नेता रिजालले बैठकमै भने– रामचन्द्रजीलाई त गिलास चल्छ कि !

काठमाडौं । बिहानैदेखिको वर्षाले काठमाडौं उपत्यकामा बिहिबार अघिल्लो  दिनको तुलनामा बढी चिसो भएको छ । चिसो बढिरहेको बेला प्रमु्ख प्रतिपक्ष दल नेपाली कांग्रेसको केन्द्रीय सम्पादन समिति बैठक चलिरहेको छ ।

कांग्रेस नेताहरु बैठकमा सहभागी हुन सिमसिमे पानी छल्दै बिहान ११ बजे नै पार्टी मुख्यालय पुगे । बैठकको मध्यान्तरमा दिउँसो ३ बजे संचारकर्मीलाई दृश्य खिच्न हलमा बोलाइयो ।  क्यामेरा लिएर हलभित्र छिरेका पत्रकार तथा क्यामेरा पर्सनहरु शीर्ष नेता बसेको स्थानतिर लम्किए । शीर्ष नेता एउटै सोफामा बसेका थिए । एउटै सोफाको बीचमा बस्नुभएको थियो, सभापति शेरबहादुर देउवा र वरिष्ठ नेता रामचन्द्र पौडेल । उहाँको छेउमा एकातिर बिमलेन्द्र निधि र अर्कोतिर  विजयकुमार गच्छदार हुनुहुन्थ्यो ।

सञ्चारकर्मीले जब शीर्षनेतातिर आफ्ना क्यामेरा सोझ्याए, सभापति देउवाले रोक्न खोज्दै भन्नुभयो, ‘एकछिन पखपख, टेबुलमाथि पानीका रित्ता बोतल र रिता गिलास मात्रै छ, त्यसलाई हटाउ न यार । टीभीमा फेरि त्यही मात्रै देखिएला ।’ देउवाको आग्रहपछि उहाँको अगाडिको गिलास र बोतल नेता निधिले हटाउनु भयो । तर वरिष्ठ नेता पौडेलको अगाडिको बोतल र गिलास भने त्यसै थियो ।

त्याे देखेपछि सभापति देउवाले अर्का नेता गच्छदारतिर इसारा गर्दै भन्नुभयो, ‘त्यो पनि हटाउनुस् न यार ।’ सभापति देउवाको भनाई टुंगिए लगत्तै अर्का नेता मिनेन्द्र रिजालले ठट्यौली पारामा भन्नुभयो, ‘रामचन्द्र जीलाई त गिलास चल्छ कि ।’ वरिष्ठ नेता पौडेल पनि के कम, उहाँले तत्कालै प्रतिवाद गर्नुभयो, कसकसलाई के के चल्छ, सबैलाई थाहा भएकै कुरा हाे, अहिले त्यतातिर नजाउँ ।’

शीर्षकै सामुन्ने गिलासको चर्चा हुँदा हरेक दिन टुच्च अलिकति लगाउने पानी परेका नेताहरुको मुख रसाइएछ क्यारे । उनीहरु मुख मिठ्याँदै खिस्स हाँसे । हिजोदेखि शुरु भएको कांग्रेस बैठक बिहिबार पनि नेपाल विद्यार्थी संघ र महासमिति बैठकबारे छलफलमै केन्द्रित रह्यो ।

Janata Tv

प्रतिक्रिया दिनुहोस्
विशेष

प्रहरी हिरासतमा रहेका पत्रकार रवि लामिछाने पक्राउ प्रकरणमा कलाकारहरूले निष्पक्ष छानबिन हुनुपर्ने बताएका छन् ।

रमेश शुभेच्छुको संकलन र सम्पादनमा ‘वर्ष साहित्य पुस्तक–२०७४’ प्रकाशित भएको छ ।

वडा नम्बर ७ का सचिव चेतबहादुर कुँवरलाई बलात्कर आरोप लागेको हो ।

सार्वजनिक सम्पत्तिको रक्षा कसरी गर्ने ? हामीभित्रै  पनि समस्या छन् ।

सर्वसाधारण नागरिकले नेपाली सेनाको पोशाक लगाए कारबाही गरिने भएको छ ।

बूढीगङ्गा नगरपालिकामा चट्याङ लागेर बालिकाको मृत्यु भएको छ ।