सल्यानमा सन्चालित बिजय लघु जल बिद्युक्त खर्चिलो बन्दै

मिना बुढाथोकी
सल्यान । सल्यानमा सञ्चालित बिजय लघु जल बिद्युक्त खर्चिलो बन्दै गएको छ । जिल्लाको बागचौर नगरपालिका वडा नम्बर १२ बाफुखोलामा सञ्चालन गर्दै आएको १७ किलोवाट क्षमता भएको बिजय लघु जल बिद्युक्त खर्चिलो बन्दै गएको हो । स्थानिय मुलखोला, उमखोली र मुर्केखोलीको पानी संकलन गरेर २०६६ सालमा निर्माण शुरु गरिएको परियोजना २०६८ सालमा सम्पन्न भएको थियो ।

तीन लाख लिटर पानी जम्मा गर्ने पानीटंकी निर्माण गरेर नब्बे डिग्री कोणमा १ सय ८१ मिटर लामो पाईप बाट पानी ल्याएर मेसेनरी सामानहरुमा जडान गरिएको थियो । यस बिद्युक्त परियोजनाले यहाँका ओख्रेनी, चौरडाँडा, देउपुरीडाँडा, दोभानबजार, जंगले आदी गाँउका २ सय २० घरधुरीले बत्ती बालिरहेका छन् ।

ओख्रेनीका स्थानिय गुमाण डाँगीले पछिल्लो केही बर्ष यता यस परियोजना खर्चिलो बन्दै गएको बताए । उनले मासिक २ सयका दरले बिद्युक्त महशुल तिर्ने गरेको बताए । ‘केन्द्रिय लाईन भएको भए महशुल कम तिर्नु पथ्र्यो, महशुल महंगो भए पनि टिभि, कम्प्यूटर चलाउन पाईन्थ्यो, यसले त केही चलाउन पाईदैन्, बत्ती बाले पनि २ सय, नबाले पनि २ सय तिर्नु पर्छ’— उनले भने । उनले घरमा बत्ती बाल्न, मोबाईल चार्ज गर्न तथा छोराछोरीहरुलाई उज्यालोमा पढ्नलेख्न मात्रै सजिलो भएको बताए ।

शुरुमा नयाँ सामान भएकाले धेरै मर्मत गर्नु नपरे पनि अहिले बेला बेलामा सामान बिग्रीने भएकाले मर्मत गरिरहनु पर्ने बाध्यता रहेको परियोजना अप्रेटर गौरीलाल वलीले बताए । खोलामा पानीको समस्याका कारण दैनिक १२ घण्टा मात्रै लाईन छोड्ने गरेको उनले बताए । ‘साना समस्याहरु उपभोक्ताहरुले उठाएको बिद्युक्त महशुल बाट मर्मत गछौँ, ठूलो समान बदल्नु प¥यो वा मर्मत गर्नुप¥यो भने उपभोक्ताहरु बाट पैसा उठाउछौँ, केही समय अगाडी जेनेरेटर बिग्रीयो, मर्मत गरेर सञ्चालन गरेका छौँ, समितीको खातामा पैसा छैन’ उनले भने— ‘अहिले यो परियोजना खर्चिलो बन्दै गएको छ ।’

बर्षायाममा १० किलोवाट बिद्युक्त उत्पादन हुने गरकोमा अहिले पानीको कमीका कारण ५ किलोवाट मात्रै उत्पादन भैरहेको उनले बताए । तत्कालिन जिल्ला बिकास समिती, गाउँ बिकास समिती, बैकल्पिक उर्जा प्रर्बद्धन केन्द्र, गरिबी निबारण कोष र सांसद बिकास कोषको ५८ लाख रुपैँयाको लागतमा यो परियोजना सम्पन्न भएको थियो ।

Janata Tv

प्रतिक्रिया दिनुहोस्
विशेष

आश्विन शुक्लपक्षको बडा दशैँमा देशका विभिन्न देवीमन्दिर, शक्तिपीठ र कोटघरहरुमा आद्यशक्ति देवी दुर्गा भवानीको पूजाआजा गरिन्छ । सनातन संस्कृतिमा आदिमाता…

काठमाडौं। दशैँ मनाउन २१ लाख ५४ हजार २६ यात्रु काठमाडौं उपत्यकाबाट बाहिरिएका छन् । ट्राफिक प्रहरी महाशाखाका अनुसार सोमबार बेलुकासम्म…

–नारायण भण्डारी नेपाली समाजमा बडो उल्लासपूर्वक मनाइने महान् पर्व बडा दशैंको सातौं दिन आश्विनशुक्ल सप्तमी तिथिमा ज्ञानशक्ति स्वरुपा माता सरस्वतीकोे…

मितिः २०७५ असोज ३० गते मंगलबार बिहान ५ः०० राष्ट्रिय गान ५ः०२ योग दर्शन प्रस्तोताः डा. चिन्तामणि गौतम ५ः१५ मालश्री धुन…

कान्ति न्यौपाने काठमाडौं । विगतमा विभिन्न राजाले बिशेष कार्यक्रममा पहिरिने गरेको श्रीपेज अब खम्बाले लगाएको छ । राजहाँसको प्वाख र…

काठमाडौं । लोक तथा दोहोरी गायक शंकर क्षेत्री नेपालगञ्जका हुन् । यस्तै, लोक तथा दोहोरी गायिका बबिता बानियाँ जेरी गोरखाकी…