अभिनेता बुद्धि तामाङको संघर्षपूर्ण विगत र लोभलाग्दो वर्तमान

–इच्छा गुरुङ

कर्मको लेखान्त कसैले टार्न सक्दैन भन्ने उक्ति यसै भनिएको होइन भन्ने सन्दर्भ कलाकार बुद्धि तामाङलाई मिल्न जान्छ । काभ्रे पलाञ्चोक जिल्लाको हालको तेमाल गाउँपालिकामा जन्मिएका बुद्धिको सपना हरेक युवाको जस्तै शहर पसेर केही दाम कमाउ भन्ने नै थियो । त्यही सपनालाई पछ्याउदै शहर पसेका उनी महानगरको कहरभित्र यस्तरी डुबे कि त्यसबाट पार लगाउन उनले कुनै बखत पेट पाल्नकैलागि इट्टा भट्टामा काम गरे,होटलमा भाडा माझे,पत्रिका बेचे । आइपर्दा कुनै काम गर्न उनी पछि हटेनन् । त्यतिखेर उनको हिम्मतले साथ दिन्थ्यो उनलाई ।

कुनै बखत पेट पाल्नकैलागि इट्टा भट्टामा काम गरे,होटलमा भाडा माझे,पत्रिका बेचे । आइपर्दा कुनै काम गर्न उनी पछि हटेनन् । त्यतिखेर उनको हिम्मतले साथ दिन्थ्यो उनलाई ।

आफ्नो विगतप्रति उनको कुनै गुनासो छैन । भन्छन्–मैले ती दिनहरु नदेखेको हुँदो हो त,आजको यो दिनको महत्व कम हुन्थ्यो होला ।

ती दिनहरुमा सुख भन्दा दुख नै बढि थिए । तर दुखलाई पनि हाँसीहाँसी अंगालेका बुद्धि अहिले परिपक्क बनिसकेका छन् । कलाकारिता क्षेत्रमा उनले बेग्लै पहिचान र उचाइ बनाइसकेका छन् । यो सबै उनको संघर्ष,मिहिनेत र प्रतिभाको परिणाम हो । नाटकमा सानैबाट रुचि भएका बुद्धिको नाट्यकर्मीहरुको संगत बढेसंगै उनले पनि यही विधालाई कर्मथलो बनाए । नाटक,टेलिफिल्म हुदै नेपाली चलचित्रमा लागेका उनी केही वर्षमै स्थापित बनिसकेका छन् । जिरेखुर्सानी टेलिफिल्ममा उनको अभिनयसँगै उनले बोल्ने हैट भन्ने थेगो रातारात हिट बन्यो । अझै पनि उनलाई बुद्धि तामाङ भन्दा बढी हैट उपनामले चिन्ने दर्शकको संख्या बढी छन् ।

हाँस्य विधामा जमेका बुद्धि पर्दामा जति रसिला देखिन्छन् रियलमा भने लजालु स्वभावका छन् । जनता टेलिभिजनको कार्यक्रम सेलिब्रटी किचनमा कुराकानी गर्दै बुद्धिले पछिल्लो समय ब्याक टु ब्याक चलचित्रहरु आउदा दर्शकहरुलाई झर्को लाग्ने हो कि भन्ने डर लाग्ने बताए ।

साँच्चिकै भन्नुपर्दा उनको अहिलेको क्रेज र व्यस्तत कुनै सुपरस्टारको भन्दा कम छैन । एकातिर शुटिङ,अर्कोतिर प्रदर्शन हुन लागेको चलचित्रको प्रोमोशन–भ्याइ नभ्याइ छ । उनको डेट कुरेर बसेका निर्माता,निर्देशकहरुको संख्या पनि ठूलै छ । आफूलाई विश्वास र माया गरेर आएका प्रायः चलचित्रहरु सम्भव भएसम्म खेलिदिन्छन् उनी । तर अब भने छानेर मात्र गर्नुपर्छ कि भन्ने उनको चेतनाले पनि घच्घच्याउन थालेको छ ।

आफूलाई विश्वास र माया गरेर आएका प्रायः चलचित्रहरु सम्भव भएसम्म खेलिदिन्छन् उनी । तर अब भने छानेर मात्र गर्नुपर्छ कि भन्ने उनको चेतनाले पनि घच्घच्याउन थालेको छ ।

प्रायः चलचित्रमा उनी ४५ बर्ष बढिको चरित्रमा देखिन्छन् । तर बुद्धि आफु भने भर्खर ३५ पुगेको बताउछन् । कहिलेकाहीं बूढो हुँदै गएको अनुभूति भने हुने गरेको उनले सुनाए ।

हालसम्म उनी अविवाहित नै छन् । किन ? भन्ने प्रश्नमा उनले सबैलाई दिने साझा जवाफ यस्तो छ–पहिले संघर्ष गर्दै बित्यो,त्यता सोच्ने फुर्सद नै भएन । तर अब भने विवाह गर्नुपर्छ भन्ने लाग्न थालेको छ ।

बढ्दो उमेरसँगै अब विवाह गर्नुपर्छ भन्ने सोंचमा पुगे पनि कहिले र कोसँग भन्ने तय हुन भने बाँकी रहेको उनी बताउछन् । तर विवाह भने मागेर र सगुन पोङ राखेरै गर्ने आफ्नो योजना समेत उनले सुनाए ।

 

 

Janata Tv

प्रतिक्रिया दिनुहोस्
विशेष

तीर्थ न्याैपाने, टिप्पणी प्रमुख प्रतिपक्ष नेपाली कांग्रेस आन्तरिक विवादमा रुमलिइरहेको बेला पूर्वमहामन्त्री प्रकाशमान सिंह र पूर्वराजा ज्ञानेन्द्रबीच भेटघाट भएको छ…

खेम बम काठमाडौं । सुदूरपश्चिम प्रदेशका सामाजिक विकास मन्त्री दिर्घ सोडारीलाई बर्खास्त गरिएसँगै विभिन्न खाले बिषय सार्वजनिक हूँदै गएका छन्…

काठमाडौं । प्रहरी प्रधान कार्यालयले एकैपटक २ हजार ८ सय प्रहरी जवानको सरुवा गरेको छ । सरुवा भएका प्रहरी जवानले…

अमेरिका । उत्तरी क्यालिफोर्नियाको जंगलमा भएको आगलागीमा मर्नेको संख्या ४४ पुगेको छ । यो आगलागी इतिहासमै सबैभन्दा ठूलो आगलागी भएको…

काठमाडौंं । प्रधानमन्त्री केपी ओलीले कार्यमा फरक शैली अपनाउनु भएको छ । उहाँले अहिलेसम्म कुनै प्रधानमन्त्रीले नगरेको काम समेत गर्न थाल्नु…

सामाजिक विकास मन्त्री कृष्णराज सुवेदीलार्इ  पद तथा गाेपनीयताकाे शपथ  गराउँदै मुख्यमन्त्री त्रिलाेचन भट्ट,  तस्बिर भीम चाैधरी तीर्थ न्याैपाने काठमाडौं ।…