Nic

हनुमान बन्न सकिनँ त्यसैले सत्ताको बागी

हामीले सपना त देख्नुपर्छ तर त्योभन्दा बढी काम गर्नुपर्छ । ओलीका सपना हावादारी छैनन् तर कामको गति र कार्यशैली बिल्कुल हावादारी छ, करिबकरिब कामकुरो एकातिर कुम्लो बोकी ठिमीतिर भन्नु अन्यथा नहोला । अन्त्यमा माथिका एकाध राम्रा काम तर बहुसंख्यक गलत कामका लागि ‘म सत्ताको बागी’ छु । जब परिस्थिति उल्टिएर फरक हुनेछ, तब म सत्तापक्ष हुनेछु ।

धेरैले तथानाम गाली गर्छन् र भन्छन्, ‘खगेन्द्र संग्रौला एउटा दलाल हो, जड्याँहा हो । उ विदेशीको पैसा खाएर सधैँ सत्तापक्षलाई गाली गर्छ ।’ तर मलाई कहिल्यै त्यस्तो लागेन । समकालीन लेखकहरुमा उनी जति चोटिलो तर्कसंगत र धाराप्रवाह सिलसिला मिलाउँदै रसिलो प्रस्तुति दिन माहिर लेखक कमै छन् ।

उनलाई गाली गर्न त्यति धेरै शब्द खर्च गर्न जरुरी देख्दिनँ । उनका तर्कसँग असहमत भए पनि शालीनतापूर्वक आलोचना गर्न सकिन्छ । यसको अर्थ उनका हरेक कुरा पक्षपोषण गर्ने हनुमान पटक्कै होइन तर कसैले आरोप लगाउंछ भने पनि मलाई केही फरक पर्दैन । वास्तविकता यो होइन । गुण र दोषका आधारमा हरेक व्यक्ति या विषयमाथि समर्थन या विरोध आधारभूत गुण बनाउँछु र यसलाई मैले जीवनभर आफूसँगै सुरक्षित राखिरहने छु । लाग्छ यो नै मानव जातिको सबैभन्दा महत्वपूर्ण गुण पनि हो ।

संग्रौलाका कतिपय अतिवादी कुरासँग असहमत छु तर ‘म सत्ताको बागी हूँ’ विषयमा उनको जस्तै धारणा बनाउँछु । सत्ता सधैँ पहुँच, पैसा हुनेकै साथमा रह्यो । चाहे वामपन्थी या दक्षिणपन्थी जुनसुकै सत्तामा आए पनि उसले पद, पैसा र पहुँच हुनेको हितमा सेवा गरेकै छ । एउटा गरिबको झुपडी हिजो पनि त्यस्तै थियो, जुन आज पनि छ । श्रम छ, रोजगारी छैन, बिरामी छ, उपचार छैन, भोक छ, भोजन छैन, उसँग केबल दुःखैदुःखको भारी छ । जनताका प्रतिनिधि सडकमा रहुन्जेल उसको व्यवहार जनताको जस्तै हुन्छ तर जब सत्तामा पुग्छ, उसले त्यो सबै भुल्छ । आफ्ना आसेपासेको लर्को, सबै सेवा सुविधा, आदेश दिनेबित्तिकै तुरुन्त मान्ने कारिन्दा, आर्थिक स्रोत, हरेक क्षेत्र र चरित्रका मानिसको सँगतले ऊ विस्तारै नवसामन्तका रुपमा परिवर्तित हुँदै जान्छ । ऊ आफूलाई ठूलो र विशिष्ट देखाउन पनि विगतभन्दा फरक व्यवहार गर्दै जान्छ र विस्तारै ऊ हरेक काममा जनताको पहुँच र चाहनाबाट टाढा हुँदै जान्छ ।

