वर्ष २०७४ खेलकूद : क्रिकेटमा ऐतिहासिक सफलता

रेखा शाही
काठमाडौँ । नेपाली क्रिकेटका लागि यो वर्ष ऐतिहासिक रह्यो । चार वर्षको लागि एक दिवसीय मान्यता प्राप्त मुलुकमा सूचीकृत भएको नेपाललाई युवा क्रिकेटरहरूले थप खूशी दिएको छ । तर, यसको नेतृत्व गर्ने संस्था नेपाल क्रिकेट संघ क्यानको निलम्वन यो वर्ष पनि फुकुवा हुन सकेन ।

क्रिकेट नबुझ्नेहरुले पनि बधाई भने, दूरदेशले नेपालको नाम चिने । जब, शक्तिशाली राष्ट्रहरूले बनाएको उत्कृष्ठताको जालो तोड्दै नेपालले चार वर्षका लागि अन्तरराष्ट्रिय क्रिकेटमा एक दिवसीय मान्यता पायो । तब, देश खूशीले एकैपटक जुरुक्क उफ्रियो । अर्थात्, नेपाली क्रिकेटका लागि २०७४ साल ऐतिहासिक बन्यो ।

नेपाली क्रिकेटरहरुको अभूतपूर्व प्रस्तुतिकै कारण नेपाली क्रिकेटले यो ऐतिहासिक यात्रा पार गर्न सफल भएको हो । विषेशगरी, युवा क्रिकेटरहरुको जादुमयी प्रस्तुति अविस्मरणीय रह्यो । यही प्रस्तुतिकै मद्दतले डिभिजन टु मा घटुवा भएको केही महिना नबित्दै एक दिवसीय मान्यतासम्मको फड्को मार्न सफल भयो ।

सन् १९९६ देखि अन्तरराष्ट्रिय क्रिकेट खेल्न थालेको नेपालका लागि डिभिजन पाँच, चार हुँदै एक दिवसीय मान्यताको उपलब्धीसँगै युवा क्रिकेटर सन्दीप लामिछानेले अर्को खूशी थपिदिए । इन्डियन प्रिमियर लिग (आइपीएल) खेल्ने पहिलो नेपाली क्रिकेटर बनेका लामिछाने दिल्ली डेयरडेभिल्स्मा आवद्ध भए ।

तर नेपाली क्रिकेटर र यसका समर्थकहरुसँगै रमाउनेगरी नेपाल क्रिकेट संघ क्यानले भने यो वर्ष पनि उचित निर्णय लिन सकेन । २०७२ देखिको आईसीसीको निलम्वन फुकुवाका लागि नयाँ वर्षको शुरुमै साधरणसभा बोलाइएकाले केही आशा भने छोडेको छ, २०७४ साललाई ।
नेतृत्व गर्ने मूल संस्था क्यानको नसुल्झिदो विवादले दूखी तुल्याइरहेको नेपाली क्रिकेटरहरुको मुहारमा घरेलु प्रतियोगिताले भने थोरै खूशी दिएको छ । ईपिएल र डीपिएल प्रतियोगिताले, खेल्ने अवसरसँगै नेपाली क्रिकेटरहरुलाई आर्थिक राहत पनि मिलेको छ ।

यस वर्ष क्रिकेट नेपाली खेलप्रेमीलाई अर्को सुखद अनुभुति तब भयो जब नेपालाले अन्डर नाइन्टिन एसियाकपमा भारतलाई हरायो । क्रिकेटको शक्तिराष्ट्र भारतलाई उमेर समुहमै भएपनि नेपालले हराउँदा नेपाली क्रिकेट प्रेमी गदगद भए ।

Janata Tv

प्रतिक्रिया दिनुहोस्
विशेष

–खेम बम पछिल्लो समय नेपाली राजनीतिमा मार्सी चामलको खुबै चर्चा छ । यसको पृष्ठभूमीमा छन्– नेकपाका अध्यक्षद्वय केपी शर्मा ओली…

– राधिका जोशी सुनिँदै, बोलिँदै अनि लेखिँदै आयो, ‘स्वास्थ्य संस्था मन्दिर अनि र डाक्टर भगवान ।’ जसरी हामी मन्दिरमा फूलअक्षता…

–प्रतिमा चौधरी कसैले तपाईंको इमानदारिता, साँचोपन, बुद्धिमत्ता वा राम्रो पक्षबारेमा थाहा पाउन सक्दैनन्, जबसम्म तपाईं आफ्नो कामद्वारा उदाहरण प्रस्तुत गर्नु…

–रामकुमार/पुष्पा/शिव काठमाडौं । रेशम चौधरी अर्थात् २०७४ मा भएको संघीय निर्वाचनमा कैलाली क्षेत्र नम्बर १ बाट निर्वाचित सांसद । तत्कालीन…

काठमाडौं । विदेश जानकै लागि नक्कली विवाह गरेको घटना त हामीले प्रशस्तै सुने देखेका छौँ, तर अब घटना यस्ता पनि…

कृषिमा व्यावसायीकरण, विशिष्टीकरण तथा औद्योगिकरणका माध्यमबाट बेमौसमी तरकारी तथा फलफुल ठूलो परिमाणमा छिमेकी देश भारत, बङ्गलादेश लगायत खाडी मुलुकहरू, थाइल्याण्ड…