यसरी मनाइँदैछ गठेमंगल

काठमाडौं । काठमाडौ उपत्यका लगायत देशका विभिन्न शहर र वस्तीमा बिहिबार घण्टाकर्ण चतुर्दशी तथा गठेमंगल पर्व मनाइँदैछ । गथांमुग वा चःह्रे पूजासमेत भनिने यो परम्परागत पर्व श्रावण कृष्णपक्षको चतुर्दशी तिथिमा मनाउने चलन छ ।

कथन अनुसार कानमा घण्ट झुण्ड्याई आहार खोज्न निस्कने नरभक्षी घण्टासुर राक्षसले बालबालिका र महिलालाई भयभित पारेका कारण नगरवासी आजित भएछन् । नगरवासीको दुःख हटाउन एक जना तान्त्रिकले भ्यागुताको रुप लिई डुल्दै हिडेको घण्टासुरलाई धापतिरको बाटो देखाइदिएछन् । घण्टासुर धापमा गडेर फसेका बेला शहरका मानिस जम्मा भई त्यसको बध गरेछन् ।

लोककथनको यही घटनाको आधारमा यस दिन नरकटको घाँसबाट घण्टासुरको पुत्ला बनाई नगरका गल्ली,चोकहरुमा राखिन्छ । सँगै एक जना मानिस रंगीचङ्गी भेषमा घण्टाकर्णको पुत्ला नजिकै बस्ने पनि चलन छ । पुत्ला राखिएको चोकमा डोरी टाँगेर केटाकेटीहरुले घण्टासुरको दाहसंस्कार गर्ने भन्दै जगात उठाउँछन् । साँझ घण्टाकर्णको पुत्ला घिसार्दै खोलामा लगेर जलाइन्छ ।

घण्टाकर्ण सेलाएपछि घरका दैलामा तीनखुट्टे वा पाँच खुट्टे किला ठोक्ने परम्परा छ । साथै त्यस राक्षसको त्रासबाट जोगिन औंलामा फलाम, पित्तल तथा तावाका औंठी लगाउने पनि चलन छ । नेवार समुदायमा यस दिन भ्यागुताको पूजा गरिनुका साथै एक महिने लाखे नाच पनि थालिन्छ । घण्टकर्ण चतुदर्शीलाई आसुरी वृत्तिमाथि मानवीय व्यवहारले विजय प्राप्त गरेको पर्वका रुपमा मनाउने गरिन्छ ।

Janata Tv

प्रतिक्रिया दिनुहोस्
विशेष

विद्यानन्द राम राजविराज । प्रहरीले चाडपर्वलाई लक्षित सप्तरीमा ११ बुँदे विशेष सुरक्षा योजनाका साथ काम गरिरहेको छ । जिल्लाका सार्वजनिक…

आश्विन शुक्लपक्षको बडा दशैँमा देशका विभिन्न देवीमन्दिर, शक्तिपीठ र कोटघरहरुमा आद्यशक्ति देवी दुर्गा भवानीको पूजाआजा गरिन्छ । सनातन संस्कृतिमा आदिमाता…

काठमाडौं। दशैँ मनाउन २१ लाख ५४ हजार २६ यात्रु काठमाडौं उपत्यकाबाट बाहिरिएका छन् । ट्राफिक प्रहरी महाशाखाका अनुसार सोमबार बेलुकासम्म…

–नारायण भण्डारी नेपाली समाजमा बडो उल्लासपूर्वक मनाइने महान् पर्व बडा दशैंको सातौं दिन आश्विनशुक्ल सप्तमी तिथिमा ज्ञानशक्ति स्वरुपा माता सरस्वतीकोे…

मितिः २०७५ असोज ३० गते मंगलबार बिहान ५ः०० राष्ट्रिय गान ५ः०२ योग दर्शन प्रस्तोताः डा. चिन्तामणि गौतम ५ः१५ मालश्री धुन…

कान्ति न्यौपाने काठमाडौं । विगतमा विभिन्न राजाले बिशेष कार्यक्रममा पहिरिने गरेको श्रीपेज अब खम्बाले लगाएको छ । राजहाँसको प्वाख र…