Logo फाल्गुन २१, २०७७ शुक्रबार


बुटवलको अपराजित यात्रामा विराटनगरकाे झड्का

लक्ष्मण शर्मा

कास्की । मोहम्मद जाइद आलमको लगातार दोस्रो खेलमा अर्धशतकिय पारी । सन्दीप लामिछाने र किशोर महतोको महत्वपूर्ण बलिङको मद्वतमा विराटनगर टाइटन्सले पीपीएल क्रिकेटमा पहिलो जित निकालेको छ ।

लगातार तीन खेलमा पराजित हुँदै अघिल्लो चरण प्रवेशको सम्भावना कमजोर बनाएको विराटनगरले निकै बलियो प्रतिद्वन्दी बुटवललाई १२ रनले पराजित गर्यो । विराटनगरका किशोर महतोले टिमको लागि निकै किफायती बलिङ गरे । ४ ओभर बलिङ गरेका महतोले १ ओभर मेडन राख्दै १२ रन खर्चेर महत्वपूर्ण २ विकेट हात पारे । ४ ओभर नै बलिङ गरेका सन्दीपले २४ रन खर्चेर २ विकेट लिए । साहब आलम र सुनिल धमलाले समान एक एक विकेट हात पारे ।

प्रतियोगितामा उत्कृष्ट प्रदर्शन गर्दै आएको बुटवलका लागि भिम सार्कीले अर्धशतकिय पारी खेले । ४२ बल खेलेका सार्कीले १ छक्का र ४ चौका हान्दै ५० रन बनाउँदा रन आउट हुन पुगे । बुटवलका सिद्वान्त लोहनी पनि १५ रन बनाउँदा रन आउट हुन पुगे । सागर पुनले २९ र शंकर रानाले २३ रन बनाए ।

पहिला ब्याटिङ गरेको विराटनगरका लागि मोहम्मद जाइदले ७२ र प्रदीप ऐरीले ४१ रनको योगदान दिए । मोहम्मद जाइदको यो लगातार दोस्रो अर्धशतक हो । निर्धारित २० ओभरमा १ सय ४० रन बनाउन ७ विकेट गुमाएको विराटनगरका अन्य ब्याट्सम्यानले दोहोरो अंकमा रन बनाउन सकेनन् ।

बुटवलका ललितसिंह भण्डारीले २, विपिन खत्री, संसद सेख र सागर पुनले समान एक एक विकेट लिए । मोहम्मद जाइद आलम प्रतियोगिताको प्लेयर अफ द म्याच घोषित भए ।

यसअघि आजै भएको खेलमा अघिल्लो चरण प्रवेशका लागि जीत्नै पर्ने खेलमा चितवन राइनोजले एक्स्पर्ट धनगढीलाई १ सय २६ रनको ठूलो अन्तरले पराजित गरेको छ । १ सय ९४ रनको चुनौतीका साथ मैदान उत्रेको धनगढी १६.२ ओभरमा ६७ रनमात्र बनाउन सक्यो । धनगढीका लागि पीडि ट्रेगोले २७ र योगेन्द्रसिंह कार्कीले १७ रन बनाउनु बाहेक अन्यले दोहोरो अंकमा रन बनाउन सकेनन ।

धनगढीका ओपनिङ ब्याटसम्यान दिलिप नाथ र दन लोयर्सल शुन्य रनमा आउट भए । धनगढीका दिपेन्द्रसिंह ऐरी १ रनमा पेभिलियन फर्किदा, सन्दीप जोराले ८ रनमात्र बनाउन सके । सन्दीप सुनार १, सौरभ खनाल ८ रन बनाएर आउट भए । मंजित श्रेष्ठले २ रन बनाउँदा रविन क्षेत्री शुन्य रनमा आउट भए कमलसिंह ऐरि शुन्य रनमा नट आउट रहे ।

चितवनका सन्नी पटेलले सर्वाधिक ४ विकेट लिए । स्मिथ पटेल र भुवन कार्कीले दुई दुई विकेट लिदा शक्ति गौचन र करन केसीले समान एक एक विकेट लिए । टस हारेर ब्याटिङ गरेको चितवनका लागि ओपनिङ ब्याटसम्यान हरिशंकर शाह र अनिल शाहले महत्वपुर्ण पारी खेले । हरिशंकरले ३३ बलमा ५३ तथा अनिलले ३४ बलमा ३३ रन हाने । १० ओभरमा एक सय रन पुरा गरेको चितवनका लागि आरिफ सेखले रन बनाउन सकेनन । उनी रन आउट हुन पुगे ।

पारश खडकाले ९ बलमा १९ रनको योगदान गर्दा स्मिथ पटेलले १७ बलमा २४ रन बनाए । सन्नी पटेल २६ रन र करन केसी ११ रनमा नटआउट रहे । धनगढीका लागि कप्तान दिपेन्द्रसिंह ऐरी, योगेन्द्रसिंह कार्की, डन लोयर्सल र मंजित श्रेष्ठले समान एक एक विकेट लिए । चितवनका सन्नी पटेल प्रतियोगिताको प्लेयर अफ द म्याच घोषित भए । पीपीएल क्रिकेटको उपाधि दाबेदार चितवन टाइगर्स यसअघि पोखरा पल्टनसँग ५ विकेटले र बुटवल ब्लास्र्टससँग ७० रनले हारेको थियो ।

प्रतिक्रिया दिनुहोस्
विशेष

ध्यानाकर्षण पत्रमा पार्टीको आधिकारिकता विवाद शीघ्र छिनोफानो गर्न आग्रह गरिएको छ ।

‘नेकपा अहिले संक्रमणको अवस्थामा छ, देशभरका नेता तथा कार्यकर्ताहरुको चाहनाबमोजिम पार्टी एकताका लागि अघि बढ्नुको विकल्प छैन ।’

फागुन २३ गते बस्ने प्रतिनिधि सभा बैठकमा कसरी प्रस्तुत हुने भन्ने सम्बन्धमा रणनीति बनाउनका लागि संसदीय दलको बैठक बोलाइएको हो।

उहाँले आगलागी पीडितहरूको पुनःस्थापना र सहुलियतपूर्ण कर्जा उपलब्ध गराउन पहल गर्ने बताउनुभयो ।

संसदीय दलको कार्यालय सिंहदरबारमा आज (शुक्रवार) बसेको संसदीय दलको बैठकले उहाँलाई नेतामा सर्वसम्मत रुपमा चयन गरेको हो ।

हस्ताक्षर कार्यक्रममा उपप्रधान एंव रक्षामन्त्री ईश्वर पोखरेल लगायत सरकारका मन्त्रीहरुको उपस्थिति थियो ।