हामीसँग इतिहासमा कहिल्यै नभएको करिब दुई तिहाई बहुमतको वामपन्थी सरकार छ । हामीले बोकेको प्रगतिशील विचार कार्यान्वयन गर्ने ठाउँमा हामी छौँ । तर अहिले हाम्रो ‘विचार’को हालत ‘विचरा’मा रुपान्तरण भएको छ । आज एउटा बलत्कारी राज्यभन्दा बलियो देखिँदैछ तर दुई तिहाई मतसहित सत्तासीनहरु मस्त निद्रामा छन् । यस्ता सानातिना बलात्कार भइरहन्छन्, अल्झेर हुँदैन, हाम्रो लक्ष्य समृद्धि हो, रेल ल्याउनुपर्छ भनेर त्यतातिरको काम शासकको प्राथमिकतामा परेन होला, यो विषयमा या समय अपुग भयो । त्यसैले त न्याय माग्न गोली खानुपरेको छ । सायद सत्तामा पुगेपछि मान्छेको मूल्य कम र सत्ताको मूल्य बढी नै हुन्छ होला । समाजवाद ल्याउन शासकहरुले दिगम्बर झाजस्ता प्रगतिशील, क्रान्तिकारी, सदाचारी आचरणमा प्रश्नचिन्ह भएका सहयोगी भर्ति गर्दैछन् । दिगम्बर प्रवृत्तिका महान क्रान्तिकारी मित्रसँग एउटै थालमा भात रुचेकै छ, त्यसैले सरकार वामपन्थीबाट क्रमश ‘दामपन्थी’ भइरहेको महसुस भइरहेको छ ।

हामीले बोकेको प्रगतिशील विचार कार्यान्वयन गर्ने ठाउँमा हामी छौँ । तर अहिले हाम्रो ‘विचार’को हालत ‘विचरा’मा रुपान्तरण भएको छ । एउटा बलत्कारी राज्यभन्दा बलियो देखिँदैछ र दुई तिहाई मतसहित सत्तासीनहरु मस्त निद्रामा छन् ।

चुनावका बेला घोषणा गरिएको वृद्वभत्ता ५ हजार नदिएपछि जनतालाई भ्रम छरेर जित अनि राज गर भन्ने देखाइएको छ । काठमाडौंका सडकका खाल्डा एकवर्षमा पुर्ने र धरहरा पनि एकवर्षमा बनाउँछौँ भनेर विगत ३ वर्षदेखि भाषण सुनिएकै हो । केही नगरी बस्नु सबैेभन्दा खराव काम हो । तसर्थ केही काम गर्न कुरा गरेरै भए पनि चित्त बुझाउनु परेको छ । कुरा भन्दा काम बढी गरिदिए जनताले सरकारलाई धन्यवाद दिने निश्चित छ ।

राम्रा काम पक्षपोषण गर्न कहिल्यै पक्षपात र पूर्वाग्रह राखिनु हुँदैन । नीतिले विरोध गरिन्छ तर नियतले कदापि होईन । असल कुरा समर्थन र खराबको विरोधले समाज आफैँ सुधार हुंँदै जान्छ । समाज बिगार्ने भनेको तिनै अन्धभक्त चेतनाहीन हनुमानहरुले हो । मैले भनेको ठिक हो र म जे भन्छु त्यही गर भन्ने मानसिकता विनासको संकेत हो । आफ्ना विषयमा बहस–आलोचना गर्न स्वतन्त्रता देऊ र मात्र समाज विकासले गुणात्मक फड्को मार्ने छ ।

समाजवाद भाषण गरेर आउँदैन, जसरी कुराले च्युरा भिज्दैन । कुराअनुसार काम पनि गरौँ । जनता सरकारबाट सबैभन्दा आशावादी भएको समय हो तर विस्तारै त्यो आशानिराशामा परिणत हुंँदैछ । यति बलियो सरकारले आफ्नो शक्ति सही काममा खर्च गरेन भने देश फेरि पनि दशकौँसम्म अन्धकारको दलदलमा फस्ने निश्चित छ । जनताका आधारभूत समस्या समाधान गर्न र तत्कालीन अवस्थामा राहत दिन सरकार सक्षम हुनुपर्छ, त्यसका लागि जनताले तिरेको कर दुरुपयोग हुनु हुंँदैन । समाजवादका लागि सोही किसिमको योजना, कार्यशैली, अर्थ व्यवस्था, कर्मचारी संयन्त्र तयार गर्नुपर्छ । मूलतः सुुशासन र कानुनी राज्य स्थापना गर्दै जनतालाई दिएका वाचा क्रमशः पूरा गर्दै गए लक्ष्यमा पुग्ने निश्चित छ ।

