Nic

३ दशक पश्चात् मनराजा नकर्मीको एकल साँझ हुँदै

काठमाडौं । ३ दशक लामो सांगितिक यात्रा पश्चात् संगीतकार मनराजा नकर्मीको एकल साँझ हुने भएको छ । सांगितिक क्षेत्रमा समर्पित श्रष्टाहरुको सहयोगार्थ उक्त एकल साँझको शुक्रबार औपचारिक रुपमा घोषणा गरिएको हो । संगीत क्षेत्रमा करिब ३ दशक लामो समयको योगदान पश्चात् पहिलो पटक एकल साँझ हुन लागेकोमा संगीतकार नकर्मीले पत्रकार सम्मेलनमा भावुक बन्दै खुशी व्यक्त गरेका थिए ।


यही माघ ५ गते नेपाल प्रज्ञा प्रतिष्ठान, कमलादीमा हुने एकल साँझमा नकर्मीद्वारा संगीतबद्ध दुर्गालाल श्रेष्ठ, भीमबहादुर नकर्मी, डा. रामविक्रम सिँजापति, डा. कृष्णहरि बराल, नातिबज्र, केशवराज राजभण्डारी, सुरेन्द्र राना, सुरेशकुमार कार्की, डा. दीर्घ्सिंह बम, आनन्दरत्न बज्राचार्य, डा. सुनलाल थापा, हेमन्त विवश, राजकुमार श्रेष्ठ, निर्मलरत्न शाक्य, रमेश गाउँले, देवदत्त भट्ट, तुलसी महर्जनका रचनाहरु मदनकृष्ण श्रेष्ठ, संगीता प्रधान, कुन्ती मोक्तान, धनबहादुर गोपाली, जुजुकाजी रन्जित, स्वयम्भूराज शाक्य, निशा देसार, टीका प्रसाइँ, संगीता थापा शाक्य, यम बराल, आनन्द कार्की, विश्व नेपाली, दीपक लिम्बू, सन्तोष लामा, रमना श्रेष्ठ, रत्नशोभा महर्जन, रामचन्द्र काफ्ले, सरीता शाही, मेनुका पौडेल र प्रकाश तिमल्सिनाले प्रस्तुत गर्नेछन् । साथमा संगीतकार नकर्मीका चर्चित गीतहरुमा कलाकारहरुले नृत्य समेत प्रस्तुत गर्नेछन् । संगीतकार नकर्मीकी सुपुत्री नायिका आशिष्मा नकर्मीले समेत कार्यक्रममा नृत्य प्रस्तुत गर्नेछिन् ।
पत्रकार सम्मेलनमा सहभागी भएका गायक एवं हास्य अभिनेता मदन कृष्ण श्रेष्ठले नकर्मीको एकल साँझमा जसोतसो आफूले पनि गाउने बताउँदै पछिल्लो समय संगीतकर्मीहरुलाई गीतको भिडियो बनाउनुपर्ने बाध्यता भएको औंलाए ।


यता चलचित्र निर्देशक एवं संचारकर्मी प्रकाश सायमीले नकर्मीको लामो समयको योगदानपछि मात्र एकल साँझ हुन लागेको दुःख व्यक्त गर्दै कलाकार तथा संगीतकर्मीहरुलाई सम्बन्धित निकायले बेलैमा सम्मान गर्न नसकेको गुनासो पोखे ।


रेडियो नेपालमा मुख्य संगीत संयोजक पदमा सेवारत नकर्मीका हालसम्म १३ आधुनिक, ९ नेपाल भाषा, २ भजन तथा २ धूनका एकल एल्बमहरु सार्वजनिक भैसकेका छन् भने हजारौं गीतमा उनले तबला बजाएका छन् । उनले ८ वटा चलचित्रमा संगीत सिर्जना समेत गरिसकेका छन् । तबलावादनका ‘गोल्ड मेडलिस्ट’ नकर्मी संगीत महर्षी नातिकाजी सम्मान २०७५ लगायतका पुरस्कार तथा सम्मानहरुबाट सम्मानित भइसकेका छन् ।

Janata Tv

प्रतिक्रिया दिनुहोस्
विशेष

संघीय संसदको कृषि, सहकारी तथा प्राकृतिक स्रोत समितिको शुक्रबार बसेको बैठकले गुठी विधेयकका सम्बन्धमा विज्ञसँग सामूहिक छलफल गर्ने निर्णय गरेको…

समितिले काठमाडौंको तीनकुनेस्थित बागमती नदी पुल निर्माणमा गम्भीर त्रुटी भएको जनाउँदै पप्पुलाई कारवाही गर्न निर्देशन हो ।

गोलबजार नगरपालिका वडा नम्बर ४ का रञ्जित साहले भन्सार छलेर ल्याएको समाजमा बार्गेनिङ गर्दा प्रहरी हवल्दार अशोककुमार यादव पक्राउ परेका…

काठमाडाैं । पूर्वशिक्षामन्त्री डिआर पौडेलको परिवारमा एकपछि अर्को बज्रपात भएको छ । पौडेलको दाजुको निधन भएको महिनादिन नपुग्दै डिआरको पनि…

मृत्यु हुनेमा दोरम्बा गाउँपालिका ६ का ५८ वर्षीय उद्धव गौतम र ५९ वर्षीय हरिबहादुर कार्की रहेको प्रहरीले जनाएको छ ।

गुठीसम्बन्धी कानुन एकीकरण तथा संशोधन गर्न बनेको विधेयक २०७५ को व्यापक विरोध हुँदै आएको पनि समाचारमा विश्लेषण गरिएको छ ।