एकलाख राशीको बिजुलीमाया वनः श्रेष्ठ राष्ट्रिय संगीत पुरस्कारबाट चेतन कार्की सम्मानित

पुष्पराज अधिकारी
हेटौंडा । एकलाख रुपैँया राशीको बिजुलीमाया वनः श्रेष्ठ राष्ट्रिय संगीत पुरस्कारबाट भाषा, संगीत, साहित्य कला एंव सस्कृतिविद चेतन कार्कीलाई सम्मान गरिएको छ ।

भीम विराग संगीत साहित्य कला प्रतिष्ठान नेपालले सोमबार हेटौँडामा कार्कीलाई सम्मान गरेको हो । कार्यक्रममा २० हजार राशीको विजय बानियाँ स्मृति लोक संगीत पुरस्कार लोक गायिका कोमल वलीलाई प्रदान गरिएको छ ।

प्रतिष्ठानले १० हजार राशीको तुलसीमाया शिवकुमारी सृजनशील नारी पुरस्कार मकवानपुरकी साहित्यकार अनिता न्यौपाने, ७ हजार ५ सय राशीको भीम मथुरा बाल प्रतिभा पुरस्कारबाट हेटौडाका चिराग डंगोल, १५ हजार नगद राशीको शीला नारी संगीत पुरस्कारबाट हेटौंडाकी गायिका विद्या तिवारीलाई सम्मान गरिएको छ । यसैगरी २५ हजार राशीको हर्षनर बज्राचार्य स्मृति पुरस्कारबाट नाट्यकर्मी कुमार शाहलाई सम्मान गरिएको छ ।

मकवानपुरे साहित्यकार निमेष निखिललाई ११ हजार १ सय ११ रुपैंया राशीको चिनु कुमारी लामा स्मृति साहित्य पुरस्कार र स्वास्थ्य क्षेत्रमा लामो समय स्वंयमसेवीको कार्य गर्नुभएकी चम्पा कोजुलाई प्रतिष्ठानले १० हजार राशीको मङ्गलादेवी श्रेष्ठ स्मृति स्वास्थ्य पुरस्कारबाट सम्मान गरेको छ । गायक, संगीतकार तथा गीतकार जगत मर्दन थापाले सम्मान गरेका थिए ।

कार्यक्रममा प्रतिष्ठानका निवर्तमान अध्यक्ष तुलसी थापा, साहित्यकार प्रकाश सायमी लगायतले मन्तव्य व्यक्त गरेका थिए । वरिष्ठ संगीत साधक, कवि एवं गीतकार भीम विराग जन्मजयन्तीको अवसरमा प्रतिष्ठानले विभिन्न क्षेत्रका व्यक्तित्वहरुलाई सम्मान गर्दै आइरहेको प्रतिष्ठानका अध्यक्ष उज्वल शर्मा भण्डारीले बताए ।

प्रतिष्ठानले हालसम्म विजुलीमा वन ः श्रेष्ठ राष्ट्रिय संगीत पुरस्कारबाट अम्बर गुरुङ(२०६४), प्रेमध्वज प्रधान(२०६५), भक्तराज आचार्य(२०६६), फत्तेमान राजभण्डारी(२०६७), शान्ति ठटाल(२०६८), प्रकाश श्रेष्ठ(२०६९), दीप श्रेष्ठ(२०७०), न्हुच्छे बहादुर डंगोल(२०७१), मीरा राणा(२०७२) र कर्म योन्जन(२०७३) लाई प्रदान गरिसकेको छ ।

Janata Tv

प्रतिक्रिया दिनुहोस्
विशेष

बिहान ५ः०० स्टेशन आइडी–राष्ट्रिय गान ५ः०२ योग दर्शन ५ः३० तीर्थ पर्यटन ५ः५५ विज्ञापन–प्रोमो ६ः०० जनता समाचार ६ः३० दर्शन दिग्दर्शन ६ः५५…

मेषः घर बाहिर दिन बित्नेछ, भ्रातृसुख रहनेछ । वृषः पाहुना बढ्नेछन्, भोजन सुख मिल्नेछ । मिथुनः प्रशन्नता बढ्नेछ, आफन्त भेटघाट…

जोसेफ शाही काठमाडौं । भाषा हाम्रो पहिचानसँग जोडिएको विषय हो । दुनियाँकै सबैभन्दा धनी भाषा मानिने संस्कृत भाषाको जगमा विकास…

अहिले बलात्कार गरेका आरोपीसमेत मेरो काँधमा फलानो नेताको हात छ र कुन कानुनले मेरो के बिगार्न सक्छ भनेर धाक लगाएर…

काठमाडौं । चालु आर्थिक वर्षको ५ महिनामा मुलुकको व्यापार घाटा करिब ६ खर्ब रुपैयाँ पुगेको छ । गतवर्षको यही अवधिमा…

काठमाडौं । प्रतिनिधिसभाको शुक्रबारको बैठकमा प्रधानमन्त्री केपी ओलीले सांसदहरुले उठाएका प्रश्नको जवाफ दिनुभएको छ । बैठकमा सांसदहरुले राखेको जिज्ञासाप्रति उत्तर…