दिदी प्रधानमन्त्री बन्न खोज्दा राजाको कडा आलोचना

काठमाडौं । दिदीले आउँदो चुनावमा प्रधानमन्त्रीका लागि प्रतिस्पर्धा गर्ने जनाएपछि थाइल्याण्डका राजा वाजिरालङ्कोर्नले आलोचना गरेका छन् ।

राजा वाजिरालङ्कोर्नकी दिदी राजकुमारी उबोल्राताना माहिडोलले प्रधानमन्त्रीका लागि उमेद्वारी दिएकी छन् । ६७ वर्षकी उबोल्रातानालाई पूर्व प्रधानमन्त्री थाक्सिन शिनावात्राको पार्टीले भावी प्रधानमन्त्रीको रुपमा प्रस्ताव गरेको हो ।

राज परिवारको सदस्यले प्रधानमन्त्रीका लागि दाबेदारी दिनु अनुचित रहेको राजा वाजिरालङ्कोर्नले बताएका छन् । राजाले वक्तव्य जारी गरेर यस्तो कदमले देशको संस्कृति र परम्परा मासिने उल्लेख गरेका छन् ।

राजाले यस्तो वक्तव्य जारी गरेपछि देशको निर्वाचन आयोगले मार्च २४ मा हुने चुनावका लागि राजकुमारी उबोल्रातानालाई अयोग्य घोषित गर्ने सम्भावना रहेको विश्लेषण गरिएको छ ।

पाँच वर्षदेखि सैन्य शासनमा रहेको थाइल्याण्डमा यो चुनावपछि आधिकारिक रुपमा पुनः प्रजातन्त्र स्थापित हुने अपेक्षा छ । राजाकी दिदी प्रधानमन्त्री बनेमा थाइ राजपरिवारका सदस्य अहिलेसम्म सार्वजनिक रुपमा राजनीतिबाट बाहिर रहँदै आएको परम्परा तोडिने छ ।

Janata Tv

प्रतिक्रिया दिनुहोस्
विशेष

प्रहरी हिरासतमा रहेका पत्रकार रवि लामिछाने पक्राउ प्रकरणमा कलाकारहरूले निष्पक्ष छानबिन हुनुपर्ने बताएका छन् ।

रमेश शुभेच्छुको संकलन र सम्पादनमा ‘वर्ष साहित्य पुस्तक–२०७४’ प्रकाशित भएको छ ।

वडा नम्बर ७ का सचिव चेतबहादुर कुँवरलाई बलात्कर आरोप लागेको हो ।

सार्वजनिक सम्पत्तिको रक्षा कसरी गर्ने ? हामीभित्रै  पनि समस्या छन् ।

सर्वसाधारण नागरिकले नेपाली सेनाको पोशाक लगाए कारबाही गरिने भएको छ ।

बूढीगङ्गा नगरपालिकामा चट्याङ लागेर बालिकाको मृत्यु भएको छ ।