ओलीलाई अवार्ड

काठमाडौं । एसिया प्यासिफिक समिट सकिएको छ । समिटमा सरकारले दुईवटा काममा ‘ब्याक’ हुनु प¥यो । एउटा समिट ‘आयोजक’ पक्षबाट सरकार हट्यो । अर्को समिटमा आउनेहरुको सुरक्षार्थ यातायात व्यवस्थित गर्न जोरबिजोर प्रणाली लागू । यसमा पनि नागरिकले सास्ती पाएको विरोधको स्वर आएपछि सरकारले तत्कालै ‘जोर बिजोर’ हटायो । अर्थात् प्रधानमन्त्री केपी ओली जनताको भावना बुझ्छन् र तत्काल निर्णय लिन सक्छन् ।

समिट सकिँदै गर्दा आलोचनाको निलकण्ठ बनाइएका ओलीलाई आयोजक युनिभर्सल पिस फाउण्डेसनले १ लाख डलरको ‘लिडरसिप एण्ड गुड गभर्मेन्स अवार्ड’ प्रदान गरेको छ । अवार्डमा सुशासन र नेतृत्व क्षमतामा ओलीको नाम जोडिएको छ । सरकार चलाएको नौ महिना नपुग्दै र आर्थिक वर्षपछिको तीन महिना बित्दैमा ‘केही गरेन’ भन्ने आलोचना चलिरहँदा ओलीको नाम विश्वका विभिन्न देशमा भने ‘राम्रो’सँग सञ्चार भयो । ४५ देशका सहभागी रहेको सम्मेलनमा ओलीलाई दिइएको पुरस्कार आमनेपालीको पनि ‘गौरव’को विषय हो । अरु कुनै प्रधानमन्त्रीले यस्तो पुरस्कार पाएका थिएनन् । आलोचना सहेर धैर्य रहँदा विश्वले पत्याउँदोरहेछ भन्ने सन्देश पनि हो यो ।

धर्मनिरपेक्ष मुलुकमा सबै धर्मावलम्वीले कार्यक्रम गर्न पाउँछन् । अझ नेपालको कुरा गर्ने हो भने त धार्मिक सहिष्णुता भएको मुलुक । त्यसैले हिन्दूले चाहेका बेला हिन्दूका र अरु धर्मावलम्वीले चाहेका बेला अरु कार्यक्रममा कुनै पनि समूह तगारो बन्नु हुँदैन । धार्मिक सहिष्णुता भनिए पनि यसपटक केही विरोध भयो । सरकारलाई चौतर्फी हमला थियो । राम्रो काममा पनि नराम्रो तर्कमा जनतालाई भ्रमित पार्ने अभियान कहाँबाट प्रायोजित छ ? खोजीको विषय हो ।

यही बीचमा प्रधानमन्त्री ओलीले पुरस्कार नेपाल सरकारलाई हस्तान्तरण गरेर बालबालिका र युवाको हितमा खर्च गर्ने घोषणा गर्नुभएको छ । यसले बालबालिका र युवाका पक्षमा केही आसा जाग्नेछ । धर्म प्रचारको मुद्दा जोडेर ओली आशीष लिने भनेर जोडिएको हल्ला पनि यो पुरस्कारसँगै खण्डन भएको छ । ओली नेतृत्वमा कुटिल छन् । ओली सुशासनमा कठोर छन् ।

आइतबार मात्रै सरकारले ल्याएको सामाजिक सुरक्षा कार्यक्रम कांग्रेसको पनि हो भनेर प्रवक्ता विश्वप्रकाश शर्माले बताइरहँदा त्यही कार्यक्रम शुरुवात गर्ने ओलीलाई सुशासन र नेतृत्व विकासमा अन्तर्राष्ट्रियस्तरको अवार्ड दिइनु चानचुने होइन । शर्माले नै चार महिनाअघि नै यो सरकार ‘जष्ट पास’ भनेका थिए । कामै गर्न नपाउँदा त सरकार जस्ट पास भइसकेको थियो भने यसपटक ‘जस्ट पास’को कार्यक्रम कांग्रेसको पनि योजना भनिरहँदा ओलीले भने विश्वजगतमा सुशासन र नेतृत्व विकासमा अब्बल सावित गरेका छन् । आलोचना गर्ने गरिरहन्छन्, ओलीले फेरि आफूलाई अन्तर्राष्ट्रिय जगतमा स्थापित गरेका छन् । अर्को कुरा, केही नगर्ने भन्दा त ‘जस्ट पास’ पनि पुरस्कारको हकदार हुँदोरहेछ नि !

Janata Tv

प्रतिक्रिया दिनुहोस्
विशेष

२०७५ पुस ४ गते जनता टेलिभिजनमा प्रसारण हुने कार्यक्रम तालिका बिहान ५ः०० स्टेशन आइडी/राष्ट्रिय गान ५ः०२ योग दर्शन ५ः३० तीर्थ…

कञ्चनपुर । भीमदत्तनगरपालिका उल्टाखाममा हत्या गरिएकी बालिका निर्मला पन्तको हत्या प्रकरणमा आठ प्रहरी अधिकारीविरुद्ध सार्वजनिक कसुरमा मुद्दा दायर गरिएको छ…

शिव अधिकारी यदुवंशी काठमाडौं । राष्ट्रिय जनता पार्टी (राजपा)नेपालको अध्यक्ष मण्डलको सदस्यबाट संयोजक बनेका राजेन्द्र महतोले एक महिनासम्म पार्टीको बैठक…

काठमाडौं । मकवानपुरको राक्सिराङ गाउँपालिका–६ चापटोलकी सुजाता चेपाङको मन छियाछिया भएको छ । आँगनमा छोरा राखेर पानी भर्न जाँदा उनको…

काठमाडौं । सरकारले नेपाल प्रज्ञा प्रतिष्ठानलाई पूर्णता दिएको छ । प्राज्ञ परिषद् कुलपतिः गंगाप्रसाद उप्रेती उपकुलपतिः डा.जगमान गुरुङ सदस्य सचिवः…

लोकेन्द्रप्रसाद जोशी दार्चुला । अपी हिमाल, व्यास गाउँपालिकालगायत उच्च पहाडी र हिमाली क्षेत्रमा यति बेला चिसो बढेको छ । त्यहाँको…