धनगढी प्रिमियर लिगः काठमाडौं ४ विकेटले विजयी

काठमाडौं । धनगढी प्रिमियर लिगको पहिलो खेलमा काठमाडौं गोल्डेन ४ विकेटले विजयी भएको छ । धनगढी स्टार्सले दिएको १ सय ३३ रनको लक्ष्य पछ्याएको काठमाडौंले ६ विकेट गुमाएर १ बल बाँकी छँदै लक्ष्य भेट्टायो ।

जितको लागि काठमाडौंका अंकित डाबसले २९, गौरव तोमरले २८, अनिल शाहले २४, ज्ञानेन्द्र मल्लले ३, सोनु तामाङले २, योगेन्द्र सिंह कार्कीले २ रन बनाए । त्यस्तै मोहम्मद आलम १२ र बिक्रम भुषाल १४ रन नटआउट रहे ।

धनगढीका रोहन मुस्तफाले ४ तथा आमिर हायात र बिपिन खत्रीले समान एक/एक विकेट लिएता पनि त्यसले जित दिलाउन सकेन ।

त्यसअघि धनगढीको फाप्ला मैदानमा टस हारेर ब्याटिङको निम्तो पाएको धनगढीले निर्धारित २० ओभरमा ५ विकेट गुमाएर १ सय ३२ रन बनाएको थियो । उसका लागि अमित श्रेष्ठले सर्वाधिक ५० रन, सन्दीप रजालीले २८, र पवन सराफले १९ रन बनाएका थिए । यस्तै सुनिल धमलाले ३ र रोहन मुस्तफा ० रनमा पेभेलियन फकँर्दा सौरभ खनाल २५ र सोमपाल कामी ० रन नटआउट रहे ।

धनगढीलाई १ सय ३२ मै रोक्नको लागि काठमाडौंँका नन्दन यादवले ३, ललित राजबंशी र अंकित दबासले समान एकरएक विकेट लिए ।

प्लेयर अफ द म्याच काठमाडौंका अंकित दबास बने ।

आजै दिउँसो १ बजे हुने दोस्रो खेलमा महेन्द्रनगर युनाइटेड र रुपन्देही च्यालेन्जर्स भिड्नेछन् । फागुन ११ गते सम्म चल्ने प्रतियोगिताको विजेताले ३० लाख, उपविजेताले १२ लाख, तेस्रोले ४ लाख र चौथो स्थानमा रहनेले २ लाख नगद पुरस्कार प्राप्त गर्नेछन् ।

Janata Tv

प्रतिक्रिया दिनुहोस्
विशेष

प्रहरी हिरासतमा रहेका पत्रकार रवि लामिछाने पक्राउ प्रकरणमा कलाकारहरूले निष्पक्ष छानबिन हुनुपर्ने बताएका छन् ।

रमेश शुभेच्छुको संकलन र सम्पादनमा ‘वर्ष साहित्य पुस्तक–२०७४’ प्रकाशित भएको छ ।

वडा नम्बर ७ का सचिव चेतबहादुर कुँवरलाई बलात्कर आरोप लागेको हो ।

सार्वजनिक सम्पत्तिको रक्षा कसरी गर्ने ? हामीभित्रै  पनि समस्या छन् ।

सर्वसाधारण नागरिकले नेपाली सेनाको पोशाक लगाए कारबाही गरिने भएको छ ।

बूढीगङ्गा नगरपालिकामा चट्याङ लागेर बालिकाको मृत्यु भएको छ ।