प्रधानमन्त्रीसँग चीन को को जाँदैछन् ? यस्ताे छ एजेण्डा

शिव अधिकारी

काठमाडौ । प्रधानमन्त्री केपी  ओलीको असार ५ गते हुने  चीन भ्रमण टाेलीकाे  टुङ्गो लागेकाे छ । भ्रमण टाेली बारे परराष्ट्र मन्त्रालयले बुधबार  जानकारी दिएको हाे ।

भ्रमण टोलीमा गृहमन्त्री रामबहादुर थापा बादल, परराष्ट्रमन्त्री प्रदीप ज्ञवाली, उर्जामन्त्री वर्षमान पुन  भौतिक पूर्वाधार मन्त्री रघुवीर महासेठ, प्रधानमन्त्रीका  सल्लाहकार विष्णु रिमाल लगायत जाने मन्त्रालयले जनाएको छ ।

प्रधानमन्त्री ओलीका साथ धर्मपत्नी राधिका शाक्य पनि चीन भ्रमणमा जानुहुने  भएकाे छ । चीन भ्रमणमा प्रधानमन्त्री ओलीले राष्ट्रपति सी जिनपिङका साथै चिनियाँ समकक्षी ली खछ्याङ लगायतका नेताहरुसँग भेटवार्ता गर्ने कार्यक्रम तय भएकाे छ ।

प्रधानमन्त्री अाेलीकाे भ्रमण नेपाल र चीनबीच पहिला भएका सम्झौता र समझदारी कार्यान्वनकाे  लागि  हस्ताक्षर हुने  परराष्ट्र मन्त्रालयले जानकारी दिएकाे छ । मन्त्रालयका अनुसार भ्रमणमा थप  सम्झौता तथा समझदारी समेत हुनेछ ।

प्रधानमन्त्री ओलीले बेइजिङमा नेपाल चीन बिजनेस फोरम र थिंक ट्यांकलाई सम्बोधन गर्नुका साथै ल्हासाको भ्रमण समेत कार्यक्रम तय भएकाे छ ।

यस्ताे छ भ्रमण एेजेण्डा

चीन भ्रमणका क्रममा प्रधानमन्त्री ओलीले रेलमार्गदेखि उर्जा सहयोगसम्मका विषयमा हस्ताक्षर गर्ने कार्यक्रम रहेको परराष्ट्र मन्त्रालयले जनाएको छ । दुई देशबीच ऊर्जा सहयोग तथा समन्वयसम्बन्धी समझदारीपत्रमा हस्ताक्षर गर्ने कार्यक्रम तय भएको छ ।

प्रधानमन्त्रीका ओलीेले यसअघिकाे भ्रमणमा नेपाल र चीनबीच व्यापार तथा पारवहन सम्झौता गर्ने समझदारी भएको थियो । पहिला भएका सम्झौताको प्रोटोकललाई अन्तिम रूप दिइने परराष्ट्र मन्त्रालयको प्रवक्ता डा भरतराज पौडेलले जानकारी दिनुभएको छ ।

चीन भ्रमणमा तातोपानीस्थित मितेरी पुल र रसुवागढीमा स्याफ्रुबेँसी जोड्ने पुल निर्माणको प्राविधिक र आर्थिक सहयोगसम्बन्धी सम्झौता हुनेछ । प्रधानमन्त्रीको भ्रमणमा गल्छी–रसुवागढी–केरुङ चार सय केभी अन्तरदेशीय विद्युत् प्रसारण लाइन आयोजनाबारे पनि छलफल हुनेछ ।

भ्रमणमा ४ सय ५० मेगावाट क्षमताको किमाथांका अरुण जलविद्युत् आयोजना निर्माणका लागि प्रस्ताव गर्ने तयारी छ । प्रधानमन्त्रीको चीन भ्रमणमा काठमाडौंदेखि केरुङसम्मको रेलमार्ग निर्माणको समझदारी (मेमोरेन्डम अफ अन्डरस्ट्याडिङ) हुने सम्भावना छ ।

भ्रमणमा रसुवागढी–काठमाडौं–पोखरा–लुम्बिनी रेलमार्ग निर्माणको विषय पनि प्रधानमन्त्रीको चीन भ्रमणको एजेन्डा छ । केरुङदेखि काठमाडौं जोड्ने रेलमार्गलाई नै काठमाडौंदेखि पोखरा र पोखरादेखि लुम्बिनी जोड्ने योजना छ ।

नेपाल र चीनबीच लगानी प्रवद्र्धन तथा सुरक्षण प्रत्याभूति सम्झौता (बिप्पा)का विषयमा बिप्पाका विषयमा ठोस समझदारी वा सम्झौता हुने सम्भावना छ । दुई देशबीच निजी क्षेत्रबीच ४० अर्बको संयुक्त लगानी बारे सम्झौता हुनेछ ।

प्रधानमन्त्री ओलीसहितकाे भ्रमण टाेली  असार १० गते  स्वदेश फर्कनेछ ।

Janata Tv

प्रतिक्रिया दिनुहोस्
विशेष

विद्यानन्द राम राजविराज । प्रहरीले चाडपर्वलाई लक्षित सप्तरीमा ११ बुँदे विशेष सुरक्षा योजनाका साथ काम गरिरहेको छ । जिल्लाका सार्वजनिक…

आश्विन शुक्लपक्षको बडा दशैँमा देशका विभिन्न देवीमन्दिर, शक्तिपीठ र कोटघरहरुमा आद्यशक्ति देवी दुर्गा भवानीको पूजाआजा गरिन्छ । सनातन संस्कृतिमा आदिमाता…

काठमाडौं। दशैँ मनाउन २१ लाख ५४ हजार २६ यात्रु काठमाडौं उपत्यकाबाट बाहिरिएका छन् । ट्राफिक प्रहरी महाशाखाका अनुसार सोमबार बेलुकासम्म…

–नारायण भण्डारी नेपाली समाजमा बडो उल्लासपूर्वक मनाइने महान् पर्व बडा दशैंको सातौं दिन आश्विनशुक्ल सप्तमी तिथिमा ज्ञानशक्ति स्वरुपा माता सरस्वतीकोे…

मितिः २०७५ असोज ३० गते मंगलबार बिहान ५ः०० राष्ट्रिय गान ५ः०२ योग दर्शन प्रस्तोताः डा. चिन्तामणि गौतम ५ः१५ मालश्री धुन…

कान्ति न्यौपाने काठमाडौं । विगतमा विभिन्न राजाले बिशेष कार्यक्रममा पहिरिने गरेको श्रीपेज अब खम्बाले लगाएको छ । राजहाँसको प्वाख र…