दशैँ आयो

नेपाली समाजमा मनाइने महान् पर्वमध्ये शारदीय नवरात्र बडा दशैँं शुरु भएको छ । आश्विन शुक्लपक्षको प्रतिपदादेखि कोजाग्रत पूर्णिमासम्म पूरै एक पक्षभर मनाइने यस पर्वको प्रथम दिनमा घटस्थाना गरी आद्यशक्ति भगवती दुर्गाभवानीको आराधना थालिन्छ ।

प्रथमं शैलपुत्री च द्वितीयं ब्रह्मचारिणी
तृतीयं चन्द्रघण्टेति कूष्माण्डेति चतुर्थकम्
पञ्चमं स्कन्दमातेति षष्ठं कात्यायनीति च
सप्तम् कालारात्रिति महागौरीति चाष्टमम्
नवम् सिद्धिदातृ च नवदुर्गाः प्रकीर्तिताः ।।

-नारायण भण्डारी

अथवा,शैलपुत्री,ब्रह्मचारिणी,चन्द्रघण्टा,कुष्माण्डा,स्कन्दमाता,कात्यायनी,महासरस्वती,महाकाली, महागौरी र सिद्धिदात्री गरी दिनहुँ नवदुर्गाको पूजा गरिने हुँदा नौ दिनको अवधिलाई नवदुर्गा नवरथा,तथा नवरात्र भन्ने गरिन्छ । र दशौं दिन देवी सिद्धदात्री,विजया वा अपराजिताको पूजा गरी देवीपूजन विसर्जन गर्नुका साथै घटस्थापनाको जल अभिषेक गरी देवीको प्रसादस्वरुप टीका र जमरा लगाउने गरिन्छ ।

शारदीय पर्व आश्विनशुक्ल पक्षका १५ दिनसम्म मनाइने नेपालीहरुको सबैभन्दा ठूलो पर्व हो । मिठो खाने राम्रो लगाउने र आपसमा शुभकामना बाँडेर खुशी हुने यस पर्वमा देवीमन्दिर तथा दशैँंघरमा दुर्गा भवानीकापूजा र शक्तिको साधना,जौको जमरा, पिङको आनन्द,अक्षताको टीका मुख्य आकर्षण हुन् ।

अधिकाधिक देशवासीले मनाउने पर्व दशैँंका अवसरमा राज्य तथा राज्यमा सञ्चालित संस्थाका सारा कर्मचारीलाई दशैँपर्वको बोनसभत्ता दिने,देशभरका प्रमुख देवीमन्दिरमा राष्ट्रिय पूजा गर्न रकम पठाउने, राज्यले सबैभन्दा लामो पर्व बिदा दिने ,दशैँं मनाउन बहुसंख्यक नेपाली आफ्नो मूलथलो वा गाउँघर जाने र मातापिता आफन्तजन भटेर आशीर्वाद लिन ठूलो संख्यामा मानिस घर फर्कन्छन् ।

दशैँं पर्व राम्रो लगाउने र मीठो खाने चाड भएकाले सर्वसाधारणले आफ्नो कमाइको ठूलै अंश खाद्यपदार्थ, नयाँ लुगा,गरगहना किन्नमा खर्चन्छन् । यसले गर्दा बजारमा विशेष चहलपहल हुन्छ । दशैँका बेला शहरहरु सुनसान हुन्छन् भने गाउँघरमा हर्षोल्लास छाएको हुन्छ । मुलुकमा मात्र होइन, विश्वभर रहेका नेपालीमाझ यस पर्वको हर्षलहर चल्ने हुँदा यो पर्व नेपाली जातिको राष्ट्रिय पर्वका रुपमा रहेको पाइन्छ ।

Janata Tv

प्रतिक्रिया दिनुहोस्
विशेष

मितिः २०७५ कात्तिक ३ गते शनिबार बिहान ५ः०० राष्ट्रिय गान ५ः०२ योग दर्शन प्रस्तोताः डा.चिन्तामणि गौतम ५ः२५ मालश्री धुन ५ः३०…

काठमाडौं ।  प्रधानमन्त्री केपी ओलीले दशैंको टीका बुबाको हातबाट लगाउनु भएको छ । प्रधानमन्त्री ओलीले बिहान नौ बजेर ५१ मिनेटको…

काठमाडौं । राष्ट्रपति विद्यादेवी भण्डारीले मूलसाइतको टीका मूल पुजारी देवराज अर्याल र पुरोहित हेमचन्द्र ढकालबाट ग्रहण गर्नुभएको छ ।  राष्ट्रपतिले…

चितवन । इच्छाकामना गाउँपालिका–६ जलवीरेस्थित नारायणगण मुग्लिन सडकखण्डमा आज बिहान बस दुर्घटना हुँदा तीन जनाको घटनास्थलमै मृत्यु भएको छ भने…

काठमाडौं । आज आश्विन शुक्ल दशमी अर्थात् नेपालीहरुको महान् चाड विजयादशमी देशभर हर्षोल्लासपूर्वक मनाइँदैछ । दशैँघरमा प्रतिपदाको दिनदेखि गरिएको पूजाआराधना…

काठमाडौं । प्रधानमन्त्री केपी ओलीले राष्ट्र निर्माणको ऐतिहासिक अवसरमा सत्तापक्ष र प्रतिपक्षमा विभाजित नभइ देश विकासको महाअभियानमा सहभागी हुन सबैलाई…