Nic

शव बोकेर रातभर जंगल हिँडिरह्यौँ

–भीमलाल भट्टराई डिएसपी, नुवाकोट

नेपाल प्रहरीमा जागिर खाएको १९ वर्ष भयो । धेरै संर्घषपूर्ण रह्यो १९ वर्षे सेवा अवधि । विगत १९ वर्षमा राष्ट्रसेवक सिपाहीका हैसियतले धेरै घटना दुर्घटनामा जोखिमपूर्ण उद्धार कार्यमा भाग लिएँ । तर, नुवाकोट हेलिकोप्टर दुर्घटनाको उद्धार कार्यमा निकै मेहनत गरियो । एउटै घटनामा उद्धारका लागि लामो समयसम्म खटिएको यो पहिलो अवसर हो ।

बिहान १० बजेतिर दुर्घटनाको खबर आयो । प्रहरी टोलीको नेतृत्व गर्दै घटनास्थलतर्फ कुदेँ । वर्षाको समय, भीरपाखा पानीले गर्दा ठाउँठाउँमा भत्किएर बाटो अवरुद्ध भएको थियो । जंगलबीचमा खसेको हेलिकोप्टर कहाँ र कसरी खोज्ने ठूलो चिन्ता थियो । कुन बाटो कता पुगिन्छ भन्ने ज्ञानै थिएन । नहुनु दुर्घटना त भइसकेको थियो । टारेर टार्न नसकिने । तर, हेलिकोप्टरमा सवारको अवस्था के छ भन्ने पनि थाहा थिएन । सकेसम्म चाँडै पुग्न पाए घाइतेलाई बचाउन सकिन्थ्यो कि भन्ने मनमा कुरा खेलिरहेको थियो । मसँग रहेको प्रहरी टोली सकेसम्म बेगमा हिँड्यौँ । मौसम ज्यादै खराब थियो । हुस्सू र कुहिरोले बाटोसमेत नदेखिने । घना जंगल अनि चिप्लो बाटो । निगालाको बोट र बनमाराको झार समाउँदै भिरालो उकालो चढ्दै गयौँ । जुका लागेर हैरान बनायो ।

लगभग ५ घण्टा लम्किएर हिँडेर पछि दुर्घटना भएको स्थानमा पुग्यौँ । दुर्घटनाग्रस्त हेलिकोप्टर क्षत्विक्षत भएको रहेछ । दुर्घटनाग्रस्त हेलिकप्टरको टुक्राटाक्री यत्रतत्र छरिएको थियो । हेलिकोप्टरमा सवार यात्रु को कता उछिट्टिएका छन्, नजर त्यता दौडायौँ । हेलिकोप्टर बजारिएको ठाउँदेखि लगभग ६० मिटर तल भीरमा अड्किएको महिलालाई देख्यौँ । उनी जीवित थिइन् र पानी मागिरहेकी थिइन् । टोलीको एक प्रहरीले सुनाएपछि भीरमा ओर्लिँदै घाइतेसम्म पुग्यौँ । उनी थिइन् आनी डोल्मा डिकी र अहिलेसम्म जीवितै । बोकेर माथि ल्याइयो । घाइते भेटिएकी आनीलाई सबैभन्दा पहिले उपचार खाँचो थियो । घटनास्थलमा अर्को हेलिकोप्टर अवतरण गर्न सक्ने अवस्था थिएन । मौसम अनुकुल थिएन । घाइते आनीलाई डोकोमा बोकेर २ घण्टा बाटो हिँडयौँ । त्यसपछि हेलिकोप्टरमा उपचारका लागि काठमाडौं पठायौँ । उद्धार टोलीमा रहेका प्रहरीहरु अन्य यात्रुलाई खोजिरहेका थिए । त्यसपछि जो भेटियो सबै मृत भेटिए । यत्रतत्र लडिरहेको र मृत्यु भइसकेको अवस्थामा शव मात्र फेला पार्न सकियो । सबै शव बोकेर माथि सडकमा ल्याउन शुरु गरियो । भीरको बाटो भएका कारण शव बोकेर ल्याउन निकै कठिनाइ भयो । तर पनि समाज र राष्ट्रप्रतिको कर्तव्यपालनबाट किञ्चित विमुख भइएन । रातैभर शव बोकेर सडकसम्म ल्याइयो । सबै शव बाटोसम्म ल्याउँदा बिहान ५ बज्यो । ८ बज्दा त्रिशुली आइपुग्यौँ । ९ बजे सबै शव हेलिकोप्टरबाट काठमाडौं पठाएपछि हामी कार्यथलोतिर फर्कियौँ । नुवाकोटको म्यागङ गाउँपालिका १ बसुन्केतको मैलुङ पाखा जंगलमा शनिबार हेलिकोप्टर दुर्घटना हुँदा मृत्यु भएकाको शव व्यवस्थापन गर्न २४ घण्टा लाग्यो ।

५ घण्टा हिँडेर चिप्लो भीर पाखा छिचोल्दै दुर्घटनास्थल पुगेका थियौँ । रातभर शव ओसा¥यौँ । भौतिक शरीर थाकेर क्लान्त भए पनि आत्मसन्तुष्टि छ । समाज र राष्ट्रप्रतिको उत्तरदायित्व पूरा ग¥यौँ । दुर्घटना र ६ जनाको मृत्युप्रति दुःखी छौँ तर एक जना भएपनि आनीलाई बचाउन सकेकोमा खुशी छौँ । यो काममा खटिएका मेरा टोलीका सुरक्षाकर्मीको सहयोग जहाँ पुगे पनि सम्झिरहनेछु ।
(जमुना गजुरेलसँगको कुराकानीमा आधारित)

Janata Tv

प्रतिक्रिया दिनुहोस्
विशेष

बिहान ५ः०० स्टेशन आइडी–राष्ट्रिय गान ५ः०२ योग दर्शन ५ः३० तीर्थ पर्यटन ५ः५५ विज्ञापन–प्रोमो ६ः०० जनता समाचार ६ः३० दर्शन दिग्दर्शन ६ः५५…

मेषः व्यवसायमा राहत हुनेछ, काममा स्याबासी पाइनेछ । वृषः यात्रामा कष्ट हुनेछ, धर्ममा मन जानेछ । मिथुनः अवरोधको सिर्जना हुनेछ,…

काठमाडौं । अज्ञात समूहले ललितपुरको नख्खुस्थित एनसेल कार्यालयको गेटमा शक्तिशाली बम बिस्फोट गर्दा घाइते भएकाकाे मेडिसिटी अस्पतालमा उपचार भइरहेकाे छ…

काठमाडौं । नेपाल कम्युनिष्ट पार्टी (नेकपा)का अध्यक्ष तथा पूर्वप्रधानमन्त्री पुष्पकमल दाहाल प्रचण्ड शनिबार जनता टेलिभिजनमा आउँदै हुनुहुन्छ । शनिबार बिहान…

काठमाडौं । सिन्धुली फिक्कलका भरत श्रेष्ठ १४ वर्षका भए । ८ कक्षामा अध्ययनरत उनले चिठीमार्फत प्रधानमन्त्रीलाई दिएको सुझाव पढ्दा लाग्छ,…

काठमाडौं । चालू आर्थिक वर्षको सात महिनाको अवधिमा ६९ अर्ब ३२ करोड ५१ लाख ५६ हजार ४ सय ४ रुपैयाँ…