जनप्रतिनिधिः २० हजारको मोबाइलका साथ ८५ हजार भाडाको गाडीमा सरर

पर्सा । जिल्लाको कालिकामाई गाउँपालिकाका निर्वाचित पदाधिकारीहरूको मनपरी निर्णयहरू अहिले पर्सामा नै चर्चाको विषय बनेको छ ।

बिहीबार बसेको स्थानीय जनप्रतिनिधिको बैठकले, गाउँपालिकाका अध्यक्ष, उपाध्यक्ष तथा प्रशासकीय अधिकृतलाई ३ वटा गाडी भाडामा लिने र १४ वटा २० हजार मूल्यपर्ने मोबाइल खरिद गर्ने निर्णय गरेको छ । भाडामा गाडी तथा मोबाइल खरिद गर्ने निर्णय गरेपछि अहिले गाउँका बुद्धिजीवीहरू चकित छन् ।

गाउँपालिकाका प्रशासकीय अधिकृतले अहिले एउटा गाडी प्रतिदिन भाडावापत दैनिक २५ सय रुपैयाँ र ईन्धनमा ठूलो रकम खर्चिरहेका छन् । बिहिबारको बैठकले २ वटा गाडी उपाध्यक्ष र अध्यक्षको नाममा भाडामा लिने निर्णय गरेपछि अहिले वडाध्यक्षबीच विवाद शुरू भएको छ । नियमविपरीत निर्णय गर्न नपाइने भन्दै केही वडाध्यक्षहरूले निर्णय पुस्तिकामा हस्ताक्षर समेत गरेनन् ।

उपाध्यक्ष राजेश चौरसियाको अध्यक्षतामा बसेको बैठकले गरेको निर्णयमा मासिक एउटा गाडीको ८५ हजार रुपैयाँ (इन्धनबाहेक) भाडाबापत दिने उल्लेख छ । एक वडाध्यक्षले गाउँपरिषद् नभएको अवस्थामा जथाभावी गरेको निर्णयमा हस्ताक्षर नगरेको बताए । उनले बैठकले गरेको निर्णय गैरकानूनी भएको समेत बताए ।

यस विषयमा कालिकामाई गाउँपालिकाका अध्यक्ष नथुनीप्रसाद कुशवाहाले बहुमतको आधारमा अाफुले निर्णय गरेको बताए ।

प्राप्त जानकारी अनुसार ५ वडा रहेको गाउपालिकामा वडा नं. ५ का अध्यक्ष पवन तिवारी र २ का सोनालाल चौरसियाले निर्णयमा हस्ताक्षर गरेका छैनन् भने अन्यले भने हस्ताक्षर गरेका छन् । बैठकमा निर्वाचित पदाधिकारीहरूलाई होलीखर्च दिने निर्णय समेत गरेको बुझिएको छ ।

Janata Tv

प्रतिक्रिया दिनुहोस्
विशेष

भिम चौधरी कैलाली । कैलालीको जोशीपुर गाउँपालिका–१ का व्यापारी ३७ वर्षीय रामप्रसाद जैशीको हत्यामा संलग्न तीन जनालाई प्रहरीले पक्राउ गरेको…

काठमाडौं । सर्वोच्च अदालतका वरिष्ठतम् न्यायाधीश दिपकराज जोशीलाई सत्तारुढ दलले महाअभियोग लगाउने तयारी गरेको छ । नेकपा निकट स्रोतले दिएको जानकारी…

काठमाडौं । आफ्नै छात्रालाई लगातार यौन प्रस्ताव राख्दै नमाने परीक्षामा फेल गराइदिन्छु भन्ने प्राध्यापक पक्राउ परेका छन् । कलंकीस्थित हिमालय…

काठमाडौं । यती एयरलाइन्सले नयाँ विमान थपेको छ । यतीले नवौँ विमानका रुपमा ATR -72- 500 को तेस्रो विमान त्रिभुवन…

वनमा धेरै ठूलो अजिंगर बस्दथ्यो । ऊ निकै अभिमानी र अत्यन्तै क्रुर थियो । जब ऊ आफ्नो बासस्थानबाट निस्कन्थ्यो, सबै…

काठमाडौं । प्रहरीको व्यापक खोजीमा रहेका डा. सिके राउतले सामाजिक सञ्जाल मार्फत् आफ्नो अभिव्यक्ति सार्वजनिक गरेका छन् । नेपालको संविधान…