ज्योतिष शास्त्रअनुसार कस्तो मानिस कलाकार बन्न सक्छ ?

ज्यो. महेन्द्र भण्डारी

ज्योतिषशास्त्रमा कलाकार बन्ने वा कलाकारिकताबाट सफलता प्राप्त गर्न सकिन्छ कि सकिँदैन भन्ने बारेमा अध्ययन गरिएको पाइन्छ । कलाकारितामा सफलता दिने योगलाई ज्योतिषशास्त्रमा वीणा योग या वल्लकी योगको नाम दिइएको छ यस्तो योग भएको व्यक्ति गीत नृत्य आदि कलामा रुचि हुने र सफलता पनि पाउनने गर्छन् । आज सम्म जति विश्वप्रसिद्ध कालकारहरु छन् ती सबैजसोको कुण्डलीमा विणा वा बल्की योग पारेको पाइन्छ । यस्तो योग राहु केतुबाहेकका सातओटा ग्रह अलग अलग सात राशिमा बसेको अवस्थामा बन्दछ ।
जन्म कुण्डलीको द्वितीय भाव वाणीको भाव हो । गायन या वाचन सम्बन्धित कलाको यस भावसँग गहिरो सम्बन्ध हुन्छ । तृतीय भाव पराक्रम वा इच्छा तथा, कलाका अन्य विचारसँग सम्बन्धित हुन्छ । चतुर्थ भाव हृदय, मन, प्ररम्भिक पढाइसँग सम्बन्धित हुन्छ । पञ्चम भाव बुद्धि, लेखन वा उच्चस्तरीय कलासँग सम्बन्धित हुन्छ यसको अर्थ पञ्चम भाव र तृतीय भावको विशेष सम्बन्ध रहेको छ र त्यसको सुख चतुर्थभावसँग हुन्छ भने त्यसबाट आम्दानी हुन्छ कि हुँदैन भन्ने द्वितीय भावसँग सम्बन्धित हुन्छ ।
शुक्र ग्रह विशेषगरेर कलाकारितसँग सम्बम्धित हुन्छ । त्यससँगै बुध ग्रह पनि राजीय कला वा विलासी कलासँग सम्बन्धित हुन्छ । बृहस्पति चाहिँ बौद्धिक कलासँग सम्बन्धित हुन्छ । चन्द्रमा चाहिँ ललित कलासँग सम्बन्धित हुन्छ । मङ्गल युद्धकला र शनि शस्त्रकला वा हतियार कलासँग सम्बन्धित हुन्छ । सूर्यचाहिँ प्रशासन वा राजनीतिसँग सम्बन्धित रहेको हुन्छ ।

जसको कुण्डलीको तृतीय भाव र भावेश बलवान वा शुभ स्थितिमा रहेको हुन्छ त्यस्ता मानिसे प्रायः राम्रो लेखन या चित्रकला या कुनै वाद्ययन्त्रमा सफलता पाउने गरेका छन् । लेखन कलामा सफलता पाउनका लगि बुध गुरु अनुकूल हुनुपर्छ । द्वितीय र तृतीय भाव दुबै भावको शुभ स्थिति भएमा गायन सङगीतकला सफलता मिल्न सक्छ । तर त्यस्तो कलाबाट प्रसिद्धि मिल्छ कि मिल्दैन भन्ने चाहि दशम भावबाट पत्ता लगाउन सकिन्छ ।

चतुर्थ भावमा शुक्रको बलियो वा शुभ स्थिति भएका व्यक्तिहरु सङ्गीत, नृत्य, अभिनय, सिनेमा जस्ता क्षेत्रमा सफलता प्राप्त गर्न सक्छन् । तर दशम भावमा शुक्र ज्यादै कजोर भएर बसेको भए त्यस्ता मानिसहरुले सङ्गीतआदि कलामा त्यति सफलता प्राप्त गर्न सक्दैनन् ।

तृतीय भाव भावेशको सम्बन्ध लाभ या धन भाव या लाभेश या धनेशसँग कुनै सम्बन्ध छ भने त्यस्तो मानिसले कलाबाट नै धनसम्पत्तिबाट प्रशस्त धन सम्पत्ति कमाउन सक्छ

