गोरखा दरबार भत्काइयो, जगैदेखि पुनःनिर्माण हुने

गोरखा । भूकम्पले क्षति पुगेको ऐतिहासिक महत्वकाे गोरखा दरबार भत्काइएको छ । करिब चार सय वर्ष पुरानो गोरखा दरबार जगदेखि नै पुनःनिर्माण गर्न भत्काइएको हो  । १९९० सालको भूकम्पले क्षति नपुगेको दरबार २०७२ बैशाख १२ मा गएको भूकम्पले भने क्षति पुगेको छ ।

राजा राम शाहको पालामा बिसं १६८६ साल दरबार बनाइएको थियो । दरबार हेरचाह अड्डाका प्रमुख हरिप्रसाद भुसालका अनुसार जगैदेखि भत्काइएको यो दरबार पुरानै स्वरुपमा जस्ताको त्यस्तै पुनःनिर्माण गरिनेछ । पुरातत्व विभागका कर्मचारीको उपस्थितिमा दरबार भत्काइएको हो ।

‘दरबार जगैदेख पुन निर्माण गर्ने योजना बनेको छ’ उनले भने ,‘पुराना सामग्री हटाउने कार्य भइरहेको छ । काम लाग्ने सामग्री पुनः प्रयोग हुन्छ ।’ पचली सिभा जेभीले दरबार पुनःनिर्माणको ठेक्का पाएको छ । चार करोड ३७ लाख रुपैयाँको लागतमा दरबार पुनःनिर्माण हुनेछ ।

भूकम्पका बेला क्षति पुगेको गोरखनाथ मन्दिरलगायत संरचना भने पुनःनिर्माण गरिसकिएको छ । दरबारमा रहेका राजा पृथ्वीनारायण शाहका गद्दीलगायत महत्वपूर्ण सामग्री भने सुरक्षित ठाउँमा भण्डारण गरिएका छन् । दरबार भत्काउँदा १८६३ सालका इँट्टा पनि फेला परेका छन् । दरबार तीन वर्षभित्र पुन निर्माण गर्ने योजना छ ।

भूकम्पका बेला क्षति पुगेको गोरखनाथ मन्दिरलगायत संरचना भने पुनःनिर्माण गरिसकिएको छ ।

Janata Tv

प्रतिक्रिया दिनुहोस्
विशेष

काठमाडौं । ‘सत्यसेवा सुरक्षणम् ।’ नेपाल प्रहरीको मूलमन्त्र । प्रहरीको काम नै सुरक्षा दिनु । तर प्रहरीले जनताको सुरक्षा गर्दा…

काठमाडौं । सरकारले विभिन्न ५ वटा विधेयक संघीय संसदमा पेश गरेको छ । प्रतिनिधिसभाको सोमबारको बैठकमा सरकारका तर्फबाट सम्बन्धीत मन्त्रालयका…

बैतडी । भारतको उत्तराखण्डस्थित पिथौरागढ, धौलीगङ्गामा रहेको धौलीगङ्गा जलविद्युत् परियोजना बाँध खोलिने भएको छ । बाँध सरसफाइका लागि भन्दै सोमबार…

विराटनगर । एक नम्बर प्रदेशका आन्तरिक मामिला तथा कानुन मन्त्री हिक्मतकुमार कार्कीले मन्त्रिमण्डल विस्तारको तयारी भइरहेको बताउनु भएको छ ।…

एजेन्सी । नासाले अाइतबार सूर्य छुने एेतिहासिक  सानाे कार अाकारकाे एक यान प्रक्षपण गरेकाे छ । पार्कर साेलार प्राेब नाम…

रुपक कुलाल काठमाडौँ । वारी काठमाडौं, पारी भक्तपुर । साँधसीमाना भएर बगेको छ– मनोहरा खोला । खोलाको छेउछाउ ठिकैको बस्ती…