श्रीकृष्ण श्रेष्ठको चौथो वार्षिकीमा पत्नी श्वेताले लेखिन्–किन आउँछ आजको यो दिन ?

मनोरञ्जन डेस्क

काठमाडौं । नेपाली चलचित्रका लोकप्रिय नायक श्रीकृष्ण श्रेष्ठको निधन भएको चार वर्ष पूरा भएको छ । श्रेष्ठको २०७१ साउन २४ गते भारतको नयाँ दिल्लीस्थित गंगाराम अस्पतालमा उपचारका क्रममा निधन भएको थियो । उनको चौथो वार्षिकीमा उनकी पत्नी तथा अभिनेत्री श्वेता खड्काले निकै भावुक शैलीमा स्मरण गरेकी छिन् ।

आफूद्धारा निर्मित तथा अभिनित पछिल्लो फिल्म कान्छीको प्रदर्शनका क्रममा हाल अमेरिकामा रहेकी श्वेता खड्काले पति श्रीकृष्ण श्रेष्ठको चौथो वार्षिकीको सन्दर्भमा निकै भावुक शैलीमा स्मरण गरेकी छिन् । सामाजिक सञ्जाल फेसबुकमा एउटा कविता पोष्ट गर्दै उनले लेखेकी छिन्–

सम्झँदा’नी मुटु बिझ्छ,आजको यो दिन
परेली यो उसै भिज्छ, आजको यो दिन
तिलहरीसंगै सारा, खुशी चुँडिएथ्यो
बियोगको बेदनामा मुटु कुँडिएथ्यो
मैले पुज्ने देउताबाट,हाँसो लुटिएथ्यो
जिन्दगीको एउटा साथ,आजै छुट्टिएथ्यो
मेरो कालो आतित बोल्छ ,आजको यो दिन
भतभत्ती मुटु पोल्छ, आजको यो दिन

रोदनमा बिते मेरा ,कैयौ पलहरु
छट्पट्टिमा बिते मेरा, सयाैँ पलहरु
लाखौं चोट मुटुभित्र,पालेकी छु मैले
तर पनि आशाको दीप, बालेकी छु मैले
दिक्कलाग्दो गीत गाउँछ ,आजको यो दिन
घुमिफिरी किन आउँछ ,आजको यो दिन ?

कवितासँगै श्वेताले श्रीकृष्णमा समर्पित श्रद्दान्जलीकालागि थप केही कुराहरु पनि लेखेकी छिन् । उनी लेख्छिन्–

चार बर्षको बियोगले शिथिल बनेको यो आत्माबाट पिडाको शब्दबाहेक खुशीका शब्दहरु प्रस्फुटित हुन सकेनन् । हजुरमा समर्पित यिनै शब्दहरु मार्फत श्रद्दान्जली अर्पण गर्न चाहन्छु । क्षितिज पारिबाटनै मलाई हेरिराख्नु र मभित्र आँट, साहस र उत्साह प्रदान गरिरहनु है !

निमोनियासँगै फोक्सोमा पानी जमेपछि उपचारकालागि नयाँ दिल्ली लगिएका श्रेष्ठको उपचारकै क्रममा निधन भएको थियो । २०४५ सालमा ‘भूमरी’ चलचित्रबाट नेपाली चलचित्र क्षेत्रमा प्रवेश गरेका श्रेष्ठले नाता फिल्मबाट पूर्ण नायकको भूमिका निर्वाह गर्न थालेका थिए । श्रेष्ठले अभिनय गरेका ‘आफन्त’ ‘आफ्नो मान्छे’ ‘हामी तीनभाइ’ ‘दुखसुख’ ‘कहाँ भेटिएला’ ‘कोहिनूर’ लगायत दर्जनौं चर्चित फिल्म रहेका छन् ।

नेपाली चलचित्र क्षेत्रकै शालीन र प्रतिभाशाली अभिनेताका रुपमा लोकप्रिय रहेका श्रीकृष्णको अन्तिम अन्त्येष्टिमा उनका प्रशंसक र फिल्मकर्मीसहितको मानव सागर ओर्लिएको थियो ।

Janata Tv

प्रतिक्रिया दिनुहोस्
विशेष

विद्यानन्द राम राजविराज । प्रहरीले चाडपर्वलाई लक्षित सप्तरीमा ११ बुँदे विशेष सुरक्षा योजनाका साथ काम गरिरहेको छ । जिल्लाका सार्वजनिक…

आश्विन शुक्लपक्षको बडा दशैँमा देशका विभिन्न देवीमन्दिर, शक्तिपीठ र कोटघरहरुमा आद्यशक्ति देवी दुर्गा भवानीको पूजाआजा गरिन्छ । सनातन संस्कृतिमा आदिमाता…

काठमाडौं। दशैँ मनाउन २१ लाख ५४ हजार २६ यात्रु काठमाडौं उपत्यकाबाट बाहिरिएका छन् । ट्राफिक प्रहरी महाशाखाका अनुसार सोमबार बेलुकासम्म…

–नारायण भण्डारी नेपाली समाजमा बडो उल्लासपूर्वक मनाइने महान् पर्व बडा दशैंको सातौं दिन आश्विनशुक्ल सप्तमी तिथिमा ज्ञानशक्ति स्वरुपा माता सरस्वतीकोे…

मितिः २०७५ असोज ३० गते मंगलबार बिहान ५ः०० राष्ट्रिय गान ५ः०२ योग दर्शन प्रस्तोताः डा. चिन्तामणि गौतम ५ः१५ मालश्री धुन…

कान्ति न्यौपाने काठमाडौं । विगतमा विभिन्न राजाले बिशेष कार्यक्रममा पहिरिने गरेको श्रीपेज अब खम्बाले लगाएको छ । राजहाँसको प्वाख र…