प्रधानमन्त्रीको सामु प्रचण्डले मागे प्रधानन्यायाधीशको राजीनामा

फेरि ६ न्यायाधीशले इजलाश बहिष्कार गरे, वकिल भने, राजीनामा नै उत्तम विकल्प

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री के.पी ओलीकै सामु प्रधानन्यायाधीश गोपालप्रसाद पराजुलीको राजीनामा माग्नु भएको छ ।

प्रधानमन्त्री निवासमा मंगलबार भएको त्रिपक्षीय छलफलमा प्रधानन्याधीशको राजीनामा मागिएको हो । प्रधानन्यायाधीश पराजुली एकपछि अर्को विवादमा फस्ने क्रम बढ्दाे छ । जन्ममिति र शैक्षिक प्रमाणपत्र विवादको झमेला खेपिरहेका प्रधानन्याधीश पराजुलीलाई सोमबारदेखि अर्को विवाद आइलागेको छ ।

सर्वोच्च अदालतका न्यायधीश चोलेन्द्रशम्शेर राणाले प्रधानन्याधीशको गत साउनै अवकाश भइसकेको जनाउँदै सोमबार इजलाश बहिष्कार गरेपछि पराजुलीलाई अर्को झमेला थपिएको हो ।

इजलाश बहिष्कार प्रकरणपछि प्रधानमन्त्री ओली र अध्यक्ष दाहालले पराजुलीलाई छलफलको लागि बाेलाउनु भएको हो । छलफलमा अध्यक्ष दाहालले समस्या समाधानका लागि राजीनामा दिएर मार्गप्रशस्त गर्न पराजुलीलाई सुझाव दिएको वालुवाटार स्रोतले बताएको छ ।

स्रोतका अनुसार छलफलमा अध्यक्ष दाहालले इजलाश बहिष्कार बिषय गम्भीर भएको उल्लेख गर्दै प्रधानमन्त्रीलार्इ ‘यसमा केही त गर्नु पर्यो’ भन्नु भएको थियो । तर प्रधानन्यायाधीश पराजुलीले भने न्यायाधीश चोलेन्द्रले बेञ्च बहिस्कार गरेको घटनालाई केही वकिलले अनावश्क रुपमा ‘ठूलो घटना’ बनाएको उल्लेख गर्नुभएको थियो ।

प्रधानमन्त्री ओलीले भने छिमेकीको हिसाबले ‘यसो चिया खान बोलाएको’ मात्र भन्नु भएको थियो । प्रधानमन्त्री निवास र प्रधानन्यायाधीश निवास बालुवाटारमासँगसँगै छ ।

प्रधानन्यायाधीश विभिन्न विवादमा पर्न थालेपछि वकिलहरुले राजीनामा दिएर जिम्मेवारीबाट बाहिरिन सुझाव दिएका छन् । अधिवक्ता भीमार्जुन आचार्यले प्रधानन्यायधीशले राजीनामा नै उत्तम विकल्प हुने बताउनु भएको छ । अधिवक्ता आचार्यले सामाजिक संजालमा पछिल्लो समय न्यायालय र मिडियाबीच बढी रहेको विवादको दुरी कम गर्नुपर्ने उल्लेख गर्नु भएको छ ।

‘हिजो सारा राजनीतिक भागवण्डामा नियुक्तिहरू गरिए । आज ट्रेड यूनियनका कर्मचारी र अदालतका न्यायाधीशहरु बीच भिन्नता छुट्याउन गाह्रो हुने अबस्था आयो। फेरि पनि अघि बढ्नुको विकल्प छैन। सम्यम होऔ र न्यायालय मिडिया जस्ता डेमोक्रेटिक इन्स्टिच्युसनहरू लाई जोगाउ।’ उहाँले उल्लेख गर्नु भएको छ ।

सर्वोच्च अदालगमा न्यायाधीशहरुले इजलाश बहिष्कार गर्ने क्रम जारी छ । मंगलबार ६ न्यायाधीशले इजलास बहिष्कार गर्नु भएको छ।

न्यायाधीशहरु हरिकृष्ण कार्की, सपना मल्ल प्रधान, विश्वम्भरप्रसाद श्रेष्ठ, अनिलकुमार सिन्हा, ईश्वरप्रसाद खतिवडा र आनन्दमोहन भट्टराईले इजलास बस्न अस्वीकार गर्नु भएको हो । कार्की र मल्लको इजलास ८, श्रेष्ठ र सिन्हाको ९ र खतिवडा र भट्टराईको इजलास नम्बर १० छ ।

सर्वोच्च प्रशासनले इजलास ८ र ९ को बेञ्च नबसेको जानकारी दिएको छ ।

Janata Tv

प्रतिक्रिया दिनुहोस्
विशेष

काठमाडौं । आर्थिक वर्षका लागि १ करोड १३ लाख रुपैयाँ भ्रमण खर्च विनियोजन गरेको प्रधानमन्त्री कार्यालयले चार महिनामै ७२ लाख…

जनता टेलिभिजनमा आज प्रसारण हुने कार्यक्रम तालिका यस्तो छः Janata Television Live Youtube Streaming

मेष राशिः गरेका काम असफल होलान् । शोक तथा चिन्ता पर्ला । वृष राशिः परिवारमा विवाद पर्ला । स्वास्थ्यसम्बन्धी समस्याले…

लक्ष्मी काफ्ले झापा । राजनीतिक दलका नेताकै योजनामा भारतीय बालकको अपहरण भएको खुलेको छ । भारत बिहार सुपौलका मोहम्मद सद्दामका…

विद्यानन्द राम राजविराज । तराईमा सशस्त्र संघर्षरत जनतान्त्रिक तराई मुक्ति मोर्चा (क्रान्तिकारी ) अविनाश समूहका संयोजकलगायत केन्द्रीय सदस्यले बुधबार सरकारसमक्ष…

कोरिया । टेलिभिजन समाचार पढिरहेको सयममा यहाँका एकजना समाचारबाचकले धेरैलाई चकित पारेका छन् । एक साता अघि कोरियन टेलिभिजन च्यानल…