कविता : ओ प्रिया !

– डा.विजयकुमार पौडेल

कस्तो मेरो एकोहोरो प्रेम !
तिमीले सधैँ बेवास्ता गर्ने,
मैले तिमीलाई सर्वस्व ठान्ने
मलाई तिमी नभै नहुने,
तिमीलाई म नभए पनि हुने !

नबुझ्नेले मलाई ‘सनकी’ भन्न सक्छन्
अन्ध विश्वासी पनि भन्न सक्छन्
तर यो सत्य हो,
म ‘ओह्याँ’ गरेर आमाको पेटबाट धरतीमा झर्नेबित्तिकै
तिमीलाई अथाह मायाँ गर्न थालें,

त्यति मात्रै हैन,
वैज्ञानिक हिसाबले विश्लेषण गर्ने हो भने
साँच्चिकै सत्य केलाउने हो भने
ममा चेतना नहुँदै तिमीप्रति आशक्त भएको हुँ,
पिताको गर्भबाट आमाको गर्भमा पुग्नेबित्तिकै
तिमीबिना बाँच्न नसक्ने भएको हुँ ।

युग बिते तर मेरो मायाँ अटुट छ,
तिमीलाई मायाँ गर्ने पात्र फेरिए,
तर मेरो मायाँ यथावत छ ।

एकजना हो र ?
असंख्य छन् तिमीलाई मायाँ गर्ने,
तिम्रो लागि सबैथोक त्याग्न सक्ने !
कति धेरैलाई वशमा पार्न सकेकी !
कति धेरै रंग–रुप देखाउन सकेकी !
कति धेरै छलछाम गर्न सकेकी !

राजादेखि रंकसम्म
लोभीदेखि दानीसम्म
भोगीदेखि जोगीसम्म
ब्रम्हचारीदेखि गृहस्थसम्म
चरित्रवानदेखि पातकीसम्म
सबै तिम्रो जालमा छन्
सबै तिम्रो ‘काल’मा छन् ।

कति सधैँ परीक्षा लिन्छ्यौ ?
सधैँ कति अविश्वास गर्छ्यौ ?
कहिले सडकमा पछार्छ्यौ,
कहिले भिरबाट खसाल्छ्यौ,
कहिले बगाएर खोलाको तीरमा फाल्छ्यौ,
तर तिमीलाई छोड्न सकिन्न,
तिम्रो माया मार्न सकिन्न ।

देशको सीमाना रक्षा गर्न
अरुलाई मार्न या मर्न
तयार भएर हिँडेको सैनिक होस्
या
क्रान्तिवीर होस् हिँडेको जमाना फेर्न
सबै तिमीलाई उत्तिकै मायाँ गर्छन्
सबै तिमीलाई, मात्र तिमीलाई चाहन्छन् ।

जन्मदिने आमा–बाबाभन्दा पनि प्यारी तिमी
छोराछोरीकी आमाभन्दा पनि प्यारी तिमी
इष्ट–मित्र, साथी–भाइ सबैलाई त्याग्न सकिन्छ
तिम्रो साथ छोड्नै मन लाग्दैन !

सम्झिराख प्रियसी
मेरी प्राणप्यारी,
तिमीलाई त्यसले मात्रै हेला गर्न सक्छ,
जो तिमीबाटै डराएर,
तिमीले सधैँ लिने परीक्षाबाट भागेर
कायर बनेर, आत्महत्या गर्छ !

तिमीलाई छोड्नु भनेको
कालगतिले मर्नु हो
जिन्दगी ओ प्रिया !
नमरिन्जेल तिमीलाई माया गरिरहन्छु !!!

Janata Tv

प्रतिक्रिया दिनुहोस्
विशेष

विद्यानन्द राम राजविराज । प्रहरीले चाडपर्वलाई लक्षित सप्तरीमा ११ बुँदे विशेष सुरक्षा योजनाका साथ काम गरिरहेको छ । जिल्लाका सार्वजनिक…

आश्विन शुक्लपक्षको बडा दशैँमा देशका विभिन्न देवीमन्दिर, शक्तिपीठ र कोटघरहरुमा आद्यशक्ति देवी दुर्गा भवानीको पूजाआजा गरिन्छ । सनातन संस्कृतिमा आदिमाता…

काठमाडौं। दशैँ मनाउन २१ लाख ५४ हजार २६ यात्रु काठमाडौं उपत्यकाबाट बाहिरिएका छन् । ट्राफिक प्रहरी महाशाखाका अनुसार सोमबार बेलुकासम्म…

–नारायण भण्डारी नेपाली समाजमा बडो उल्लासपूर्वक मनाइने महान् पर्व बडा दशैंको सातौं दिन आश्विनशुक्ल सप्तमी तिथिमा ज्ञानशक्ति स्वरुपा माता सरस्वतीकोे…

मितिः २०७५ असोज ३० गते मंगलबार बिहान ५ः०० राष्ट्रिय गान ५ः०२ योग दर्शन प्रस्तोताः डा. चिन्तामणि गौतम ५ः१५ मालश्री धुन…

कान्ति न्यौपाने काठमाडौं । विगतमा विभिन्न राजाले बिशेष कार्यक्रममा पहिरिने गरेको श्रीपेज अब खम्बाले लगाएको छ । राजहाँसको प्वाख र…