वन मन्त्री बस्नेत भन्छन्– विकास निर्माणले प्राथमिकता पाएपछि बल्ल वन मन्त्रालयको महत्व बढ्यो

काठमाडौं । वन तथा वातावरण मन्त्री शक्तिबहादुर बस्नेतले विकास निर्माणले प्राथमिकता पाएपछि वन मनत्रलयको भूमिका बढ्दै गएको उल्लेख गर्नु भएको छ । मन्त्री बस्नेतले जनता टेलिभिजनको सन्दर्भ कार्यक्रममा भन्नु भएको छ –विश्व वातावरण दिवसको अवसर पारेर ३ वटा कार्यक्रम घोषणा गर्दैछौ ।

प्रदूषण नियन्त्रण, फोहर नियन्त्रण, फोहर व्यवस्थापन तथा सरसफाई कार्यक्रम र हरियाली प्रवर्दन, यी ३ वटै कार्यक्रमलाई एकीकृत गरेर, समायोजन गरेर हामीले नेपाल स्वच्छ वातावरण महाअभियान नाम दिएका छौ । त्यसलाई वार्षिक रुपमा संचालन गछौ । यो संचालनको क्रममा संघ, प्रदेश र स्थानीय तहसँग सहकार्य गर्ने योजना बनाएका छौ । वातावरणसंग सम्बन्धित अन्य विभिन्न संघ, संस्थासँग पनि सहकार्य गर्छौ ।

प्रकृतिले हामीलाई अनुपम उपहार दिएकै हो , हामीसँग, हिमाल छ, पहाड छ र तराई छ । अन्य मूलुकमा यस्तो विरलै पाइन्छ । प्रकृतिले साथ दिए पनि हामी त्यसको व्यवस्थापनमा चुकेका र्छौ । फोहर समस्या बारेमा कुरा नगरौ त्यसको समाधान बारे छलफल गरौं । काम कति भए, कति हुन बाँकी छ, त्यो सबै विस्तृत रुपमा हेर्नकै लागि पनि महाअभियान चाहिएको हो ।

सरकारको कामको समीक्षा गर्ने बेला भएको छैन । मुलुकलाई समृद्धिको दिशातर्फ अगाडि बढाउन पहिला प्रशासनिक पुर्नसंरचना तथा सुधारबाटै शुरु गर्नुपर्ने अवस्था थियो । सरकार बन्दा साथ प्रशासनिक सुधारमा लाग्यो । मुलुकलाई समृद्धिको दिशामा अगाडि बढाउने खालको नीति तथा कार्यक्रम ल्याएको छ । बजेट पनि त्यही आधारमा प्रस्तुत गरेको छ ।

हिजो सरकार ८ महिनाको लागि बन्थे, ९ महिनाको लागि बन्थे । कार्यक्रम ल्याउना साथ सरकार परिवर्तन हुन्थ्यो । तर अहिले अवस्था सरकारले विकासको ऐजेण्डालाई प्राथमिकताका साथ उठाएको छ । विकास गर्दा वातावरणको पनि कुरा आउँछ, हो, वन मन्त्रालयको भूमिका हुन्छ । संविधानले वातावरणलाई पनि मौलिक हकको रुपमा किटान गरेको छ । विकसित देशमा आज विकास प्राथमिकतामा छैनन्, त्यहाँ वातावरण प्राथमिकतामा छ ।

Janata Tv

प्रतिक्रिया दिनुहोस्
विशेष

बिहान ५ः०० स्टेशन आइडी–राष्ट्रिय गान ५ः०२ योग दर्शन ५ः३० तीर्थ पर्यटन ५ः५५ विज्ञापन–प्रोमो ६ः०० जनता समाचार ६ः३० दर्शन दिग्दर्शन ६ः५५…

मेषः वाणीको प्रभाव पर्नेछ, कुटुम्ब वृद्धि हुनेछ । वृषः जिम्मेवारी थपिनेछ । राम्रो अवसर आउनेछ । मिथुनः यात्रामा सास्ती हुनेछ…

सप्तरी । खडक नागरपालिका, बोदे बरसाइन सडक खण्डमा ड्युटीमा खटिएका प्रहरी हवल्दारलाई अज्ञात समूहले गोली प्रहार गरेको छ । प्रहरी…

सरस्वती तामाङ काठमाडौं । २०५५ सालदेखि मनाउन थालिएको भूकम्प सुरक्षा दिवस, यसपटक पनि देशभर मनाइएको छ । सरकारी पहलमै भूकम्पबारे…

देशको अर्थतन्त्रका विरुद्ध अनेकन षडयन्त्र भैरहेका छन्, सस्तो लोकप्रियताको आडमा । यसबाट सरकार र नागरिक समाज सबै सतर्क हुन जरुरी…

अस्मिता रिजाल काठमाडौं । २०७२ सालको भूकम्पपछि नेपालमा धेरै परिवर्तन भए । बिशेषगरी संरचना पुनर्निर्माणले समाजमा परिवर्तनको महसुस त गरायो…