन्तिम अर्थात् आठौँ विकेटका रुपमा सन्दीपले नै एनएन ओढियाम्बोलाई पेभेलियनको बाटो देखाए । नेपालका लागि अन्य एक(एक विकेट वसन्त रेग्मी, शरद भेशवाकर र सोमपाल कामीले थप्न सफल भए ।

Janata Tv

प्रतिक्रिया दिनुहोस्
विशेष

काठमाडौं । ‘सत्यसेवा सुरक्षणम् ।’ नेपाल प्रहरीको मूलमन्त्र । प्रहरीको काम नै सुरक्षा दिनु । तर प्रहरीले जनताको सुरक्षा गर्दा…

काठमाडौं । सरकारले विभिन्न ५ वटा विधेयक संघीय संसदमा पेश गरेको छ । प्रतिनिधिसभाको सोमबारको बैठकमा सरकारका तर्फबाट सम्बन्धीत मन्त्रालयका…

बैतडी । भारतको उत्तराखण्डस्थित पिथौरागढ, धौलीगङ्गामा रहेको धौलीगङ्गा जलविद्युत् परियोजना बाँध खोलिने भएको छ । बाँध सरसफाइका लागि भन्दै सोमबार…

विराटनगर । एक नम्बर प्रदेशका आन्तरिक मामिला तथा कानुन मन्त्री हिक्मतकुमार कार्कीले मन्त्रिमण्डल विस्तारको तयारी भइरहेको बताउनु भएको छ ।…

एजेन्सी । नासाले अाइतबार सूर्य छुने एेतिहासिक  सानाे कार अाकारकाे एक यान प्रक्षपण गरेकाे छ । पार्कर साेलार प्राेब नाम…

रुपक कुलाल काठमाडौँ । वारी काठमाडौं, पारी भक्तपुर । साँधसीमाना भएर बगेको छ– मनोहरा खोला । खोलाको छेउछाउ ठिकैको बस्ती…