कुकुरबारे रोचक उखानहरु

काठमाडौं । आज कुकुर तिहार । यमपञ्चक वा तिहारको दोस्रो दिन आज कुकुरतिहार मनाइन्छ । कात्तिक कृष्ण चतुर्दशीको यस दिनलाई नरक चतुर्दशी पनि भनिन्छ । यसदिन एकाबिहानै जलाशयमा स्नान गरी सालको पातको टपरीमा दियो बालेर पूजा गरी जलमा बगाइन्छ यसो गर्नाले घनघोर मृत्युको अन्धकारबाट जीवात्माले मुक्ति पाउँछ भन्ने विश्वास छ । दिवंगत आत्माको मुक्तिको कामना गरी बिहान तारा नअस्ताउँदै नदी तथा जलाशयमा दीपप्रवाह गर्ने चलन छ । लौ पढौं कुकुरसँग सम्बन्धित उखानहरु ।

  • भुक्ने कुुकुर भुकिरहन्छ, टोक्ने कुकुर सुतिरहन्छ ।
  • कुकुरले खुट्टा टोक्यो भन्दैमा कुकुरको खुट्टा नटोक्नु ।
  • अगुल्टोले हानेको कुकुर बिजुली चम्किदा तर्सिन्छ ।
  • कुकुरलाई घिउ पच्दैन ।
  • भुईमा न भाँडा कुकुरलाई टाँडा ।
  • कुकुरजस्तो कति भतुवा लाग्न गको ।
  • कुकुरको पुच्छर बाह्र वर्ष ढुंग्रोमा राखेपनि बाङ्गाको बाङ्गै ।
  • कुकुरजस्तै बफादार हुनु ।
  • भुक्ने कुकुरले टोक्दैन ।
  • बोकेको कुकुरले मृग मार्दैन ।
  • कुकुरजस्तो कति लखरलखर हिंडछस् ए ।
  • कस्तो कुकुरको जस्तो निद्रा ।
  • कति मिलिक मिलिक ग¥या कुकुर जस्तो ।
  • द्वारे लाग्यो बोलाउन कुकुर पुच्छर डोलाउन ।
  • भुक्ने कुकुरभन्दा नभुक्नेदेखि डराउनु ।
  • नबोलाईकन त कुकुर पनि जाँदैन ।
  • भोटे कुकुर भुक्ला घरमा कुरा पुग्ला ।
  • काम छोडी कैफेद कुकुरलाई नैवेद ।
  • लात्तीले हानेको कुकुर बैठक माथि
  • कुकुरलाई मासु पैंचो
  • कुकुरको पनि दिन आउँछ
  • कुकुर काटी बिरालो पोस्ने
  • कुकुर कि टाँडमा बस्छ, कि डाँडमा बस्छ
  • कुकुर कुटी पाहुना, तर्साउनु
  • कुकुर कुटी वर, ज्वाईं कुटी पर
  • कुकुरको काम पनि छैन, फुर्सद पनि छैन
  • कुकुरको घरमा मासुको जिलो खोजेर कहाँ पाइएला
  • कुकुरको जुठो खानु, छोराको नखानु
  • कुकुरको निउँ पारी चम्चेको दाउ
  • कुकुरको पनि आफ्नो घरमा ठूलो स्वर
  • कुकुरको पुच्छर बाँगो देख्दा पनि हाँस्ने
  • कुकुरको भाउ छ, मानिसको भाउ छैन
  • कुकुर खाने बाघले मान्छे पनि खान्छ
  • कुकुर जस्तो गुनी र ज्वाईं जस्तो वैगुनी कोही हुँदैन
  • कुकुर जहाँ खान पाउँछ, त्यहीँ भतुवा लाग्छ
  • कुकुर तर्संदा नडराउनु, भैंसी तर्संदा डराउनु
  • कुकुर बिरालोले जोगाएको सम्पत्ति, इष्टले जोगाएको धन
  • कुकुर बिरालोजस्तै लगारालगार
  • कुकुर भन्छ जहान बढुन्, विरालो भन्छ सबै मरुन्
  • कुकुर पनि हरायो, घाँडो पनि हरायो
  • कुकुर पाली, आफैं भुक्ने
  • कुकुर बिरालाको जात हतपत मर्दैन
  • कुकुर भुके हजार हात्ती चले बजार
  • कुकुर भुक्दै गर्छ, हात्ती लम्कँदै गर्छ
  • कुकुर भुक्यो राती, जंगल भाग्यो हात्ती
  • कुकुरलाई घीउ नपचेको
  • कुकुरलाई जिस्क्याए टोक्छ, मूर्खलाई जिस्क्याए ठोक्छ
  • कुकुरलाई जूठो भातले र बुढाबुढीलाई रोगव्याधाले कहिल्यै छोड्दैन
  • कुकुरलाई पनि च्यै नभनी आउँदैन
  • कुकुरलाई पराल, गाईलाई मासु
  • कुकुरलाई बेथा लाग्दा बाख्रो नमन्छनु
  • कुकुरलाई मासुभात खान दिए पनि गुहु खान छोड्दैन
  • कुकुरलाई मासु पैंचो
  • कुकुरलाई लागेको जाडो र पाहुनालाई लागेको भोकको कसले वास्ता गर्छ
  • कुकुरलाई सुनकै थालमा भात खान दिए पनि त्यसलाई घोप्ट्याएर भुइँमै खान्छ
  • कुकुरलाई हानेको तीर ढुकुरलाई गएर लाग्यो
  • कुकुरले आगो ल्याओस् न फुकोस्
  • कुकुरले आफ्नो मालिकलाई जिन्दगीभर पर्खिरहन्छ
  • कुकुरले कपास छरोस् न धोती लाओस्
  • कुकुरले टोके पनि खराव, चाटे पनि खराव
  • कुकुरले दाइँ हुने भए गोरु केलाई चाहियो ?
  • कुकुरले एकपटक हिँडेको बाटो कहिल्यै भुल्दैन
  • कुकुरले हाड छोडेझैं छोड्ने
  • कुकुर सानो भए पनि ठूलो भए पनि बेहोरा उस्तै ।
  • विना चालले कुकुर भुक्दैन, मुलाको ड्याङमा हात्ती लुक्दैन ।
  • कुकुरको घरमा विरालो पाहुना ।

