जाँदाजाँदै दुई मन्त्रीले गरे सरुवा

काठमाडौं । बहिर्गमनको तयारीमा रहेको सरकारका दुई मन्त्रीले आफ्नो मन्त्रालय मातहतका महत्त्वपूर्ण पदमा सरुवा गरेका छन् । कान्तिपुरमा समाचार छ ।

दुवै जनाले बुधबार मन्त्रीस्तरीय निर्णय गरी सरुवा गरेका हुन् । सिँचाइमन्त्री सञ्जय गौतमले उमेर हदले अनिवार्य अवकाश पाउन १८ दिनमात्र बाँकी रहेका सिँचाइ विभागका महानिर्देशक अशोक सिंहलाई जलस्रोत अनुसन्धान तथा विकास केन्द्रमा सरुवा गरेका छन् । सिंहले ५८ वर्ष उमेर पूरा गरी आगामी फागुन २० मा अवकाश पाउँदैछन् ।

गौतमले सहसचिव सरोज पण्डितलाई विभागको महानिर्देशकको जिम्मेवारी दिएका छन् । गौतमले बबई सिँचाइ आयोजना प्रमुख रमेशबन्धु अर्याललाई समेत मन्त्रालयमा सरुवा गरेका छन् । उक्त आयोजनामा योञ्जन श्रेष्ठलाई लगिएको छ ।

स्वास्थ्यमन्त्री दीपक बोहराले बुधबार नै मन्त्रीस्तरीय निर्णय गरी स्वास्थ्य विभागको महानिर्देशक परिवर्तन गरेका छन् । उनले १२ औं तहका डा. विनोदमान श्रेष्ठलाई विभागको महानिर्देशक नियुक्त गरेका छन् । श्रेष्ठले आगामी चैतमा उमेर हदले अनिवार्य अवकाश पाउँदैछन् ।

यसअघि मन्त्री बोहराले नियमविपरीत बहाल रहेका निमित्त महानिर्देशक डा. राजेन्द्र पन्तलाई हटाई ११ औं तहका डा। तारानाथ पौडेललाई निमित्त महानिर्देशकको जिम्मेवारी दिएका थिए । पन्तले आफूमाथि अन्याय भएको भन्दै सर्वोच्च अदालत गुहार्न पुगेका थिए । सर्वोच्चले पन्तलाई पुरानै जिम्मेवारीमा फर्काउन अन्तरिम आदेश दिएको थियो ।

मन्त्री बोहराले भने सर्वोच्चको आदेशको बेवास्ता गर्दै डा। श्रेष्ठलाई महानिर्देशकको जिम्मेवारी दिएका हुन् । अब डा। पन्त राष्ट्रिय क्षयरोग केन्द्र, ठिमी र डा। पौडेल पश्चिमाञ्चल क्षेत्रीय अस्पताल पोखरा फर्कने जानकारी स्वास्थ्य मन्त्रालय स्रोतले दिएको छ ।

Janata Tv

प्रतिक्रिया दिनुहोस्
विशेष

मितिः २०७५ कात्तिक १ गते विहीबार बिहान ५ः०० स्टेसन आइडी ५ः०२ राष्ट्रिय गान ५ः३० तीर्थ पर्यटन प्रस्तोताः नारायण भण्डारी ६ः००…

–नारायण भण्डारी नेपाली समाजमा भव्यताका साथ मनाइंने महान् पर्व बडा दशैंको नवौं दिन आश्विनशुक्ल नवमी तिथिमा देवी भवानी महागौरीको पूजाआराधना…

काठमाडौंं । महाअष्टमीका दिन बुधबार मुलुकभरका शक्तिपीठ र देवीस्थानमा श्रद्धालु भक्तजनहरूको भीड लागेको छ । शक्तिका प्रतीक महाकाली, महालक्ष्मी, महासरस्वती…

प्रत्येक वर्षजस्तै यस वर्ष पनि दशैंं सबैको घरआगनमा आइसकेको छ । दशैं नेपालको सवैभन्दा लामो समय सम्म मनाइने चाड हो…

मितिः २०७५ असोज ३१ गते बुधबार बिहान ५ः०० स्टेसन आइडी ५ः०२ राष्ट्रिय गान ५ः३० तीर्थ पर्यटन प्रस्तोताः नारायण भण्डारी ६ः००…

–नारायण भण्डारी नेपाली समाजमा हर्ष उल्लासपूर्वक मनाइने शारदीय महापर्व बडा दशैंको आठौं दिन आश्विनशुक्ल अष्टमी तिथिमा प्रचण्डघोर कृष्णशक्ति स्वरुपा भवानी…