‘कायरा’का दर्शकलाई आर्यनले झुक्याए !

-मनोरञ्जन डेस्क

काठमाडौं । गत शुक्रवारदेखि प्रदर्शनमा आएको चलचित्र कायरा फाइनल कपी नभएको खुलासा भएको छ । चलचित्र कायरा प्रदर्शन भएको झण्डै एक हप्तापछि निर्माता तथा अभिनेता आर्यन सिग्देलले प्राविधिक कारणवस फाइनल सम्पादन विना नै रिलिज गर्नुपरेको रहस्य खुलाएका हुन् ।

नेपालमा गत शुक्रवार रिलिज भएको चलचित्र कायरा ’स्लो’ र ’लेन्दी’ भएको अधिकांश दर्शकहरुको गुनासो थियो । निर्माता आर्यनले पनि दर्शकलाई फ्ल्यास ब्याक बुझ्न गाह्रो भएको कुरा स्विकार्छन् । ’जय र कायराको नेपालमा बढेको सम्बन्ध र त्यो सम्बन्ध फिलिपिन्समा कन्टिन्यू भएको कुरा बुझ्न दर्शकलाई गाह्रो भएको पाइएको उनको भनाइ छ । कति दर्शकलाई फिल्म स्लो पनि लागेको प्रतिक्रिया पाएपछि फिल्मलाई पुनः सम्पादन गरिएको उनले जानकारी दिए । उनले फिल्मको नयाँ भर्सन यसै साताबाट हेर्न पाइने बताए । उनले टेक्निकल प्रोब्लमका कारण हलमा पुरानो भर्सन प्रयोग गर्नु परेको पनि खुलासा गरे । उनका अनुसार, २ घण्टा २१ मिनेटको फिल्म अब २ घण्टा ५ मिनेटको हुनेछ ।

अर्यान र साम्राज्ञीराज्यलक्ष्मी शाहको मूख्य भूमिका रहेको कायरा ९ अगस्टदेखि दुवईका विभिन्न शहरमा पनि प्रदर्शन भएको छ । फिल्मको प्रदर्शनका लागि आर्यन र साम्राज्ञी हाल दुवईमै रहेका छन् ।

फिल्म रिलिज भएको पहिलो सातामै आशातीत रुपमा दर्शकहरुलाई हलसम्म तान्न नसकेको कायराले दोस्रो हप्तापछि बल्ल फाइनल भर्सन त देखाउने भएको छ तर हेर्ने दर्शकचाहिं कति आउने हुन् कुन्नि ।

Janata Tv

प्रतिक्रिया दिनुहोस्
विशेष

नेपाल कम्युनिष्ट पार्टी (नेकपा)को दुई तिहाई सरकार छ । प्रधानमन्त्री केपी ओली नेतृत्वको सरकार गठन भएको ९ महिना बढी भइसकेको…

जनता टेलिभिजनमा आज प्रसारण हुने कार्यक्रम तालिका यस्तो छः Janata Television Live Youtube Streaming

अमेरिकामा जर्ज वासिङ्गटनले, ‘दुईपटक भन्दा बढी राष्ट्रपति नबनौँ है’ भने, त्यही थिति बस्यो । जुन–जुन देशले थिति बसाउन खोजे र…

काठमाडौं । १३ वर्षीया निर्मला पन्त हत्या अनुसन्धान साघुँरो हुँदै गएको बताएको प्रहरीले शंकास्पद तीन जनाको डिएनए सार्वजनिक गर्ने तयारी…

जनता टेलिभिजनमा आज प्रसारण हुने कार्यक्रम तालिका यस्तो छः Janata Television Live Youtube Streaming

काठमाडौं ।  सचिवालय बैठककाे लागि नेपाल कम्युनिष्ट पार्टी(नेकपा)का चार शीर्ष नेता शनिबार  प्रधानमन्त्री निवास बालुवाटार पुगे । समयमै पुग्ने नेताहरु…