टिकेहरुलाई संगठन दिन खोजिए समानान्तर कमिटी: काफ्ले

महाधिवेशनको संघारमा पुग्दै र विभिन्न कारणले पछि सारिँदै गरिएको नेपाली कांग्रेसको भ्रातृसंगठन नेपाल विद्यार्थी संघ, त्रिविले स्ववियु निर्वाचनको मिति तोकेपछि पुनः अधिवेशनबाट पछि हट्ने संकेत देखिएको छ । नेविसंघका महामन्त्री कुन्दनराज काफ्ले भने अधिवेशन गर्न खोज्दाखोज्दै विभिन्न कारणले सर्दै आएको तर्क गर्नुहुन्छ । नेविसंघको अन्योलपूर्ण महाधिवेशन र आसन्न स्ववियु निर्वाचनलगायतका विषयबस्तुमा केन्द्रित रहेर जनतासमाचार डटकमका नरेश न्यौपानेसँग विद्यार्थी नेता काफ्लेले गरेको कुराकानीः

नेविसंघको महाधिवेशन पुनःअन्योलतातिर धकेलिने भयो ?
तपाईंको प्रश्न नै गलत भयो । नेविसंघको महाधिवेशन अन्योलतामा परेकै छैन । हाम्रो महाधिवेशन स्थानीय तथा प्रदेशसभा चुनावमा व्यस्तता, पार्टीको महाधिवेशन र हाम्रै अधिवेशनका निम्ति ७७ वटै जिल्लामा स्थानीय निकायमा समेत अधिवेशन सम्पन्न गर्नुपर्ने भएकाले समयको कमीका कारण हुन नसकेको हो । हालसम्म १४ वटा जिल्लामा मात्रै हामीले अधिवेशन गर्न सकेका छौँ । अन्य जिल्लामा पनि अधिवेशन हुने क्रम जारी छ ।

यसपटक पनि तोकिएको मितिमा महाधिवेशन हुन नसक्नुको कारण चाहिं के हो ?
यतिबेला एकातिर त्रिविले स्ववियु निर्वाचन घोषणा गरिसकेको र अर्कातिर हाम्रा जिल्ला अधिवेशन हुने क्रम जारी रहेका कारण तोकिएको मितिमा महाधिवेशन गर्न नसकिने स्थिति बनेको हो । सँगै क्याम्पसहरुमा जाडो बिदा भएर विद्यार्थी नै नहुनु र उच्च हिमाली जिल्लामा हिमपातका कारण विद्यालय नै बन्द भएका कारण हाम्रा जिल्ला अधिवेशनहरु प्रभावित भएका कारण महाधिवेशन हुन नसकेको हो । अर्को कुरा, पार्टीका केही नेताहरु नै महाधिवेशन रोक्न लागिरहेका पनि देखिन्छन् । त्यस्तै, हामीलाई महाधिवेशन गर्न भनेर पार्टीले तोकेको समय पनि अपुग भयो ।

यही विषयलाई लिएर केही नेताले राजीनामा बझाउनुभएको विषयलाई कसरी बुझ्ने ?
पहिलो कुरा, नेविसंघको केन्द्रीय कार्यसमितिमा कसैले राजीनामा बुझाएकै छैन । केही निर्वाचनमा विश्वाश नगर्ने र टीका लगाएर नेतृत्वमा जान चाहना राख्ने व्यक्तिहरुले पार्टीका नेताहरुकहाँ त्यस्ता पत्र बुझाउनुको कुनै अर्थ छैन । म संगठनको महामन्त्री हुँ, नेविसंघमा कसैले राजीनामा दिएको थाहा छैन । केही टिकेप्रथामा मोह भएका साथीहरुले संगठनमा विवाद देखाउन मात्र खोजेका हुन् । साथीहरुलाई आफूले राजीनामा दिने ठाउँ कहाँ हो ? पहिले त्यो थाहा पाउन आग्रह गर्दछु ।

तर महाधिवेशन हुन्छ कि हुँदैन वा कहिले हुन्छ, भन्ने प्रश्न त उठिरहने भयो नि ?
तपाईंलाइ आज म प्रष्ट भन्छु कि, नेविसंघको महाधिवेशन अबको ३ महिनाभित्र हुन्छ । केही साथीहरु अहिले स्ववियु चुनावको संघारमा आएर वर्तमान कमिटी भंग गरेर नयाँ कमिटी टीका लगाएर ल्याउनुपर्ने भन्दै विभिन्न गतिविधि गरिरहेका छन् । तर चुनावको मुखमा अब अधिवेशन गर्ने वा कमिटी पुनर्गठन गर्ने दुवै कुरा सम्भव छैन । तर यदि यही बीचमा ३२ वर्ष माथिका व्यक्तिहरु राखेर नयाँ कमिटी ल्याउने षड्यन्त्र गरियो भने मैले अर्को समानान्तर कमिटी निर्माण गर्छु । यसर्थ हामीले आउँदो वैशाखमा अधिवेशन गर्ने गरी तयारी गर्नुपर्छ । त्यतिबेला चाहिं कुनै हालतमा अधिवेशन रोकिँदैन ।