यस विषयमा मेरो खोज र अनुभव प्राप्त केही विवरण यस प्रकार छन् ः
उदाहरण १ . अमिर खान भारतीय कलाकार हुन् । उनको कुण्डलीमा मंगल, शुक्र ग्रहको स्थिति निकै बलियो रहेको देखिन्छ । सप्तम भावमा मंगल हुनु र दशमभावमा केतु हुनु तथा लग्नमा शुक्रको उपस्थिति हुनाले उनले कलाकारिताबाट रामै्र लाभ पाएको देखिन्छ ।
उदाहरण २. अमिताभ बच्चन उनको कुण्डलीमा कुम्भ लग्न छ र लग्नमा केतु रहेको छ । वृहस्पति उच्चभएर बसेको छ । चन्द्रमा भाग्य भावमा गएर बसेको छ । यो कलाकारिताका क्षेत्रबाट प्रगति गर्ने शुभ योग पनि हो । उनी वृहस्पतिको प्रभावका कारणले निकै बौद्धिक व्यक्तित्व पनि मानिन्छ ।
उदाहरण ३. मेरो परामर्श कार्यालायमा आएका मध्ये केही नेपाली कलाकारहरुको अवस्था १ सिंह लग्नमा द्वितीय भावमा गुरु शुक्र थिए र त्यसमाथि चन्द्रमाको पूर्ण दृष्टि थियो । द्वितीयेश बुध चतुर्थमा थियो । उनी निकै राम्रा गीतकार, लेखक, कवि, तथा समालोचक छन् । उनको जीवन राम्रै छ । (यो कुण्डली भएका मानिसले नाम प्रकाशन नगर्ने सर्त राखेका कारणले उनको खास नाम लेखिएन)
उदाहरण ४. अवस्था २ कन्या लग्नमा नवम भावमा शुक्र थिए र त्यसमाथि मकर राशिको वृहस्पतिको पूर्ण दृष्टि थियो । द्वितीयेश बुध चतुर्थमा थियो । उनी साथी सङ्गातिको लहैलहैमा लागे र सङ्गीत पनि सिके । यसैबीचमा अध्ययन पनि छोडियो केही समय विदेश पनि गए । जग्गा जमिनको कारोबारमा हातहाले त्यो पनि चौपट भयो । उनी कलाकारिताको क्षेत्रको कतैपनि सफल भएनन् । हाल उनी सानोतिनो व्यापार गर्नछन् (यो कुण्डली भएका मानिसले नाम प्रकाशन नगर्ने सर्त राखेका कारणले उनको खास नाम लेखिएन)

यसबाट के निष्कर्ष निस्कन्छ भने कलाकार हुनु सामान्य होइन । ऊ भित्र भावयत्री र कारयत्री तथा आभ्यासिक प्रतिभा हुनुपर्छ । यी बाहेक कलाकार बन्ने भित्र गहिरो लगनशीलता र धैर्य पनि हुनुपर्छ । यस्तो लगनशीलता, भावयत्री प्रतिभा तथा कलाक्षमता मानिसको जन्मजात कुण्डलीमा लेखिएको हुनुपर्छ । त्यसैले कलाकारितामा लागेर भएको सम्पत्ति सक्नु भन्दा पहिला मेरो जीवन कलाकारिताबाट चल्छ कि चल्दैन भन्नेमा विचार गर्नु पर्ला । यसको निक्र्यौल ज्योतिषशास्त्रका मर्मज्ञबाट मात्र सम्भव हुन्छ । एउटा किताबमात्र पढेर ज्योतिषी हुँ भन्दै हिड्नेबाट पनि त्यो सम्भव हुँदैन ।

Janata Tv

प्रतिक्रिया दिनुहोस्
विशेष

बिहान ५ः०० स्टेशन आइडी–राष्ट्रिय गान ५ः०२ योग दर्शन ५ः३० तीर्थ पर्यटन ५ः५५ विज्ञापन–प्रोमो ६ः०० जनता समाचार ६ः३० दर्शन दिग्दर्शन ६ः५५…

मेषः वाणीको प्रभाव पर्नेछ, कुटुम्ब वृद्धि हुनेछ । वृषः जिम्मेवारी थपिनेछ । राम्रो अवसर आउनेछ । मिथुनः यात्रामा सास्ती हुनेछ…

सप्तरी । खडक नागरपालिका, बोदे बरसाइन सडक खण्डमा ड्युटीमा खटिएका प्रहरी हवल्दारलाई अज्ञात समूहले गोली प्रहार गरेको छ । प्रहरी…

सरस्वती तामाङ काठमाडौं । २०५५ सालदेखि मनाउन थालिएको भूकम्प सुरक्षा दिवस, यसपटक पनि देशभर मनाइएको छ । सरकारी पहलमै भूकम्पबारे…

देशको अर्थतन्त्रका विरुद्ध अनेकन षडयन्त्र भैरहेका छन्, सस्तो लोकप्रियताको आडमा । यसबाट सरकार र नागरिक समाज सबै सतर्क हुन जरुरी…

अस्मिता रिजाल काठमाडौं । २०७२ सालको भूकम्पपछि नेपालमा धेरै परिवर्तन भए । बिशेषगरी संरचना पुनर्निर्माणले समाजमा परिवर्तनको महसुस त गरायो…