कार्यालय सार्ने बिषयमा मेयर र उपमेयर बीच चर्काचर्की

प्रमोदकुमार साह

धनुषा । हंसपुर नगरपालिकामा मेयर र उपमेयर बीच आ–आफ्नो अधिकारका बिषयमा घम्सा घम्सी भएको छ ।

नगरपालिकाको कार्यालय सार्ने विषयमा मेयरले सबै अधिकार आफनो रहेको बताएपछि उपमेयरले कार्यालयमा तालावन्दीको चेतावनी दिएपछि मेयर र उपमेयरको छताछुल्ल भएको हो ।

हंसपुर नगरपालिकाको कार्यालय बघचौडा टोलमा मेयर रामज्ञान मण्डलले कार्यपालिकाको दुइतिहाई बहुमत आफ्नो पक्षमा रहेको भन्दै नगरपालिकाको कार्यालयलाई बघचौडा टोलबाट निकाल टोलमा सार्ने प्रयास गरेपछि नगरपालिकाको कार्यालयमा झडप भएको छ ।

उपमेयर रेणु झाका अनुसार मेयरले कुनै पनि निर्णय गर्दा आफु खुसी गर्दै आएको र कुनै पनि बैठकको जानकारी समेत आपूलाई नदिएको भन्दै आपत्ती जनाएपछि मेयर र उपमेयर बीच हातहालाहाल भएको हो । कार्यालय सार्ने विषयमा कसैलाई जानकारी नदिएको भन्दै स्थानियले नगरपालिकाको कार्यालयमा तालावन्दी गरेका छन् ।

कार्यालय सार्ने विषयलाई लिएर मंगलवार नगरपालिकाको कार्यालयमा बसेको वैठकमा उपमेयर झाले मेयरले आफू अनुकुल एकलौटी निर्णय आएको आरोप लगाइन् । उनले भनिन, ‘मेयर मण्डलले गोप्यरुपमा कार्यपालिका दुइतिहाई बहुमत वनाएर कार्यालय सार्ने प्रपंच गरेका छन् ।’ मेयरले आफू अनुकुलका वार्ड सदस्यहरुसँग हस्ताक्षर गराएर कार्यालय सार्ने विवाद तानेको आरोप उपमेयर झाले लगाइन ।

नगर परिषदमा साढे तीनलाख खर्च गर्ने बजेट पास गरिए पनि पाँच लाख खर्च भएको थियो डेढलाख कुन स्रोतबाट जुटाएर चुक्ता गरिएको हो मेयरले नखुलाएको उपमेयर झाले बताइन् । उनले परिषदमा प्रस्ताव गरिएको योजनालाई हटाएर नक्कली बैठक पुस्तिकामा निर्णय गरी कार्यपालिकामा प्रस्तुत गर्दा विवाद भएर योजना स्विकृत हुन नसकेको उपमेयर झाको आरोप छ ।

यता मेयर रामज्ञान मण्डलले कार्यपालिकाको १८ जना सदस्य मध्ये ९ सदस्य कार्यालय सार्ने पक्षमा रहेको बताए । मेयरका अनुसार स्थानिय सरकार सञ्चालन ऐन अनुसार एकतिहाई बहुमत पुगेमा कुनै पनि निर्णय गर्न सकने अधिकार रहेको बताए । उनले जनताको सुविधा अुनसार कार्यालय स्थापना गर्न सकिने मेयर मण्डलले बताए ।

बिवाद पछि नगरपालिकाका वार्ड अध्यक्षहरु दुई खेमामा विभाजित कराउन थालेपछि दुई पक्षका बीचमा हात हालाहाल भएको थियो । स्थिती तनावग्रस्त भएपछि मेयर मण्डल प्रहरी सुरक्षाका बीचमा नगरपालिकाको कार्यालयबाट बाहिरिएका थिए । नगरपालिकाको मेयर उपमेयर दुवै राष्ट्रिय जनता पार्टी नेपालका हुन् ।

Janata Tv

प्रतिक्रिया दिनुहोस्
विशेष

काठमाडौं । आर्थिक वर्षका लागि १ करोड १३ लाख रुपैयाँ भ्रमण खर्च विनियोजन गरेको प्रधानमन्त्री कार्यालयले चार महिनामै ७२ लाख…

जनता टेलिभिजनमा आज प्रसारण हुने कार्यक्रम तालिका यस्तो छः Janata Television Live Youtube Streaming

मेष राशिः गरेका काम असफल होलान् । शोक तथा चिन्ता पर्ला । वृष राशिः परिवारमा विवाद पर्ला । स्वास्थ्यसम्बन्धी समस्याले…

लक्ष्मी काफ्ले झापा । राजनीतिक दलका नेताकै योजनामा भारतीय बालकको अपहरण भएको खुलेको छ । भारत बिहार सुपौलका मोहम्मद सद्दामका…

विद्यानन्द राम राजविराज । तराईमा सशस्त्र संघर्षरत जनतान्त्रिक तराई मुक्ति मोर्चा (क्रान्तिकारी ) अविनाश समूहका संयोजकलगायत केन्द्रीय सदस्यले बुधबार सरकारसमक्ष…

कोरिया । टेलिभिजन समाचार पढिरहेको सयममा यहाँका एकजना समाचारबाचकले धेरैलाई चकित पारेका छन् । एक साता अघि कोरियन टेलिभिजन च्यानल…