सन्दिप लामिछानेको छलाङ्ग : फेरी एतिहासिक खेल खेल्दै

रेखा शाही

काठमाडौँ । इन्डियन प्रिमिएर लिग क्रिकेटको डेब्यु खेलमै उत्कृष्ट प्रदर्शन गरेपछि अन्तराष्ट्रिय चर्चामा रहेका नेपालका युवा लेग स्पिनर सन्दीप लामिछाने वेस्ट इन्डिजविरुद्ध खेल्ने आईसीसीको विश्व ११ टिममा परेका छन् ।

आइसीसीले प्रेस बिज्ञप्ती जारी गर्दै एकपछि अर्को अवसरलाई पछाइरहेका नेपालका सन्दीप लामिछानेलाई वेस्ट इन्डिजविरुद्ध खेल्ने विश्व ११ टिममा समाबेश गरेको उल्लेख गरेको छ । गतवर्ष आँधीका कारण वेस्ट इन्डिजमा भत्कीएका पाँच रङ्गशालाको पुनर्निर्माणका लागि रकम सङकलनका आयोजना गर्न लागिएको खेलमा सन्दीपले मौका पाएका हुन । उक्त प्रतियोगितामा बंगलादेशका सकिब अल हसनले व्यक्तिगत कारण देखाउँदै नाम फिर्ता लिएका छन् ।

आइसीसीका अनुसार सकिबको ठाउँमा खेलाडी छान्न बाँकी छ । टी–२० फर्मेटमा हुने खेल इङ्ग्ल्यान्डको प्रतिष्ठित लर्ड्स क्रिकेट मैदानमा आगामी मे ३१ तारिखमा हुनेछ । सन्दीपका लागि ऐतिहासिक रहेको खेलको कप्तानी इंग्ल्याण्डका इयोन मोर्गनले गर्दैछन् । विश्व ११ टोलीमा लामिछानेसँगै पाकिस्तानका शाहिद अफ्रिदी र शोएव मलिक, बंगलादेशका तमिम इकवाल, भारतका दिनेश कार्तिक र हार्दिक पाण्डे, अफगानिस्तानका रशिद खान, न्यूजिल्यान्डका मिचेल म्याक्लिनगन र लुक रोन्ची तथा श्रीलङ्काका थिसरा परेरा छन् ।

सन्दीप अहिले इन्डियन प्रिमियर लिग (आईपीएल) मा दिल्ली डेयरडेभिल्सबाट खेलिरहेका छन् । सन्दीपले विराट कोहलीको टिम रोयल च्यालेन्जर्स बेंग्लोर विरुद्ध डेब्यु खेलमा नै ४ ओभर बलिङ गर्दै मात्र २५ रन खर्चेर १ विकेट लिएका थिए । डिभिजन २ र विश्वकप छनोटमा उत्कृष्ट खेल देखाएका सन्दिपले आईपीएलमा दिल्ली डेयरडेभिल्सबाट खेलेर नेपाली क्रिकेटमा इतिहास बनाइसकेका छन । उनी वेस्ट इन्डिजमै हुने क्यारेवियन प्रिमियर लिग (सीपीएल) मा पनि अनुबन्धित छन् ।

Janata Tv

प्रतिक्रिया दिनुहोस्
विशेष

–भूमिराज पराजुली झापा । मोरङको लेटाङस्थित श्री माध्यमिक विद्यालय बन्द छ । विद्यालयको पानी ट्यांकीमा विष मिसाइएको पानी पिएर २९…

काठमाडाैँ । भदौ १ बाट लागु भएका मुलुकी फौजदारी र मुलुकी देवानी संहिताले महिला अधिकारको दृष्टिकोणबाट सकारात्मक र नकारात्मक दुवै…

पुरुषवादी सोचबाट ग्रस्त हाम्रो समाजमा यस्ता पावन्दी तुलनात्मकरुपमा बढी महिलालाई राखेको देखिन्छ –इच्छा गुरुङ उबेलाको कुरा हो, कक्षा ९ मा…

शीर्षक हेर्दा तपाईंलाइ लाग्यो होला, जीवन पनि अनुकुलतामा चलेको छ र ? तर यसो केलाएर हेर्दा हो नि । हामी…

विशेष सम्पादकीय पाँच वर्षका लागि बनेको सरकारले पाँच महिनामै ‘७८ पाने उपलब्धी’ सार्वजनिक गर्नु हतारो थियो भन्नेहरुले अरु हतारमा भनिदिए,…

काठमाडौँ । सरकारले चिया बगानमा काम गर्ने श्रमिकको न्यूनतम पारिश्रमिक तोकेको छ । चिया बगानमा काम गर्ने श्रमिकका लागि आधारभूत…