सन्दर्भ भारत भ्रमणः पुरानै परम्परा पछ्याउँलाउन् ओलीले ?

चमिना भट्टराई

काठमाडौं । नेपालमा बन्ने अधिकांश प्रधानमन्त्रीको पहिलो विदेश भ्रमण भारतबाट हुँदै आएको भएपनि प्रधानमन्त्री ओली भारत भ्रमण जान्छन् वा भारतवाट नेपालमा उच्चस्तरीय भ्रमण गराउँछन् भन्ने चासो उत्पन्न भएको छ ।

पुरानै परम्परालाई पछ्याउँदै प्रधानमन्त्री केपी शर्मा ओलीले आफ्नो पहिलो विदेश भ्रमण भारत सुरु गर्न लागेको कुराले निकै चर्चा पाएको छ । दोस्रो पटक प्रधानमन्त्रीमा नियुक्त भएपछि पहिलो विदेश भ्रमण भारत वा चीन कहाँबाट आरम्भ होला भन्ने जिज्ञासाबीच प्रधानमन्त्री ओलीको भ्रमण भारतबाट हुन लागेको बताइएको छ । पत्रपत्रिकामा चर्चा चलेपनि जिम्मेवार अधिकारीहरु भने अझै मौन छन् ।

नेपालमा बन्ने हरेक नयाँ प्रधानमन्त्रीको पहिलो विदेश भ्रमण भारत होस भन्ने भारत सरकारको चाहना रहने गरेको छ । अहिलेसम्मको नेपालका प्रधानमन्त्रीहरुले गर्ने गरेको विदेश भ्रमण पनि त्यहि अनुसार भएको छ ।

यद्यपी ओली पहिलो पटक प्रधानमन्त्री भएका समयमा भारतसँग चिसीएको सम्बन्धका कारण उनको यो कार्यकालको पहिलो भ्रमण भारत नहोला भन्ने धेरैको अनुमान रहेको छ । उनी यस पटक सन्तुलित विदेश नीतिको पक्षमा रहेको प्रधानमन्त्री स्वयंका अभिव्यक्तिवाट देखिन्छ । चिसिएको भारतसँगको सम्वन्ध सुधारकाे प्रारम्भ भएवाट नेपाल सन्तुलित परराष्ट्र सम्बन्ध पक्षमा रहेको देखाउँछ ।

प्रधानमन्त्री सचिवालयले प्रधानमन्त्री ओली भारत जाने निश्चित भए पनि मिति भने तय नभएको जनाएको छ । तर, कार्यालयले भने भ्रमणको तयारी सुरु गरिसकेको छ ।

प्रधामन्त्री ओलीले भारतीय समकक्षी नरेन्द्र मोदीको आमन्त्रणमा भारत भ्रमणको तयारी गरेका हुन् । प्रधानमन्त्रीले चैत मसान्तभित्र भारत भ्रमण गर्ने सम्भावना रहेको प्रधानमन्त्री सचिवालयको भनाई रहेपनि आधिकारिक पुष्टि हुन बाँकी छ ।

प्रधानमन्त्री नियुक्त हुनुअघि नै भावी प्रधानमन्त्रीका रूपमा मोदीले ओलीलाई टेलिफोन मार्फत बधाई दिएका थिए । भारतीय विदेशमन्त्री सुष्मा स्वराजले माघ १८ गते नेपालमा आएर उच्च स्तरीय भेटघाट गरी ओलीलाई प्रधानमन्त्रीका रूपमा भारत भ्रमण गर्न निम्ता दिएकी थिइन् ।

पहिलो पटक प्रधानमन्त्री भएका बखत ओलीले २०७२ फागुन ७ देखि ११ गतेसम्म भारत भ्रमण गरेका थिए । फागुन ३ गते प्रधानमन्त्रीको दोस्रो पटक शपथ लिएका ओलीले पहिलो भ्रमण भारतबाट गर्ने वा छिमेकी मुलुक चीनबाट सुरु गर्ने भन्ने विषय चर्चामा रहँदै आएको थियो । परराष्ट्र मन्त्री भए लगतै प्रदीप ज्ञवालीले छिमेकी मुलुकका प्रमुखको महत्वपूर्ण भ्रमण चैत मसान्तभित्र हुने बताएका थिए ।