जनतामाझ जाऊ, कुरा सुन र काम गर भन्ने विषय व्यवहारमा लागु गर । चीनसँग भएको पारवहन सम्झौता देशका लागि निकै दूरगामी महत्वपूर्ण काम हो । यसका लागि प्रधानमन्त्री केपी ओली विशेष धन्यवादका पात्र हुनुहुन्छ र जनताले यो विषय सधैँ सम्झिरहने छन् । हामीले सपना त देख्नुपर्छ तर त्योभन्दा बढी काम गर्नुपर्छ । ओलीका सपना हावादारी छैनन् तर कामको गति र कार्यशैली बिल्कुल हावादारी छ, करिबकरिब कामकुरो एकातिर कुम्लो बोकी ठिमीतिर भन्नु अन्यथा नहोला । अन्त्यमा माथिका एकाध राम्रा काम तर बहुसंख्यक गलत कामका लागि ‘म सत्ताको बागी’ छु । जब परिस्थिति उल्टिएर फरक हुनेछ, तब म सत्तापक्ष हुनेछु । आफ्नैले बाटो बिराउंँदा ठीक हो हजुर भन्दै जयजयकार गरी खाल्डोमा फसाउन चाहन्नँ र त बाटो गलत भयो भनेर संकेत गर्नु दायित्व ठानेको छु । राम्रो माने ठीकै छ, नराम्रो मानेर रिसाए ‘रिस खा आफू बुद्धि खा अरु जस्तै’ हुने निश्चित छ ।

चुनावका बेला घोषणा गरिएको वृद्वभत्ता ५ हजार नदिएपछि जनतालाई भ्रम छरेर जित अनि राज गर भन्ने देखाइएको छ । काठमाडौंका सडकका खाल्डा एकवर्षमा पुर्ने र धरहरा पनि एकवर्षमा बनाउँछौँ भनेर विगत ३ वर्षदेखि भाषण सुनिएकै हो । केही नगरी बस्नु सबैेभन्दा खराव काम हो । तसर्थ केही काम गर्न कुरा गरेरै भए पनि चित्त बुझाउनु परेको छ । कुरा भन्दा काम बढी गरिदिए जनताले सरकारलाई धन्यवाद दिने निश्चित छ ।

Janata Tv

प्रतिक्रिया दिनुहोस्
विशेष

बिहान ५ः०० स्टेशन आइडी–राष्ट्रिय गान ५ः०२ योग दर्शन ५ः३० तीर्थ पर्यटन ५ः५५ विज्ञापन–प्रोमो ६ः०० जनता समाचार ६ः३० दर्शन दिग्दर्शन ६ः५५…

मेषः व्यवसायमा राहत हुनेछ, काममा स्याबासी पाइनेछ । वृषः यात्रामा कष्ट हुनेछ, धर्ममा मन जानेछ । मिथुनः अवरोधको सिर्जना हुनेछ,…

काठमाडौं । अज्ञात समूहले ललितपुरको नख्खुस्थित एनसेल कार्यालयको गेटमा शक्तिशाली बम बिस्फोट गर्दा घाइते भएकाकाे मेडिसिटी अस्पतालमा उपचार भइरहेकाे छ…

काठमाडौं । नेपाल कम्युनिष्ट पार्टी (नेकपा)का अध्यक्ष तथा पूर्वप्रधानमन्त्री पुष्पकमल दाहाल प्रचण्ड शनिबार जनता टेलिभिजनमा आउँदै हुनुहुन्छ । शनिबार बिहान…

काठमाडौं । सिन्धुली फिक्कलका भरत श्रेष्ठ १४ वर्षका भए । ८ कक्षामा अध्ययनरत उनले चिठीमार्फत प्रधानमन्त्रीलाई दिएको सुझाव पढ्दा लाग्छ,…

काठमाडौं । चालू आर्थिक वर्षको सात महिनाको अवधिमा ६९ अर्ब ३२ करोड ५१ लाख ५६ हजार ४ सय ४ रुपैयाँ…