Nic

‘पार्टीले विधि अपनाए अध्यक्ष हुने म नै हुँ’

अनेरास्ववियुका कारणले स्ववियु चुनाव रोकिदैन

नेपाल कम्युनिष्ट पार्टी(नेकपा)को भातृ संगठन अनेरास्ववियु र अखिल (क्रान्तिकारी) को एकीकरण यतिखेर अन्तिम चरणमा पुगेको छ । दुबै पक्षका विद्यार्थी नेता एकता चाडैँ छिनोफानो गर्न सक्रिय भइरहेका छन् । एकता घोषणा ढिलाईको कारण, स्ववियु चुनावको सन्दर्भ र समसामयिक विद्यार्थी राजनीतिक सवालमा केन्द्रित रहेर अनेरास्ववियुका उपाध्यक्ष रश्मी आचार्यले जनतासमाचार डटकमका लागि नरेश न्यौपानेसँग गरेको संक्षिप्त कुराकानीः-

  • अनेरास्ववियुजस्तो अत्यन्त क्रियाशील संगठन आफ्नै मातृपार्टी सत्ताको नेतृत्वमा भएका बेला किन गुमनाम जस्तै देखिएको ?

अनेरास्ववियु गुमनाम देखियो भन्ने तर्कसँग म सहमत छैन् । हामी आफ्ना उद्देश्य, नीति, कार्यक्रम र एजेण्डाको कार्यान्वयनका लागि निकै स्पष्ट र सजगताका साथ डटिरहेका छौं । आजपनि शैक्षिक मुद्दा स्थापित गर्ने र विश्वविद्यालयमा नजिकिरहेको स्ववियु निवार्चनलाई समयमै सम्पन्न गर्नका प्रयत्न गर्ने गरि सक्रियता बढाईरहेका छौं । हामी निरन्तर विद्यार्थीका प्रमुख एजेण्डा र राष्टका ज्वलन्त मुद्दामा चासो लिइरहेका छौं । तर हामी दुई संगठनको एकता सम्पन्न गर्ने चरणमा रहेकाले जसरी विद्यार्थीबीचमा जानुपर्ने थियो, त्यसरी योजनावद्द तरिकाले जान नसकेको चाहीँ सत्य हो । एकता पछि हामी रफ्तारमै अघि बढ्छौं ।

  • एकता के कारणले पर पर धकेलिरहेको हो ?

वास्तवमा दुईवटा फरक फरक मनोविज्ञान र राजनैतिक पृष्ठभूमिबाट आएका दुई ठूला कम्युनिष्ट पार्टीहरु मुलुकको ऐतिहासिक आवश्यकताका कारण एक ठाउँमा आइपुगे । यसको मूल उद्देश्य भनेको नेपालको कम्युनिष्ट आन्दोलनलाई एकीकृत गरेर पार्टीको दीर्घकालीन लक्ष्य समाजवादको आधार तयार गर्दै साम्यवादसम्म पुग्नु नै हो । यसमा तपाईले संकेत गरेजस्तै पार्टी एकता र जनसंगठन एकताको काम समयमै सम्पन्न गर्न सक्दा संगठन र निर्देशित लक्ष्य प्राप्तिका लागि अत्यन्तै राम्रो हुन्थ्यो । र एकताले सम्पुर्ण पार्टीपंत्तिलाई एकसुत्रमा बाँधेर उर्जा पैदा गर्नसक्नु पर्थ्याे। यसो गर्दा सम्पूर्ण पार्टी र कार्यकर्ता तहमा रक्तसञ्चार पनि हुन्थ्यो । तर एकतामा ढिलाई भइदिनाले केही समस्या पनि देखिने सम्भावना बढिरहेका छन् । मेरो विचारमा पार्टी एकता घोषणा भएकै बेला तलका दुवै पार्टीका कमिटीको पनि एकता भएकोे भए र नेतृत्व चयनका लागि स्थानीय कमिटी आफै जिम्मेवार हुनुपर्ने मापदण्ड बनाइदिएको भए यस्तो ढिलाई हुने नै थिएन । त्यसैले, एकताका लागि कायृदल बनाउने तर तिनका डकुमेन्टलाई पनि स्वकार्न नसक्ने जुन अवस्था देखिएको छ, किन यस्तो भइराखेको छ हामी पनि आश्चर्यमा छौं । यो कार्यदल मात्रै बनाउने चक्रको अन्त्य गनुपर्छ र बनेका कार्यदललाई काम गर्न दिने र भएका निर्णयलाई स्वीकार्ने हो भने धेरै समस्या होला जस्तो लाग्दैन । एकतामा विधिलाई आत्मसात गर्ने हो भने यो यति ठूलो विषय नै बन्दैन । पार्टीकै एकताको काम ढिलो भइरहेकाले हाम्रो एकता त झन कसरी अगाडी बढ्थ्यो र ?

  • तर पूर्व एमालेको भागमा अखिल पर्ने सम्भावना रहेको र भावी नेतृत्वको लागि तपाईभित्रै विवाद भएकोले संगठनको एकतामा ढिलाई भइरहेको भन्ने आशंका पनि आइरहेका छन नि ?

