नेपाल आइपुग्यो रेल(फोटो फिचर)

धनुषा । दक्षिण एसियाकै दुई मुलुक जोड्ने पहिलो जनकपुर–जयनगर रेलको सफल परीक्षण गरिएको छ । ४ वर्षदेखि पूर्णरुपमा बन्द रहेको जयनगर–जनकपुर रेल सेवाको बुधबार भारतीय पक्षले सफल परीक्षण गरेको हो । भारतीय पक्षले नेपाल भू–खण्डको जयनगर रेलवे स्टेसनबाट खजुरीसम्म साढे आठ किलोमिटर लामो इन्जिन र बोगीसहित परीक्षण गरेको नेपाल रेल्वेका साइट इन्जिनियर विनोद ओझाले जानकारी दिएका छन् ।

जयनगरबाट खजुरीसम्म इन्जिनसहित ५३ वटा बोगी गिट्टी (ब्लास्ट) बोकेर खजुरी स्टेसन सम्म पुगेको थियो । उक्त रेल खण्डमा आवश्यक भएको स्थानमा ब्लास्ट ओछाउने कार्यसमेत भएको ओझाले बताए । ‘इन्जिनसहित ५३ वटा बोगी लिएर आएको मालबाहक गाडीको परीक्षण गरिएको छ,’ ओझाले भने,‘पहिलो पटक इन्जिनसहित आएको मालबाहक रेलको परीक्षण सफल भएको छ ।’ भारतीय पक्षबाट गरिएको सफल परीक्षण पछि रेल सञ्चालनमा अब ज्यादै द्धिविधा नहुने उनको विश्वास छ । सिभिलतर्फका अन्य केहि बाँकी सम्पन्न भए लगत्तै अक्टोबरको अन्त्य वा डिसेम्बरको पहिलो साताबाट रेल सेवा सञ्चालन हुने इन्जिनियर ओझाले बताए ।

भारतीय पक्षले गरेको रेल परीक्षण हेर्न त्यस क्षेत्रका स्थानीयवासीहरुको ठुलो संख्यामा भिड जुटेको थियो । दुई मुलुक जोड्ने दक्षिण एसियाकै पहिलो रेल्वे स्टेसनमा समेत नयाँ बनेको ब्रोडगेजमा परीक्षण हेर्नेको भिड जम्मा भएको थियो । भारत सरकारको ७ सय करोडको सहयोगमा जनकपुर हुँदै जयनगर–कुर्था ब्रोडगेज रेलसेवा निर्माण अन्तिम चरणमा पुगेको छ । कुर्थासम्मको रेल खण्डमा पुलपुलेसा, रेलवे स्टेसन, हल्ट लगायतका निर्माण कार्य करिब करिब सम्पन्न भइसकेको छ ।

सरकारले करिब डेढ वर्षसम्म रेल भाडामा लिएर चलाउने मोडालिटी टुंग्याएको छ । आगामी डिसेम्बरदेखि जनकपुर–जयनगर रेल चनाउने तयारी भएको छ ।यो रेलमार्गमा भाडामा रेलगाडी ल्याएर कन्ट्रयाक्टमा चलाउन दिन तयारी अघि बढाइएको छ ।रेल्वे विभागले विदेशका अनुभवी कम्पनीलाई डेढ वर्षसम्म रेल चलाउने, व्यवस्थापन गर्ने र नेपालमा त्यसको सीप हस्तान्तरण गर्ने गरी आउटसोर्सिङको गर्न लागेको हो ।

आउटसोर्सिङ गर्दा नेपालीलाई रेल सञ्चालनको सबै सीप कम्पनीले नै सिकाउनुपर्ने सर्त राख्न लागिएको छ ।भाडामा ल्याएको रेल सञ्चालन गर्दा नेपाली जनशक्तिहरु पनि परिचालन गर्ने र नेपाली जनशक्ति दक्ष भएसँगै आफ्नै रेल गुडाउने विभागको तयारी छ । हालै कुर्था (जनकपुर जयनगर रेलमार्गको पुरानो न्यारो गेजलाई हटाएर ब्रोडगेजका रुपमा विस्तार गरिएको छ । यो विस्तारको काम सन् २०१४ बाट यसको सुरुवात भएको थियो, यसैकारण जनकपुर(जयनगर रेल सेवा विगत ४ वर्षदेखि बन्द अवस्थामा छ । ३५ किलोमिटरको रेलमार्गमा सानो आकारको रेलको लिक हटाएर ठूलो आकारको बनाइएको छ । कुर्थाबाट महोत्तरीको विजलपुरासम्म रेलमार्गलाई ल्याउने योजना रेल्वे विभागको छ । यो रेलमार्गलाई २ वर्ष्िभत्र बर्दिवासमा पूर्वपचिश्म रेलमार्गसँग जोड्ने योजना छ ।

 

Janata Tv

प्रतिक्रिया दिनुहोस्
विशेष

नेपाल कम्युनिष्ट पार्टी (नेकपा)को दुई तिहाई सरकार छ । प्रधानमन्त्री केपी ओली नेतृत्वको सरकार गठन भएको ९ महिना बढी भइसकेको…

जनता टेलिभिजनमा आज प्रसारण हुने कार्यक्रम तालिका यस्तो छः Janata Television Live Youtube Streaming

अमेरिकामा जर्ज वासिङ्गटनले, ‘दुईपटक भन्दा बढी राष्ट्रपति नबनौँ है’ भने, त्यही थिति बस्यो । जुन–जुन देशले थिति बसाउन खोजे र…

काठमाडौं । १३ वर्षीया निर्मला पन्त हत्या अनुसन्धान साघुँरो हुँदै गएको बताएको प्रहरीले शंकास्पद तीन जनाको डिएनए सार्वजनिक गर्ने तयारी…

जनता टेलिभिजनमा आज प्रसारण हुने कार्यक्रम तालिका यस्तो छः Janata Television Live Youtube Streaming

काठमाडौं ।  सचिवालय बैठककाे लागि नेपाल कम्युनिष्ट पार्टी(नेकपा)का चार शीर्ष नेता शनिबार  प्रधानमन्त्री निवास बालुवाटार पुगे । समयमै पुग्ने नेताहरु…