पीपीएल उपाधि पोखरालाई, चितवन ३ विकेटले पराजित

लक्ष्मण शर्मा
कास्की । घरेलु क्रिकेटमा सर्वाधिक पुरस्कार राशी भएको पोखरा प्रिमियर लिग पीपीएल क्रिकेटको उपाधि पोखरा पल्टनले हात पारेको छ ।

फाइनलमा चितवन राइनोजलाई ३ विकेटले पराजित गर्दै पोखरा पल्टनले उपाधि हात पारेको हो । घरेलु टोली पोखरालाई जीत दिलाउने क्रममा भारतीय खेलाडी रविन्द्रसिंह नायक बने । सिंहले ५८ बलमा १३ चौका र ३ छक्काको मद्धथले ९० रन बनाए । जितका लागि १ सय ६१ रनको लक्ष्य लिएर मैदानमा उत्रेको पोखराले अन्तिम समयमा गएर केही लय बिगारेको थियो ।

पोखराका लागि कुशल भुर्तेलले ४, आसिफ सेख १२, मोहम्मद नाभी २५, शरद भेषावकर २२ रनमा आउट भए । बिनोद भण्डारी ५ रनमा नटआउट रहे । चितवनका लागि भुवन कार्कीले २, करन केसी, पारस खडका र सन्नी पटेलले समान एक एक विकेट लिए । यसअघि पोखरा रंगशालामा टस हारेर पहिले ब्याटिङ गरेको चितवनले पुरै २० ओभर खेल्दै ५ विकेट गुमाएर १६० रन जोड्न सक्यो ।

चितवनका लागि कप्तान पारस खड्काले अर्धशतकीय पारी खेले । कप्तान पारसले ३७ बलमा ९ चौकासहित ५१ रन जोडे । रन आउट हुनुअघि पारसले दोस्रो विकेटका लागि अनिल कुमार साहसंग ७६ रनको साझेदारी गरे । अनिल ३७ रनमा आउट भए । सन्नी पटेलले ४३ रन जोड्दा आरिफ शेखले १४ रन बनाए । पोखराका लागि कृष्ण कार्कीले २ विकेट लिदा मोहमद नाभिद र ललित नारायण राजवंशीले १–१ विकेट लिए ।

विजेता पोखराले २७ लाख प्राप्त गर्नेछ भने उपविजेता चितवनले १० लाखमा चित्त बुझाउनेछ ।प्रतियोगिताको म्यान अफ द सिरिज, उत्कृष्ट ब्याट्सम्यान र उत्कृष्ट बलरहरुले सुजुकी जिक्सर १ सय ५५ सीसी मोटरसाइकल प्राप्त गर्ने छन । कात्तिक ९ गतेबाट शुरु भएको प्रतियोगितामा ६ फ्रेन्चचाइज टिमको सहभागिता रहेको थियो ।

Janata Tv

प्रतिक्रिया दिनुहोस्
विशेष

शब्द/तस्बिरः पुष्पराज अधिकारी हेटौंडा । ८ वर्ष अघिसम्म हेटौंडा उपमहानगरपालिका ९ स्थित कुखुरेनी खोलाको सामान्य बगर थियो यो भूगोल ।…

दोलखा । पूर्वप्रधानमन्त्री तथा नेपाल कम्युनिष्ट पार्टी अध्यक्ष पुष्पकमल दाहाल ‘प्रचण्ड’ले सरकारले जनअनुसार काम गरिरहेको बताउनुभएको छ । ‘प्रकाश स्मृति…

कम्बोडिया । कम्बोडियाका दुई वरिष्ठ माओवादी नेतालाई आमनरसंहारको आरोपमा आजीवन काराबास सजाय सुनाइएको छ । कम्बोडियामा सन् १९७५ देखि १९७९…

नेपाली समाजमा प्रचलित उखान मध्ये एकः ‘पैसा देखेपछि महादेवका पनि तीन नेत्र ।’ यो उखानले वास्तविक समाजको यथार्थ चित्रण गरेको…

कुत्सित र पूर्वाग्रहले भरिएका हल्ला र प्रचारबाजीबाट कति पनि प्रभावित भएको छैन । बरु आफनो इमान, नैतिक मूल्यमान्यता, निष्ठा र…

धमाकेदार ट्रेलर र फितलो कथाबस्तुको फिल्म कस्तो बन्ला ? नेपाल कम्युनिष्ट पार्टी (नेकपा)को सरकार अहिले त्यस्तै भयो भन्दा हतार भयो…