दुर्घटनाका घाइते नेता पौडेललाई सहयोग जारी

नारायण थापा

भक्तपुर । सवारी दुर्घटनामा परी गम्भीर घाइते भई लामो समयदेखि थला परेका नेपाली कांग्रेसका जिल्ला नेता रोशन पौडेललाई विभिन्न क्षेत्रबाट सहयोग जारी रहेको छ ।

आइतबार पौडेलको चाँगुनारायण नगरपालिका–५ स्थित घरमै पुगेर तरुण दल भक्तपुरले नगद १५ हजारसहित चामल, बिस्कुट, हर्लिक्सलगायत १५ हजार रुपैयाँ बराबरको खाद्य सामग्री हस्तान्तरण गरेको छ । तरुण दल भक्तपुरका अध्यक्ष राजु थापाले एक कार्यक्रमका बीच सहयोग सामग्री हस्तान्तरण गर्नु भएको हो ।

पाँच वर्षअघि सवारी दुर्घटनामा घाइते भएका पौडेल अझै अर्धचेत अवस्थामै रहेका छन् । उनी आफूले आफैलाई चिन्न सक्ने अवस्थामा छैनन् र उनको यो अवस्थाले गर्दा परिवारको आर्थिक अवस्था दिनानुदिन कमजोर बन्दै गएको छ ।

युवा नेता पौडेल भक्तपुरका सक्रिय नेता थिए । उनी विद्यार्थी राजनीतिबाट नेपाली कांग्रेसको राजनीतिमा भक्तपुरमा उत्रेका थिए । निकै मिजासिला एवं लोकप्रिय नेताका रुपमा उनी चीरपरिचित थिए । भक्तपुरबाट निजी निवास चाँगुनारायण जाने क्रममा सवारी दुर्घटनमा सख्त घाइते भएका पौडेल बाँच्न सफल भएपनि अर्धकोमाजस्तै अवस्थामा रहेका छन् । उनका एक छोरी र एक छोरा छन् ।

Janata Tv

प्रतिक्रिया दिनुहोस्
विशेष

प्रहरी हिरासतमा रहेका पत्रकार रवि लामिछाने पक्राउ प्रकरणमा कलाकारहरूले निष्पक्ष छानबिन हुनुपर्ने बताएका छन् ।

रमेश शुभेच्छुको संकलन र सम्पादनमा ‘वर्ष साहित्य पुस्तक–२०७४’ प्रकाशित भएको छ ।

वडा नम्बर ७ का सचिव चेतबहादुर कुँवरलाई बलात्कर आरोप लागेको हो ।

सार्वजनिक सम्पत्तिको रक्षा कसरी गर्ने ? हामीभित्रै  पनि समस्या छन् ।

सर्वसाधारण नागरिकले नेपाली सेनाको पोशाक लगाए कारबाही गरिने भएको छ ।

बूढीगङ्गा नगरपालिकामा चट्याङ लागेर बालिकाको मृत्यु भएको छ ।