ओली प्रधानमन्त्रीमा नियुक्त भएपछि पाकिस्तानका प्रधानमन्त्री साहिद खान अब्बासी बधाई दिन नेपाल आएका थिए । प्रधानमन्त्री ओलीलाई बधाइ दिन अब्बासी नेपाल आउनुलाई पनि भारत र चीनसँग आउने दिनमा हुने सम्बन्धका रुपमा हेरिएको थियो ।

पाकिस्ताका प्रधानमन्त्री अब्बासीले नेपाल भ्रमणका समयमा चीनसँगको सम्बन्धलाई निरन्तरता दिन दिएको सुझावले भारतसँगको सम्बन्ध के होला भनिएको थियो ।

प्रधामन्त्रीको सचिवालयले भ्रमणको तयारी गरिहेको जानएको बेला परराष्ट्र मन्त्रालयले भने प्रधानमन्त्रीको भारत भ्रमणको औपचारिक जानकारी मन्त्रालयमा नआएको जनाएको छ । दुई जिम्मेवार ठाउँबाट फरक फरक धारण आएकाले उनको भारत भ्रमण हुने बिषयमा अन्यौल देखिएको छ ।

प्रधानमन्त्री ओलीले भने प्रधामन्त्री भए लगतै आफू निकटहरुसँगको भेटमा आफू चीन वा भारत कुनै पनि देशको पहिला भ्रमण नगर्ने बताएको उनीनिकट स्रोतको भनाई छ । ‘म किन जाने ? सधै हाम्रो भ्रमण पहिला हुनुपर्छ भन्ने छ ? उनीहरु पनि हाम्रो देशमा आउँदा हुन्छ नी,’ उनले भेटमा यस्तो भनेको स्रोतको भनाई छ ।

यतिवेला नेपालका मन्त्रीहरु भारतको भ्रमणमा छन् । लगातार नेपाली मन्त्रीहरु भारत भ्रमणमा निस्कनुले पनि प्रधानमन्त्रीको भारत भ्रमणको चर्चा चलेको हो । यद्यपि भ्रमण कहिले हुने, हुने नहुने र के के एजेण्डामा हुने , नेपालका प्रधानमन्त्री जाने वा विदेशी राष्ट्र प्रमुख वा प्रधानमन्त्री नेपाल आउने भन्ने टुंगो लाग्न अझै केहि समय कुर्नु पर्ने देखिन्छ ।

Janata Tv

प्रतिक्रिया दिनुहोस्
विशेष

– राधिका जोशी सुनिँदै, बोलिँदै अनि लेखिँदै आयो, ‘स्वास्थ्य संस्था मन्दिर अनि र डाक्टर भगवान ।’ जसरी हामी मन्दिरमा फूलअक्षता…

–प्रतिमा चौधरी कसैले तपाईंको इमानदारिता, साँचोपन, बुद्धिमत्ता वा राम्रो पक्षबारेमा थाहा पाउन सक्दैनन्, जबसम्म तपाईं आफ्नो कामद्वारा उदाहरण प्रस्तुत गर्नु…

–रामकुमार/पुष्पा/शिव काठमाडौं । रेशम चौधरी अर्थात् २०७४ मा भएको संघीय निर्वाचनमा कैलाली क्षेत्र नम्बर १ बाट निर्वाचित सांसद । तत्कालीन…

काठमाडौं । विदेश जानकै लागि नक्कली विवाह गरेको घटना त हामीले प्रशस्तै सुने देखेका छौँ, तर अब घटना यस्ता पनि…

कृषिमा व्यावसायीकरण, विशिष्टीकरण तथा औद्योगिकरणका माध्यमबाट बेमौसमी तरकारी तथा फलफुल ठूलो परिमाणमा छिमेकी देश भारत, बङ्गलादेश लगायत खाडी मुलुकहरू, थाइल्याण्ड…

–अर्जुन थपलिया गान्धीले अहिंसात्मक आन्दोलनको सहारा लिए । जसलाई ‘सत्याग्रह’को नाम दिइयो । गान्धीले इष्टइन्डिया कम्पनीको बेलायती शासनबाट भारत स्वतन्त्र…