Janata Tv

प्रतिक्रिया दिनुहोस्
विशेष

शब्द/तस्बिरः पुष्पराज अधिकारी हेटौंडा । ८ वर्ष अघिसम्म हेटौंडा उपमहानगरपालिका ९ स्थित कुखुरेनी खोलाको सामान्य बगर थियो यो भूगोल ।…

दोलखा । पूर्वप्रधानमन्त्री तथा नेपाल कम्युनिष्ट पार्टी अध्यक्ष पुष्पकमल दाहाल ‘प्रचण्ड’ले सरकारले जनअनुसार काम गरिरहेको बताउनुभएको छ । ‘प्रकाश स्मृति…

कम्बोडिया । कम्बोडियाका दुई वरिष्ठ माओवादी नेतालाई आमनरसंहारको आरोपमा आजीवन काराबास सजाय सुनाइएको छ । कम्बोडियामा सन् १९७५ देखि १९७९…

नेपाली समाजमा प्रचलित उखान मध्ये एकः ‘पैसा देखेपछि महादेवका पनि तीन नेत्र ।’ यो उखानले वास्तविक समाजको यथार्थ चित्रण गरेको…

कुत्सित र पूर्वाग्रहले भरिएका हल्ला र प्रचारबाजीबाट कति पनि प्रभावित भएको छैन । बरु आफनो इमान, नैतिक मूल्यमान्यता, निष्ठा र…

धमाकेदार ट्रेलर र फितलो कथाबस्तुको फिल्म कस्तो बन्ला ? नेपाल कम्युनिष्ट पार्टी (नेकपा)को सरकार अहिले त्यस्तै भयो भन्दा हतार भयो…