प्रसंग बदलौँ, नेविसंघले स्ववियु निर्वाचनको तयारी कसरी गरिरहेको छ ?
हामीले यो पटक हरेक क्याम्पसमा विद्यार्थीबीचमा संगठनका एजेण्डा बोकेर वास्तविक कार्यकर्तालाई अन्याय नहुुने गरी निकै सर्वसहमतिका आधारमा उम्मेदवार चयन गर्छौँ । लोकतन्त्रमा विश्वास राख्ने संगठन भएकाले हामीले स्ववियु निर्वाचनको घोषणालाई निकै सकारात्मक रुपमा लिएका छौँ । स्ववियुमै केन्द्रित हुनुपर्ने भएका कारण हामीले महाधिवेशन नै चुनावपछि गर्ने मनस्थिति बनाएका हौँ ।

स्ववियु निर्वाचनका लागी एजेण्डाहरु के छन् ?
हामीले खासगरी शिक्षालाई सर्वसुलभ र सबैको पहुँचमा ल्याइने कुरा उठाइरहेका छौँ । हाम्रो मुख्य एजेण्डा नेपाली युवा विद्यार्थीलाई गुणस्तरीय शिक्षा प्रदान गर्न राज्यलाई दबाब दिने र समाजका विकृति र विस्ांगति हल गर्ने नै हो । त्यस्तै, शैक्षिक बेरोजगारी अन्त्य, युवालाई स्वरोजगारी सिर्जना र मूलभूतरुपमा वैज्ञानिक शिक्षाको आवश्यकतामा हामीले जोड दिइरहेका छौँ । सबैभन्दा धेरै भ्रष्टाचार हुने शिक्षा क्षेत्रको सुधारलगायतका विषय हाम्रो सरोकारका एजेण्डा बन्छन् ।

यसपटकको निर्वाचनमा अखिल र अखिल क्रान्तिकारी मिलेर आउने देखिन्छ, जित्नुहोला त ?
वर्तमान सरकारका काम कारबाही हेर्दा उहाँहरुको एकताले कुनै असर गर्दैन । विद्यार्थी सचेत वर्ग हो । आज उहाँहरुको जनमत हेर्नुहुन्छ भने खस्किरहेको मात्रै देख्नुहुन्छ । हाम्रो जनमत दिनानुदिन बढिरहेको छ । यसकारण हामीले स्ववियु जित्ने कुरामा कुनै शंका नै छैन ।

Janata Tv

प्रतिक्रिया दिनुहोस्
विशेष

बिहान ५ः०० स्टेशन आइडी–राष्ट्रिय गान ५ः०२ योग दर्शन ५ः३० तीर्थ पर्यटन ५ः५५ विज्ञापन–प्रोमो ६ः०० जनता समाचार ६ः३० दर्शन दिग्दर्शन ६ः५५…

मेषः घर बाहिर दिन बित्नेछ, भ्रातृसुख रहनेछ । वृषः पाहुना बढ्नेछन्, भोजन सुख मिल्नेछ । मिथुनः प्रशन्नता बढ्नेछ, आफन्त भेटघाट…

जोसेफ शाही काठमाडौं । भाषा हाम्रो पहिचानसँग जोडिएको विषय हो । दुनियाँकै सबैभन्दा धनी भाषा मानिने संस्कृत भाषाको जगमा विकास…

अहिले बलात्कार गरेका आरोपीसमेत मेरो काँधमा फलानो नेताको हात छ र कुन कानुनले मेरो के बिगार्न सक्छ भनेर धाक लगाएर…

काठमाडौं । चालु आर्थिक वर्षको ५ महिनामा मुलुकको व्यापार घाटा करिब ६ खर्ब रुपैयाँ पुगेको छ । गतवर्षको यही अवधिमा…

काठमाडौं । प्रतिनिधिसभाको शुक्रबारको बैठकमा प्रधानमन्त्री केपी ओलीले सांसदहरुले उठाएका प्रश्नको जवाफ दिनुभएको छ । बैठकमा सांसदहरुले राखेको जिज्ञासाप्रति उत्तर…