यसमा कुनै सत्यता छैन । मैले पाएको सूचनाको आधारमा भन्दा हाम्रा पुराना दुवै पार्टी नेकपा (एमाले) र माओवादी केन्द्रबीचमा कुन जनवर्गीय संगठन कसले पाउने भन्ने कुनै सहमति आजसम्म पनि बनिसकेको छैन । जबसम्म कुन संगठन कसले पाउने भन्ने कुरा टुंगिदैन तवसम्म त्यहाँभित्र कसले नेतृत्व गर्ने भनेर बहस नै शुरु हुँदैन । यो त कसैले अब केही दिनभित्रै अध्यक्ष बन्दै भनेर अफवाह फैलाएजस्तै, आफै आफैले बहस चलाएको विषय मात्र हो जस्तो लाग्छ । दुई तिन घण्टा पछि अध्यक्ष भइहाल्छु भन्ने ढंगले पनि कुराहरु आएका हुन नि । संगठन एकतामा त्यस्ता केटाकेटी तरिकाबाट आउने विषयहरुको कुनै अर्थ हुँदैन । विधि र वास्तविकता प्रमुख विषय हाेला नि ।

  • एकतामा भइरहेको ढिलाईले स्ववियु चुनाव नै नहुने परिस्थिति आउने भो नि ?

हामीले संगठनको नाममा सहमति गरिसकेका छौं । एकीकृत अखिलको नाम अनेरास्ववियू राख्ने भइसकेपछि हामीलाई चुनावमा जान कुनै अफ्ठ्यारो नै छैन । हाम्रा कारणले कुनैपनि हालतमा स्ववियु चुनाव रोकिदैन । चुनाव हुने स्थितिमा एकता टुंगिएन भने पनि दुई अध्यक्षले हस्ताक्षर गरेर अनेरास्ववियूको नाममा चुनावमा जान सकिन्छ ।

  • अनेरास्ववियुले अहिले प्राथमिकताका साथ उठाइरहेका विद्यार्थीका सवाल के के छन् ?

हामीले मुलतः अबको विद्यार्थी आन्दोलनलाई शैक्षिक आन्दोलनसँग नै जोडेर अघि बढाउने सोचिरहेका छौं । हाम्रो मुख्य जोड भनेको विद्यार्थीलाई उत्पादनसँग जोड्ने र सबैभन्दा धेरै शैक्षिक विषयवस्तुमै केन्द्रित गर्नेछ । हामीले शिक्षा क्षेत्रमा विगतदेखि उठाउँदै आएका विषयहरुको अब बैठान गर्ने बेला आएको छ । हाम्रो शिक्षाले केवल सर्टिफिकेटमात्रै उत्पादन गर्ने काम गरिरहेकोले त्यसलाई मध्यनजर गर्दै हाम्रो अबको अभियान भनेको शिक्षालाई उत्पादनसँग जोडेर स्वरोजगारमुखी बनाउने हो । यसका लागि हामी प्राविधिक शिक्षाको कार्यान्वयनलाई विशेष जोड दिइरहेका छौं । त्यसैले अबको विद्यार्थी आन्दोलनको प्रमुख एजेण्डा भनेको शैक्षिक क्रान्ति नै हो ।

  • एकतापछि आउने एकीकृत अखिलको नेतृत्वमा तपाई आउने सम्भावना कति छ ?

यदि पार्टीले एउटा विधि र मापदण्ड बनाउने र संगठन तथा विद्यमान विद्यार्थी आन्दोलनको आवश्यतालाई केन्द्रमा राखेर नेतृत्व चयन गर्न खोज्यो भने अहिलेको अखिलले नै नेतृत्व पाउने अवस्थामा सबै हिसाबले अध्यक्ष हुने भनेको म नै हो । १८ औं महाधिवेशनबाट निवार्चित मध्य वर्तमान अध्यक्ष नविना लामा र म मात्रै अहिले अखिलमा छौं । बाँकी पार्टीले निर्णय गर्ने कुरा हो । यद्यपि नेतृत्वले गरेको निर्णय सबैले मानेर जानु नै पर्छ ।

Janata Tv

प्रतिक्रिया दिनुहोस्
विशेष

अख्तियार दुरुपयोग अनुसन्धान आयोगले नेपालबाट साउदी अरबमा हज गर्न जाने हज यात्रीहरूको हवाई भाडामा अनियमिता भएको जनाउँदै १० जनाविरुद्ध मुद्दा…

काठमाडौं । ‘लोकसेवा आयोगले स्थानीय तहको कर्मचारी नियुक्तिको लागि खुलाइएको विज्ञापन संविधानसम्मत भएको जनाएको छ । आयोगका प्रवक्ता किरणराज शर्माले…

काठमाडौं । राष्ट्रिय पुनर्निर्माण प्राधिकरणले गोर्खाको बारपाकमा ‘भूकम्प स्मारक पार्क’ बनाउने काम आगामी आर्थिक वर्षबाट शुरु गर्ने स्पष्ट पारेको छ…

नेपाल कम्युनिष्ट पार्टी (नेकपा)का अध्यक्ष पुष्पकमल दाहालले चितवनमा निर्माणधिन गौतमबुद्ध अन्तर्राष्ट्रिय क्रिकेट रंगशालालाई सरकारले आवश्यक सहयोग गर्ने बताउनुभएको छ ।

पक्राउ गर्न खोज्दा थापाले प्रतिकार गरेपछि गोली चलाउनु परेको प्रहरीको भनाई छ ।

प्रतिनिधिसभाका सांसदहरु सुवाषचन्द्र नेम्वाङ, लक्ष्मणलाल कर्ण लगायतले काठमाडौंमा विशेष अदालत र प्रदेशमा इजलास राख्ने गरी राष्ट्रियसभाबाट पारित गरिएको विधेयकप्रति असहमति…