Nic

स्वाइन फ्लूबाट ५ को मृत्यु, विद्यालय बन्द

विद्यानन्द राम
राजविराज । सप्तरीको कञ्चनरुप नगरपालिकामा स्वाईन फ्लू र हङकङ फ्लूको प्रकोप बढेर पाँचको मृत्यु भएपछि आइतबारदेखि ३ दिनसम्म विद्यालय बन्द गरिएको छ ।

उच्च ज्वरो, खोकी, छात्ती दुख्ने लगायतका लक्षण देखिएर नगरपालिकामा ४ र महादेवा गाउँपालिकामा १ जनाको मृत्यु भएपछि नगर कार्यपालिकाको आकस्मिक बैठकबाट नगरलाई विपद क्षेत्र घोषणा गर्दै विद्यालय बन्द गर्ने निर्णय गरिएको वडा नम्बर २ का अध्यक्ष रामनारायण साहले बताउनु भयो ।

कञ्चनरुपबाट १८ र हनुमाननगर कंकालिनी नगरपालिकाका ६ जनामा गरिएको परीक्षणमा १ जनामा स्वाइन फ्लू र ४ जनामा हङकङ फ्लूको भाइरस फेला परेको जनस्वास्थ्य कार्यालयका प्रमुख निरन्जन यादवले बताउनु भयो ।

कञ्चनरुप र हनुमाननगर कंकालिनी नगरपालिका र महादेवा गाउँपालिकामा सयौँ ज्वरो र खोकीबाट पीडित हुन थालेपछि विभिन्न स्थानमा स्वास्थ्य जाँच शिविर गरिएको छ ।

भदौ २४ देखि कञ्चनरुप र हनुमाननगरमा गरिएको स्वास्थ्य शिविरमार्फत २४ जनाको रगत र ¥याल परीक्षणका लागि काठमाडौंस्थित राष्ट्रिय जनस्वास्थ्य प्रयोगशाला पठाइएको छ । परीक्षणक्रममा कञ्चनरुप नगरपालिका–७ का हरिलाल साहलाई स्वाइन फ्लू संक्रमण देखिएको छ ।

पाँचको मृत्यु
कञ्चनरूप नगरपालिका–७ का १४ वर्षीय दिवस बस्नेत, वडा नम्बर ३ का १४ वर्षीय किशोर राम, वडा नम्बर ९ का १४ वर्षीय आमोदकुमार रामको मृत्यु भइसकेको छ । ज्वरो तथा रुघाखोकीकै कारण कञ्चनरुप नगरपालिका–४ मा ६० वर्षीया बलसाल सरदार र महादेवा गाउँपालिका–१ का ८ वर्षीय महफुल आलमको पनि मृत्यु भइसकेको छ ।

जिल्ला दैवी प्रकोप उद्धार समितिको बिहीबारैको आपतकालीन बैठकले प्रभावित क्षेत्रमा स्वास्थ्य टोली पठाई उपचार व्यवस्था मिलाइएको प्रमुख जिल्ला अधिकारी सुरेन्द्र पौडेलले बताउनुभयो ।

Janata Tv

प्रतिक्रिया दिनुहोस्
विशेष

बिहान ५ः०० स्टेशन आइडी–राष्ट्रिय गान ५ः०२ योग दर्शन ५ः३० तीर्थ पर्यटन ५ः५५ विज्ञापन–प्रोमो ६ः०० जनता समाचार ६ः३० दर्शन दिग्दर्शन ६ः५५…

मेषः व्यवसायमा राहत हुनेछ, काममा स्याबासी पाइनेछ । वृषः यात्रामा कष्ट हुनेछ, धर्ममा मन जानेछ । मिथुनः अवरोधको सिर्जना हुनेछ,…

काठमाडौं । अज्ञात समूहले ललितपुरको नख्खुस्थित एनसेल कार्यालयको गेटमा शक्तिशाली बम बिस्फोट गर्दा घाइते भएकाकाे मेडिसिटी अस्पतालमा उपचार भइरहेकाे छ…

काठमाडौं । नेपाल कम्युनिष्ट पार्टी (नेकपा)का अध्यक्ष तथा पूर्वप्रधानमन्त्री पुष्पकमल दाहाल प्रचण्ड शनिबार जनता टेलिभिजनमा आउँदै हुनुहुन्छ । शनिबार बिहान…

काठमाडौं । सिन्धुली फिक्कलका भरत श्रेष्ठ १४ वर्षका भए । ८ कक्षामा अध्ययनरत उनले चिठीमार्फत प्रधानमन्त्रीलाई दिएको सुझाव पढ्दा लाग्छ,…

काठमाडौं । चालू आर्थिक वर्षको सात महिनाको अवधिमा ६९ अर्ब ३२ करोड ५१ लाख ५६ हजार ४ सय ४ रुपैयाँ…