Nic

रेलमा काटिएकी दुई किशोरीको यस्तो रहस्य !

खेम बम

काठमाडौं । आइतबार रहस्यमय घटना सार्वजनिक भयो । सामान्य अर्थमा बुझ्दा रेलको लिकमा काटिएर दुई किशोरीको मृत्यु भयो । अहिले आएर घटनाले फरक मोड लिएको छ । ती किशोरी नेपाली मुलकी हुन् । सीमावर्ती शहर रक्सौलको दक्षिणी गाउँमा अवस्थित रेल्वे लिकमा मृत भेटिएका दुई नेपाली किशोरीको कोठामा ‘सुसाइड नोट’ भेटिएको छ ।

प्रहरीले घटनाको अनुसन्धानका क्रममा उनीहरु बस्ने डेराबाट ‘सुसाइड नोट’ फेला पारेको हो । पर्साको कालिकामाई गाउँपालिका–२ भेडिहारी बस्ने निभाकुमारी साह र सोही गाउँपालिका–३ हरिहरपुर बस्ने किरण चौरसियाको शव रेलको लिकमा क्षत विक्षत अवस्थामा फेला परेको थियो । उनीहरु दुबैजना कक्षा ११ मा पढ्थे । घटनाको अनुसन्धानमा जुटेको प्रहरीले उनीहरुको मृत्युको बिषयमा केही बोलेको छैन ।

‘सुसाइड नोट’ भेटिएपछि उनीहरुले स्वईच्छाले मृत्युवरण गरेको प्रहरी बताउँछ । तर, प्रहरीको आधिकारिक र अन्तिम निर्णय भने यो होईन । मृतक किशोरीका आफन्तले तिनीहरु त्यहाँ कसरी पुगे भन्ने बिषय शंकास्पद रहेको बताएका छन् । रक्सौलबाट दुई किलोमिटर दक्षिणको गाउँमा उनीहरु किन र कसरी गए भन्नेबारे अनुसन्धान हुनुपर्ने स्थानीयको माग छ ।

प्रहरीले गरेको अनुसन्धानका आधारमा रक्सौलबाट दिल्ली जाँदै गरेको १५२७३ नम्बरको सत्याग्रह एक्सप्रेस रेलले उनीहरुलाई किचेको थियो । घटनास्थलबाट भारतीय प्रहरीले फेला पारेको फुटेको मोबाइल र निभा कुमारीको वीरगञ्ज पब्लिक स्कुलको कक्षा ११ को आइडी कार्डका आधारमा उनीहरुको सनाखत भएको थियो । कक्षा ११ मा पढ्ने किरण चौरसियाको विवाहका लागि भर्खरै फूलमाला भएको थियो । कोठामा भेटिएको ‘सुसाईट नोट’ माथि किरणले इन्गेजमेन्टमा पाएको घडी र प्लाष्टिकको फूलसमेत राखेकी थिइन् । किरणको केही दिन पहिलेमात्रै विवाहको मिति समेत तय भइसकेको थियो । चौरसिया परिवारलाई केटापक्षले तीन दिन पहिले नै दाइजो स्वरुप ४ लाख रुपैयाँसमेत बुझाइसकेको स्थानीयको दाबी छ ।

‘सुसाइड नोट’मा उनीहरुले मृत्युको जिम्मेवार कोही नभएको लेखेकी छन् । रातो अक्षरले लेखिएको नोटमा आफू बाँच्नुको कुनै अर्थ नभएको लेखिएको छ । माता–पिता हामीले केही गर्न सकेनौ । जीवनमा गर्नुपर्ने धेरै थियो तर अपूरै रह्यो भनिएको छ । प्रत्यक्षदर्शीका अनुसार डेराबाट उनीहरु आइतबार बिहान साढे ६ बजेतिर एकैसाथ निस्केका थिए ।

Janata Tv

प्रतिक्रिया दिनुहोस्
विशेष

मेष– घरबाहिर व्यस्त भइनेछ । काममा जिम्मेवारी आउनेछ । वृष– भोजनको सुख मिल्नेछ । इष्टमित्रबाट सहयोग पाइनेछ । मिथुन– प्रशन्नता बढ्नेछ ।…

अख्तियार दुरुपयोग अनुसन्धान आयोगले नेपालबाट साउदी अरबमा हज गर्न जाने हज यात्रीहरूको हवाई भाडामा अनियमिता भएको जनाउँदै १० जनाविरुद्ध मुद्दा…

काठमाडौं । ‘लोकसेवा आयोगले स्थानीय तहको कर्मचारी नियुक्तिको लागि खुलाइएको विज्ञापन संविधानसम्मत भएको जनाएको छ । आयोगका प्रवक्ता किरणराज शर्माले…

काठमाडौं । राष्ट्रिय पुनर्निर्माण प्राधिकरणले गोर्खाको बारपाकमा ‘भूकम्प स्मारक पार्क’ बनाउने काम आगामी आर्थिक वर्षबाट शुरु गर्ने स्पष्ट पारेको छ…

नेपाल कम्युनिष्ट पार्टी (नेकपा)का अध्यक्ष पुष्पकमल दाहालले चितवनमा निर्माणधिन गौतमबुद्ध अन्तर्राष्ट्रिय क्रिकेट रंगशालालाई सरकारले आवश्यक सहयोग गर्ने बताउनुभएको छ ।

पक्राउ गर्न खोज्दा थापाले प्रतिकार गरेपछि गोली चलाउनु परेको प्रहरीको भनाई छ ।